لمبة التشيك بتنور عند سرعة 100 كيلو دة سببة اية مع انى مش بحس بحاجة غريبة فى العربية بس ملاحظ سخونة بسيطة من نحت عند الدواسة والفتيس بس حرارة العربية سليمة على النص او اقل ارجو الافادة وكل عام وانتم بخير
عرض للطباعة
لمبة التشيك بتنور عند سرعة 100 كيلو دة سببة اية مع انى مش بحس بحاجة غريبة فى العربية بس ملاحظ سخونة بسيطة من نحت عند الدواسة والفتيس بس حرارة العربية سليمة على النص او اقل ارجو الافادة وكل عام وانتم بخير
حطها على سكانر
بص على زيت الفتيس
نفس المشكلة عندي لما بزيد عن 110 او 120
حطها على الاسكانر وهوه هيقولك المشكله فين بالظبط
نفس امشكلة عندي انا كمان في لانوس .
على فكره ده أسمه عيب مؤقت فى عملية التحكم
وأكيد كل الحساسات سليمه
بدليل أن اللمبه بتنور فقط مع السرعه
يعنى نتيجة الأهتزاز اللى بيحصل على فيش الحساسات
ولو كهربائى صح
حيفصل الفيش ....فيشه فيشه
وينظفها كويس بالألكتروكلينر ويجفف ويعيد التقفيل صح
وأنسى أن اللمبه تنور تانى مع السرعات
برضه بالمناسبه
ممكن يتم التشييك كويس على جودة ثبات فيوزات عملية التحكم فى علب الفيوزات ( الصغيره والكبيره )
ايه يا هندسة وديت فين صورة البنت الجميلة الصغيرة:_Alshmokh23[1]: .. دي كانت زي القمر:verygood:
ده ولد ....مش بنت
وموجوده فى الحفظ والصون
بس قلت أغير شويه
يا جماعة أ ب لمبة التشك انها اول ما تنور تحط العربية على سكانر
MMamdouh
هو حططان العربيه على الأسكانر حيقصر المسافه ويحدد العيب فى أتصال أى فيشه
ولو كان فيوز مهزوز
حيدى عيب فى عملية التحكم
وممكن بتاع الأسكانر يشكك فى الكارته نفسها
وهى دى المشكله
علشان كده التشييك صح الأول مع التجربه
http://i728.photobucket.com/albums/w...427_9_full.jpg
شايف الصوره دى
فى صدر الغرفه قدامك ...فوق السيرفو على الشمال وراكب على الصدر
ده حساس الماب
راكب عليه من تحت خرطوم رفيع ....هو ده خرطوم حساس الماب
من الجانب الآخر ....راكب على زور حديد على البوابه
الخرطوم ده وظيفته بياخد أشارة هواء تخلخل لتشغيل الحساس
لو كان الخرطوم مش راكب كويس (مهوى يعنى )
حيخللى لمبة الأعطال تنور
دوس هنا
علشان تاخد فكره كامله عن وظيفة الحساس ده
فكرة عمل حساس الماب
من هناhttp://www.nilemotors.net/Nile/61890-a.html
بشمهندس سمير اعملنا علامة على الصورة احسن عشان الكلام دة بالنسبة لناس امثالى مش فاهم منة حاجة وشكرا ليك يا غالى
وياريت تفيدنى فى الحرارة اللى بحسها من التابلو تحت والفتيس دى عادى ولا اية
ياراجل متقولش كده
الكل بركه ....وكلنا أخوات ....وبنكمل بعض فى أى حاجه من أجل صالحنا جميعا
والتعرف على جميع النقاط الفنيه بقدر الأمكان
وشوف ياسيدى
الصوره دى لغرفة محرك لانوس من المواضيع المثبته أعلى القسم
وحقولك على حاجه بسيطه
شايف المساحه بتاعة القزاز اليمين .....روح كده عند نهايتها لتحت
ده محور دوران الحركه الزاويه للمساحه
أنزل تحته على طول
