السلام عليكم ورمضان كريم
كنت عايز أسأل أساتذتنا الكبار بخصوص علاقة الفرامل والتكييف , لأن انا بحس ان الفرامل بتخف عندي شوية لما بشغل المكيف ولما بطفي المكيف الفرامل بتبقى تمام ... ياترى ده طبيعي ولا في مشكلة عندي ؟
وشكرا
عرض للطباعة
السلام عليكم ورمضان كريم
كنت عايز أسأل أساتذتنا الكبار بخصوص علاقة الفرامل والتكييف , لأن انا بحس ان الفرامل بتخف عندي شوية لما بشغل المكيف ولما بطفي المكيف الفرامل بتبقى تمام ... ياترى ده طبيعي ولا في مشكلة عندي ؟
وشكرا
لا فيه علاقة
كتبها المهندس سبعاوى والمهندس سمير عياد
بس مش فاكر فين
والله ما أنا فاكر برضه يا أستاذ : أحمداقتباس:
بس مش فاكر فين
ههههههههههه
بس كنت عاوز أسأل أخونا محمد
أيه أخبار حرارة المكنه عندك
لأن معروف أن تشغيل التكييف بيرفع حرارة المكنه شويه
ولما بترفع الحراره ....
أحتمال ده بيخللى عزم المكنه يشد شويه
ومعنى أن عزم المكنه شد .....يعنى الفرامل حتبقى غلبانه قصاد عزم المكنه الكبير
فلو المكنه بدون تكييف حرارتها بتبقى واطيه ...يعنى عزمها ضعيف فى سحب العربيه
يبقى الفرامل حتقدر عليها وبسهوله
دول كده شوية دردشه على ما أفكر شويه فى العلاقه بصوره أعمق
وربنا يسهل وأخونا : خالد يشوف الموضوع ده ويفكرنا بالموضوع اللى بتقول عليه يا أستاذ : احمد
لأنى مش متذكر الصراحه
وأنا حاسس أن الموضوع جاى من أثر رفع الحراره مع تشغيل التكييف
ورفع كفاءة المكنه
أحتمال برضه الموضوع قادم من زاوية حرارة الغرفه العاليه مع شغل التكييف
حراره عاليه ....يعنى زيت الفرامل حرارته بتزيد
يعنى لزوجته حتقل شويه ....يعنى ضغطه حيقل
يعنى قوة الفرامل حتقل
طبعا ده مع شغل التكييف ....اللى بيرفع حرارة المكنه وبالتالى الغرفه
وكل سنه وأنت طيب يابشمهندس : محمد
لا هو سحب الهواء مع حمل التكييف حينشف الدواسه فقط
بس مش حيقلل القوه الفرمليه .....بس طبعا السواق ( أخونا : محمد صاحب الموضوع )
حيعمل مجهود شويه على دواسة الفرامل ....ولكن القوه الفرمليه حتبقى كويسه
طالما هو عوض الأخفاق فى عمل السيرفو بزيادة الضغط على دواسة الفرامل
:B4_282::B4_282::B4_282::B4_282:
وحضرتك طيب يا باشا وبصحة وسلامة :ask:
وبما ان موضوع الحرارة ده اتفتح فانا عندى استفسار : لما برجع من مشوار واكون مشغل التكييف وبافتح كبوت
العربية بحس انى فتحت باب جهنم ( والعياذ بالله ) اكيد طبعا العربية مصممة بس احنا بلادنا حر والحرارة دى اكيد خطر
على الخراطيم والعجل ( الكاوتش ) ؟؟؟؟؟
أضغط هنا
شوف التكييف بيرفع الحراره أزاى
على فكره الموضوع ده مترجم حرفيا من كتالوج الدايو
ولاحظ أن درجة الحراره بتزيد عن ال 100 بسبب الضغط الزائد داخل دورة التبريد
والفضل الأول والأخير فى هذا يرجع الى غطاء الأزازه
ههههههههههههههههه
قصدى غطاء تنك التعويض (القربه )
لأن معروف أن الغطاء من ضمن وظائفه
الحفاظ على ضغط عالى داخل دورة التبريد وبالتالى السماح للحراره بالأرتفاع عن 100 درجه مئويه دون غليان
مع العلم بأن جوانات المكنه ومعدنها نفسه مصمم لتحمل درجات حراره عاليه عن ال 100 بكتير
الميه بتغلى عند 100 درجه .....عند الضغط الجوى العادى ( 1 بار تقريبا )
أذا مع زيادة الضغط ....بتزيد درجة الحراره اللى ممكن تغلى عندها الميه
والحفاظ على ضغط دورة التبريد بيرجع الفضل فيه زى ماقولنا ( لغطاء القربه )
ياباشا أنت تأمراقتباس:
دى معلومة شديدة اشكرك عليها يا باشمهندس
عندك حق بجد :ma:اقتباس:
والله يكون فى عون غطا الازازه :ma:
بالبركه ياباشا
أهم حاجه متخليش صدأ يقربله
علشان بلوفه متصديش وتزرجن
وكده باظ الغطاء ( وبالذات مع الميه العاديه )
وده سر شويبس :049:
ورمضان كريم يا أبو حميد
شكرا لحضراتكو يا جماعة وبالذات لحضرتك يا عم المهندسين كلهم (طبعا المهندس سمير ) افهم من كلامكو ان ده شئ طبيعي في العربيات كلها طب الحل ايه نبطل تشعبل المكيفات ولا نعمل حساب مسافة الفرملة ؟:shyy:
أولااقتباس:
لأن انا بحس ان الفرامل بتخف عندي شوية لما بشغل المكيف ولما بطفي المكيف الفرامل بتبقى تمام ...
