استشهاد لواء شرطة أثناء تنظيم حركة المرور على الطريق الدائري

**SeiffoZ** · 28-08-2009 04:20 AM

هيئة سيادية ...

يعنى هيئة دبلوماسية

تقريبا

و ممكن تكون دولة كبرى

**TaoTao** · 28-08-2009 09:54 AM

الله يرحمه الراجل كان بيأدي مهمته وواجبه، بس ...
اللهم لا شماتة طبعاً هو لو كان لوا أو حتى وزير زيه زي غيره في الشعب اللي بيموت من غير تمن (ياريت يكونوا حسوا إحساس أسرة في انتظار عائلها أو أحد أفرادها وآخر النهار يزوروه يتعرفوا عليه في المشرحة :( )، يارب يحسوا على دمهم ويحسنوا خدمات النجدة والإسعاف اللي مابتجيش غير بعد ما يكون "قضي الأمر" يارب يطبقوا القانون على كل واحد بيجري وبياخد غرز ويارب يكونوا اتعلموا إنهم مش بعيد عن الخطر

**tutankhamoun** · 28-08-2009 12:01 PM

الله يرحم المتوفي ....... و يدخله فسيح جناته و يفغر له ذنوبه و يعامله بما يستحق .

أنا مش عارف لغاية أمتى .......... أمتى هانعدل المرور و نظبط السرعات على الدائري و غيره .
أمتى هانلتزم بالحارات و نسوق زي بقية البني آدمين ؟؟؟؟؟؟
أمتى ................ أمتى

مش عارف حاسس أنه سؤال ليس له أجابة !!!!!1

**Sameh** · 28-08-2009 12:32 PM

الله يرحمه ونحتسبه شهيد

العربية كانت جيش ومش عارف ليه ماقالوش على طول و قالوا (هيئة سيادية) ؟ يمكن عشان مايتسببوش فى توتر بين الداخلية والجيش اللى علاقتهم متوترة مع بعض أساساً ومش ناقصة ، أنا عرفت لأن المصابين والمتوفى نقلوهم للمستشفى اللى بتعمل فيها زوجتى فور وقوع الحادثة

**MoToRiZeR** · 29-08-2009 08:55 AM

هي حادث مروع و لكن هو بالنسبة لي حادث مثل بقية الحوادث التي أراها بعيني و أسمع عنها كل يوم أو كل شوية خلال اليوم الواحد!

الفرق إن المرة دي شخصية مهمة هي الضحية .. ضحية من ضمن ضحايا كتير علي الطريق و أرواحهم في رقبة إنعدام النظام حكومة و شعب .. لواء يموت و عميد في المستشفي بين الحياة و الموت أثناء تنظيمهم للمرور !! .. ده بجد يعكس حالة المرور المصرية .. مهزلة !!

علي رأي إبراهيم عيسي في فيلم خيانة مشروعة .. إحنا هنخلي عندنا دم و نكشفهم يمكن حد يخلي عنده دم يعمل شغله و يحاسبهم!

أتمني حد عنده دم يعدل من أسلوب قيادته العنيف اللي ملوش لازمة و مش مخليه بطل الأبطال ولا حاجة مخليه مجرد واحد غبي عالطريق فاكر نفسه جامد و الواقع إن الناس بتدعي عليه في الرايحة و الجاية .. أو أي مسئول يعمل بحق لوقف نزيف الأسفلت .. و لنا الله !

**أحمد كمال** · 29-08-2009 01:08 PM

المشاركة الأصلية كتبت بواسطة mada121977

العربيه مكتوب انها تابعه لجهه سياديه عليا .. طبعا بدون ذكر اسم الجهه دى

المشاركة الأصلية كتبت بواسطة relentless_mayhem

هيئة سيادية ...

يعنى هيئة دبلوماسية

تقريبا

و ممكن تكون دولة كبرى

يبقى راح بلاش

لا حول و لا قوة الا بالله :(

**جمال** · 29-08-2009 03:57 PM

الموضوع فيه حاجة مش واضحة
مال مدير المباحث بتنظيم المرور ؟؟
اولاده بيقولو كانو منتظرينه على الافطار , وانه كان مسافر العمرة مساء نفس اليوم زى ماهو متعود كل سنة!
جريدة اخرى قالت كان بيعاين مكان هبوط الهليوكبتر بتاعت الريس اعلى محور المنيب !!
وبيقولو كان معاه قوة لتنظيم المرور على محور المنيب ساعة الافطار

كلام كتير مش راكب على بعضه