حتلاقى جزء أسمر ( شبه علبة الكبريت ) وراكب عليه خرطوم رفيع ....وفيشة كهرباء
هو ده حساس الماب .............تتبع الخرطوم من عند الحساس حتى البوابه
حتعرف كل حاجه بخصوص عملية تركيبه
عادى ياباشا ....طالما كل أمورك تمام ( حرارة المكنه وكل حاجه )اقتباس:
وياريت تفيدنى فى الحرارة اللى بحسها من التابلو تحت والفتيس دى عادى ولا اية
وبرضه ممكن تبقى تطمن على الشكمان من تحت
لأن أنا متذكر أن كان عندك شغل فى الشكمان
كنت أتكلمت معاك فيه قبل كده
أحتمال يكون الشكمان عندك قريب من جسم العربيه من تحت شويه
وعاوز قرصه لتحت شويه مثلا
وطبعا كل ماكان الشكمان قريب أو ملامس لجسم العربيه
حتنتقل السخونه لجسم العربيه من تحت بأثر الأشعاع الحرارى
وطبعا ده حيزود معدل تسخين البدن من تحت
طبعا أنا اقصد لو بتحس بحراره تحت عصاية الفتيس وأنت قاعد فى العربيهاقتباس:
وطبعا كل ماكان الشكمان قريب أو ملامس لجسم العربيه
حتنتقل السخونه لجسم العربيه من تحت بأثر الأشعاع الحرارى
وطبعا ده حيزود معدل تسخين البدن من تحت
أما حرارة الكبوت والغرفه فده عادى جدا
وموضوع عند التابلوه ....ممكن يكون جايلك حراره من الغرفه
لأن الصدر مش معزول مثلا ....أو بسبب جزء من الأشعاع اللى جاى من تحت ( بسبب تلامس الشكمان للبدن من تحت مثلا ).....وأنتقال ذلك لكل الجسم بالصالون
الله ينور عليك يابشمهندس فعلا انا العربية عندى اتظبطت من بعد ما غيرت الشكمان والمية اللى كانت بتنقص لو تفتكر مش فاضل عندى غير عيب الدوارة وريحت البنزين والبرجلة اللى فى الاول ودى حلها الرشاشات ولسة بدور على رشاشات بى ام اللى الزملاء بيقولوا عليها واشوف هتظبط ولا لا بس ريحة البنزين زادت اوى لما بتدخل العربية الصبح فى ريحة جوة العربية من قبل مدور ودى بتبان قوى لما بكون مفول او اقل شوية
راجع على جميع خراطيم دايرة البنزيناقتباس:
بس ريحة البنزين زادت اوى لما بتدخل العربية الصبح فى ريحة جوة العربية من قبل مدور ودى بتبان قوى لما بكون مفول او اقل شوية
وأحتمال تكون رشاشاتك سليمه برضه وتسريب البنزين ده اللى عاملك مشكله الدواره على ما الخطوط تتملى بنزين مع ضغط طلمبة البنزين
ولو عاوز تطمن على الرشاشات
أكشف على البوجيهات وشوف لونها
وراجع على دايرة الأشعال برضه عند أى ميكانيكى
لما المكانيكى كشف جاب ورقة بيضة عند الشكمان وزود بنزين طلع نقط رزاز فى الورقة قاللى دة بنزين نى متحرقش والرشاشات هى السبب الكلام دة سليم يا بشمهندس ولا اية
حصلت معايا وكشفت طلع حساس الاكسجين وغيرته بقت تمام الحمد لله
هو خروج رزاز من الشكمان .....مش شرط يبقى بنزين نى مع تزويد السرعه
ولكن لو الميكانيكى شم الورقه ولقى ريحة بنزين
يبقى ده بنزين نى فعلا .....وممكن سببه دورة الأشعال ( ضعف بوبينا - بوجيهات تعبانه _ كابلات بوجيهات )
فالصح .....أنك تعمل أسكانر لأن ممكن ده يكون عيب رشاشات أو حاجه فى دايرة الأشعال أواقتباس:
حصلت معايا وكشفت طلع حساس الاكسجين وغيرته بقت تمام الحمد لله