كل عام وأنتم بخير يا أبو حميد
المشكله أن أنت اللى حسيت بالموضوع ده .....
ومش عارف ليه أنا وأكيد ناس كتير لم تلاحظه
علشان كده أنا عاوزك تركب عربيه لانوس تانيه ( بتاعة صديق مثلا )
وتجرب الوضع عنده .......وتقارنه بعندك ......فى نفس ظروف التشغيل ........
وتشوف كده .....فيه فرق ولا لا
يعنى الآداء الفرملى عنده زى عندك ....فى كل الأحوال
وبما أنك عارف النظام عندك .....بدلوا مع بعض العربيات
فى مشوار معين .......وشوف فيه فرق ولا لا ( بين عربيته وعربيتك )
لأنك بتقول ......( أنا بحس أن الفرامل)
فأحتمال يكون فعلا ده مجرد أحساس ...وده وضع طبيعى فعلا للفرامل
هى دى الحته اللى عاوزك تطمنا ....عليها
وياريت تبقى تطمنى على المقارنه دى ......وحاول تجربها فى أقرب وقت ممكن
لا طبعا ده مش حلاقتباس:
نبطل تشعبل المكيفات
ده المفروض بنعمله فى كل الأحوال ( مسافة الأمان )اقتباس:
ولا نعمل حساب مسافة الفرملة ؟
ولكن برضه منتظرين النتيجه ............هى دى الأساس
علشان نعرف الوضع عندك عادى ولا لا
بسبب حتة الأحساس أياه
يارب يكون مجرد أحساس فعلا
:M_yes[1]:
أنقر هنا
للتعرف على معنى مسافة الأمان بشكل عام
وبالذات عند القياده على الطرق السريعه
الموضوع ده بحسه فى النوبيرا برضه والتكييف شغال الفرامل بتبقا أضعف عند نفس الدوسة وبستلزم ضغط أقوى على دواسة الفرامل ، وعلى فكرة أعتقد الموضوع مالوش علاقة بالحرارة لأن الكلام ده بيحصل حتى على طريق سريع زى السويس أو الدائرى يعنى بيكون فيه تيار هوا شديد داخل الحوض من الشبكة ومن أسفل الحوض ومافيش تراكم لحرارة سربنتينة التكييف اللى هى أصلاً لا تقارن بحرارة المكنة نفسها ، فإحتمال يكون التفسير هو فرق ضغط الهوا اللى بيشغل السيرفو
تأثير حرارة التكييف بحسه على عزم الموتور نفسه لما أكون واقف فى إشارة طويلة والتكييف بيرمى حرارته مع حرارة المكنة والعربية مش بتتخلص من الحرارة دى وهى واقفة بسهولة ، أثناء الحركة بيكون تأثير التكييف لا يتعدى الحمل الميكانيكى اللى بيأتى من تحميل كمبرسور التكييف على السير اللى واخد حركته من الموتور أما تأثير الحرارة بيكون محدود فى الحالة دى
حاجة تانية إن الزيت الباكم مصمم عشان يتحمل درجات حرارة عالية عشان مايتبخرش لأن هو أصلاً بيتعرض لدرجات حرارة عالية جداً فى منظومة الفرامل ، وعنده القدرة إنه يحتفظ بلزوجة ثابتة عند درجات حرارة مختلفة
Brake fluid is subjected to very high temperatures, especially in the wheel cylinders of drum brakes and disk brake calipers. It must have a high boiling point to avoid vaporizing in the lines. This vaporization is a problem because vapor released into the lines is compressible and would result in an inability of the hydraulic fluid to transfer braking force
For reliable, consistent brake system operation, brake fluid must maintain a constant viscosity under a wide range of temperatures, including extreme cold
Brake fluids must maintain low level of compressibility that remains low, even with varying temperatures.
من ويكبيديا
أنت أخدت بالك من وضع الحراره والتكييف شغال بتبقى عامله أزاىاقتباس:
وعلى فكرة أعتقد الموضوع مالوش علاقة بالحرارة لأن الكلام ده بيحصل حتى على طريق سريع زى السويس أو الدائرى يعنى بيكون فيه تيار هوا شديد داخل الحوض من الشبكة ومن أسفل الحوض ومافيش تراكم لحرارة سربنتينة التكييف اللى هى أصلاً لا تقارن بحرارة المكنة نفسها
( دا المراوح بتبقى شغاله على طول ) .
