الموضوع: برجاء تسعير عربيه ريجاتا

السلام عليكم يا شباب انا عندى عربيه ريجاتا عايز ابيعها بس مش عارف تسوى كام عشان والدى ليسا مظبطها لينا وصارفين عليها اكتر من 6 الاف جنيه وما كناش ناويين نبيعها بس ظروف طارئه هنعمل ايه ....المهم العربيه باختصار شديد بدانا نشديها من اول يوليو اللى فات
1-سمكره ودوكو (السمكرى مالاقاش فيها برومه غير مربع صغير تحت الكرسي الامامى يمين وطبعا عملها غير كده العربيه مافيها برومه اطلاقا )
2- وضفيره كهربه جديده
3-وتنجيد جديد
4-وتابلوه ريتمو استراد المكيف عشان تابلو الريجاتا اللى فى السوق كلو مكسر
5- وسقف جديد (اللى هو التنجيد يعنى مش صاج )
6- وفوانيس جديده كلها (امامى وخلفى وحتى الاشاره )
نيجى بقى لمواصفات العربيه
-ماركة السيارة: ريجاتا
2-الموديل/السنة 1985
3-عدد الكيلومترات مش عارف
4-الكماليات (كاسيت-تكييف-زجاج كهرباء-باور) كاسيت وتكييف وزجاج كهربه وهاف باور
5-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة) رشه نضافه
6-حالة الدواخل (رشة مناطق كذاوكذا او فابريكة) رشه نضافه
7-حالة الصالون (معقول-جيد-جيد جدا - ممتاز- حالة نادرة) ممتاز
8-الحالة العامة او التقييم العام للسيارة (معقول-جيد-جيد جدا - ممتاز- حالة نادرة) حاله نادره
9-حالة الكاوتش (جديد او مستعمل كام كم؟) 2 كوتش تيوبلس جديد ماكملش 2000 كم
10-حالة البطارية ممتازه
11حالة الموتور اكثر من رائع ما فيش اى مشاكل فيه الحمد لله
انا اسف يا جماعه طولت عليكم بس كنت عايز اعرف العربيه دى تساوى كام اصل انا اول مره نبيع عمرنا ما حطينا فى دماغنا البيع عشان كدى صرفنا عليها كتير والف شكر ليكم مقدما