سخونه السياره وصوتها

**Esam Mosaad** · 28-08-2009 12:40 PM

السلام عليكم يا جماعه
كان عندى سؤال ان ديما فى اقل مشوار المروحه تشتغل
وممكن تقعد خمس دقايق عشان تطفى ومش عارف هل ده طبيعى ولا لا
والحراره عندى عادى مش بتعدى املعدل الطبيعى بس هل ان المروحه
تشتغل كتير كدا فيها مشكله ؟
وهل قبل مطفى العريبه لازم استنى المروحه تطفى ؟
حاجه كمان ازاى امنع صوت الماتور جوه الكابينه لانوا عالى او عامتا؟
ومنين وبكام؟

**A.Saad** · 28-08-2009 03:59 PM

متابع

**SAMEH_FOUAD** · 28-08-2009 05:35 PM

معدل المروحة الطبيعى ان لما العربية تسخن المروحة تشتغل لمدة 30 ثانية وتطفى ,وتشتغل تانى بعد فترة صغيرة دة لو كل حاجة تمام والمية مظبوطة فى الردياتير ,غير كدة اكشف على مياة الردياتير ,طبعا والعربية خالص وبردة اكشف على القربة ولو لقيتهم ناقصين زودهم وتابعهم كل يوم لحد ماتعرف النقص بيجى منين ,ممكن يكون فية عندك تسريب ودة اللى بيخلى المروحة تشتغل لفترات طويلة ,وخلى بالك عشان دة غلط على ماتور المروحة انة يشتغل خمس دقايق من غير مايفصل
*موضوع انك تطفى العربية من غير ماتستنى لما المروحة تطفى عادى جدا ,انت لو هاتركنها يبقى كدة كدة هاتبرد لوحدها العربية ,لكن لو هادورها بعديها بخمس دقايق مثلا والعربية لسة مابردتش هتلاقيها واخدة امر انها تشتغل اتوماتيك اول لما دور العربية ,فعادى جدا

**Esam Mosaad** · 28-08-2009 08:10 PM

طيب هوا عامتا الميه مش بتنقص والزيت تمام
وجربت ابص عليهم كتير ومتابع
الرتومستات والكلام ده الى جى فى العريبه
فايه الحل اخلى مين يبصلى عليها انا فى مره رحت لبتاع شكمانات عشان يستنى المروحه تطفى خدت كتير وبحس بشخونه عاليه اوى من الماتور
بس المؤشر طبيعى

**wardet** · 11-09-2009 03:38 AM

المروحة بتشتغل على درجة حرارة كام؟؟

**Esam Mosaad** · 11-09-2009 01:00 PM

واللهى معرف هيا عامتا عندى المؤشر
قبل النص بشويه مفيش عندى ارقام
عمرها مزادت مره عن النص غير من سنتنين كدا كنت ناسى الغطاء مفتوح ولحقتها

امالوقتى الميه مش بتنقص والحمد لله المروحه رحت لكذا واحد
قلى مدام مش بيعلى يبقى مفيش حاجه وممكن اغيرلك الترموستات
ويكون نفس الموضوع
والميكانيكى قلى احتمال الترموستات عالى
وبتاع الرديتارات قلى انها ننعش السياره
نفق الردياتاير ونظفوا