سواء أنت ماشى على طريق السويس أو الدائرى
يعنى المكنه بتعانى من الحراره مع التكييف
علشان كده وحدة التحكم ملقطه المراوح على طول
ولا ليه أى علاقه السيرفو بتزويد القوه الفرمليهاقتباس:
فإحتمال يكون التفسير هو فرق ضغط الهوا اللى بيشغل السيرفو
السيرفو ....ده مؤازر أو مساعد فقط لتخفيف الجهد المبذول على دواسة الفرامل
أما القوه الفرمليه ...........ثابته
طالما الفرامل هى هى
أما بأه لو زيت الفرامل تأثر مثلا بسبب الحراره ( وأنا عارف أنه بيتحمل الضغوط والحراره )
بس ممكن يكون متغيرش من زمان مثلا ....وبدأت خصائصه فى تحمل الحراره تقل مثلا
أو متغير زيت مش كويس ....والزيت ده خصائصه بتتأثر بأى أرتفاع فى الحراره ....وليه limit معين فى العمل عند حرارات معينه
ولما بتزيد الحراره ( مع شغل التكييف ) بتبأ خصائصه تنهار شويه فى تحمل الضغوط الازمه للقوه الفرمليه ( وكل ده بسبب نقص جودة الزيت مثلا )
بيفقد خصائصه فى توليد قوة الضغط على أجهزة الفرامل مع أرتفاع الحراره نسبيا مع شغل التكييف
يعنى كفاءة الفرامل حتقل
انا فعلا باحس بنفس الشيء مع تشغيل التكييف
سحب العربية بيقل
و اداء الفرامل كمان بيقل
العنصر المشترك بين التكييف و الفرامل هو السيرفو... السيرفو بيعتمد فى تشغيلة على الفراغ الموجود فى منافولد السحب فى حالة السلانسية
عند تشغيل التكييف يقوم بلف الايدل بزيادة كمية الهواء التى تغذى الموتور لرفع لفاتة قليلا لتعويض حمل كومبريسور التكييف بالتالى تقل قوة الفراغ فى المنافولد
و بما ان الفراغ قل فى المنافولد فان القوة التى يوثر بها السيرفو على ماستر الفرامل تقل
سؤال لصاحب الموصوع... انت لما بتفرمل بتدوس دبرياج مع الفرامل... صح؟؟؟؟؟
و على فكرة درجة غليان المية داخل دورة التبريد اعلى من 100 بكتير لانها شغالة تحت ضغط.... و دة السبب ان لما واحد غطا القربة بتاعة بيبوظ القربة ميتها بتغلى و تفور
MMamdouh
فعلا موضوع ضعف الفرامل مع تشغيل التكييف بيحصل عندى برضه
للمتابعة
علشان بحس بنفس الموضوع
لما بتدوس فرامل بدون دبرياج انت بتقفل البوابة لانك شلت رجلع من على البنزين لكن الموتور لسة لفاتة عالية لانة مرتبط بالاطارات اللى ماشية بسرعة العربية و دة بيولد فراغ قوى فى المنافولد بيستفيد منة السيرفو و بيقوى الفرامل
لو دست دبرياج مع الفرامل البوابة حتتقفل لكن لفات الموتور حتقل جدا و دة حيولد فراغ لكن مش بقوة الحالة الاولى و بالتالى تاثير السيرفو حيبقى اقل
MMamdouh
أفهم من كلام حضرتك ان الفرملة بدون دبرياج اقوى من الفرملة بالدبرياج .
yes
MMamdouh
معروف أن الفرامل بدون دبرياج أقوى فى أى حاله من الفرامل بالدبرياج
حتى مع أى عربيه .............لو 128 حتى ( مش تحكم ألكترونى )
لأن مع عدم أستعمال الدبرياج أثناء الفرمله
الفتيس نفسه بيعمل فرمله على خرج الموتور والقصور الذاتى للعربيه .....لأنك شيلت رجلك من على البنزين وحطيتها على الفرامل .......بس تفرق قوى الفتيس معشق ولا مش معشق
والسيرفو ملوش أى علاقه بالقوه الفرمليه غير تخفيف الجهد المبذول بضغطة قدم السائق
لأن مع حتى الوصول للسلانسيه الساخن ....مع ضغطة الفرامل ( وحدة التحكم بتعوض أى أخفاق مطلوب فى الأحمال ) بتزويد فتحة بلف الأيدل وغيره
أمال أيه فايدة عملية التحكم
فى الحقيقه أنا عملت الموضوع ده فى القسم التعليمى للأفاده العامه
أنقر هنا
ياباشا أنت تأمر