غالبا هيبقا حساس الاوكسجين
كان عندى نفس العيب
اصل العيب دة عندى من يوم مشتريت العربية وهية بتطول فى الدوارة مع ريحة بنزين ودلوقتى زاد معاها الرجة اللى فى الاول لازم تزود بنزين وانت بتدور عشان تسلك والتفتفة وبرجلة المكنة وهية سلانسية.لو هوة حساس اكسجين مش المفروض لمبة التشيك تفضل منورة انا فى حالتى بتنور على سرعة 100 وساعات متنورش خالص ؟؟اخر حاجة تكلفة حساس الاكسجين كام ياريت الاخوة يفيدونى وشكرا جزيلا
اة فى حاجة لما المكانيكى فك رشاش رشاش كان فية واحد بينقط مع نفسة كدة دة عادى؟؟
لا يبقى أنت محتاج طقم رشاشات فعلا
وسيبك من حساس الأكسجين دلوقتى
على ماتجرب أستهلاك البنزين مع الرشاشات الجديده
وطبعا حتشتريها عن تجربه
طالما حتشترى رشاشات أستعمال
طب يا جماعة انا اللمبة نورت معايا النهاردة وانا ماشي عالصحراوي
لغاية ما وصلت اسكندرية و ركنتها طول الليل
واول ما صحيت ورديت تاني فصلت شغالة معايا لغاية ما عديت الكارتة وانا راجع القاهرة
وفصلت بعد الكارتة مشيت 150 كيلو و نورت تاني
والعربية استهلاك بنزين تمام و جابت 180 مرتاح والزيوت تمام التمام والمية برضه تمام
يعني مفيش حاجة
بس انا شكيت اني لما قولت قبل السفر حطيت منظف الرشاشات اللي هو موبيل
فا يترى ممكن \يأثر على حاجة؟
او السبب حاجة تاني والعربية مفيهاش الهوا
عندك رشاش بيليك و غالبا البنزين الزيادة اثر على حساس الشكمان
طالما اللمبة نورت يبقى تحط العربية على سكانر
MMamdouh
الف شكر يا باشا
وهروح اسكان العربية
وربنا يستر
لاني كل ما اروح بيها اسكندرية يحصلها حاجة
الف شكر....طلع حساس الاكسجين
غيرتة بكام ؟ ومنين ؟ جديد ولا استعمال ؟ فرق معاك فى اية غير اللمبة ؟اقتباس:
الف شكر....طلع حساس الاكسجين
عندى نفس المشكلة .
أنا عندى نفس المشكلة يعنى اللمبة بتنور عبى 100 كيلو كشفت سكانر لقيت حساس الاكسجين بس لسة مغيرتهوش سألت على سعره كورى 450 أصلى 700 جنيه
الاخ سمير عياد اصلا من بسيون
نعم يا أخى
أنا كمان عملت إسكان لعربيتي إمبارح طلع حساس الشكمان ميت وعاوز أجيب واحد استيراد بس مش عارف بكام ..
ولو مشيت بالعربية كده فترة طويلة على الحساس الميت ده .. إيه الضرر بالضبط ؟
على فكرة الإسكانر عندنا بـ30 جنيه !!
حتاكل معاك بنزيناقتباس:
ولو مشيت بالعربية كده فترة طويلة على الحساس الميت ده .. إيه الضرر بالضبط
انا غيرت حساس الاكسوجين اشتريته ب 250 جنيه + مفتاح 22 مم مشنشر ب 12 جنيه = 262
وركبته بنفسى
النتيجه
الحلقه الجايه
كتر خيرك يا باش مهندس .. أنا لقيت فرن الشكمان هارش وعاوز يتغير والعربية متبرجلة عالآخر والميكانيكي بعد الإسكانر قاللي الحساس بيدي إشارة للكونترول غلط روهاتاكل بنزين رحت شلت فيشته مؤقتا والعربية اتظبطت خالص بس لمبة التشيك نورت ..
عموما لو ربنا سهل وسافرت يبقى لما أرجع أبقى أركبه إن شاء الله ..
بس هي كده يا باش مهندس هاتزيد في نسبة الاستهلاك بقد إيه بالضبط ؟