الموضوع: معاك سيات ايه ؟؟؟؟

معلش يا جماعة انا كررت الموضوع مرتين غصب عني بس خلينا هنا في الموضوع ده

انا هابدأ انا معايا ابيزا 2009 هي 1600 سي سي فتيس تيبترونيك

العربية ماشاء الله حلوة جدا جدا و كل حاجة فيها عجباني موتور قوي جدا جدا و فتيس ناعم ماتحسش بيه و هو بينقل عفشة مريحة و ثبات رهيبببببببببببب بجد صالون شيك جدا خامتها الداخلية فوق الممتازة و التكييف خرافييي بجد

الحاجة الوحيدة اللي كانت مضايقاني شوية اني كان معايا قبلها نوبيرا فا حاسس ان كنبة الابيزا ضيقة شوية
بس ركبت عربيات تانية هاتش باك زي البولو و كده و عرفت انها معقولة جدا كا عربية هاتش باك و بدأت اتعود عليها خلاص و مرتاح فيها و الحمد لله

المشاركة الأصلية كتبت بواسطة mr_shims_49

يا جماعة كل اللي معاه عربية سيات او حتي مش معاه يقول يعني اللي معاه يقول معاه عربية نوعها ايه و رايه فيها ايه و تقرير صغير عنها و موديل كام و ايه عاجبه فيها و ايه مضايقه منها و كده و اللي مش معاه يقول رايه في العربيات السيات و عايز يجيب موديل ايه منها و كده بقي
يلا مين هايبداء


علي فكرة استاذ عبد الرحمن اسامة هو صاحب فكرة الاستطلاع

ممتاز كده ممكن نعرف كل ملاك السيات و نكون رابطة السياتوية.

انا معايا ليون ٢٠٠٩ هي اكبر من الإبيزا شوية ، الإبيزا اخت البولو الليون اخت الجولف نفس الشاسيهات و الموتور و الجيربوكس،
هي ١٦٠٠ مانيوال.
مميزاتها: الثبات ، التأفيل ، الامان (٦ ايرباج ، ABS , TCS ) الاوبشنز الكتير اوي ، الشكل الرياضي، الجودة الالماني.
عيوبها: مانيوال، واطية شوية، كل الناس هتبص عليك و انت ماشي عشان العربية شكلها مبهر اوي.

شوف التفاصيل في موضوع "تقرير الليون ٢٠٠٩"

و مش مهم الفكرة فكرة مين يا mr_shims المهم حد ينفذها.

تمام يا عبد الرحمن باشا الله ينور و ربنا يباركلك فيها و يكفيك شرها و بالمناسبة انا اسمي سامح

المشاركة الأصلية كتبت بواسطة mr_shims_49

تمام يا عبد الرحمن باشا الله ينور و ربنا يباركلك فيها و يكفيك شرها و بالمناسبة انا اسمي سامح

سامح باشا طبعا، دلوقتي احني ٥ ، ٢ ليون ٢ ابيزا ١ كوردوبا.

بس يا ريت يعرفونا بنفسهم هنا ، مش مجرد استفتاء، كل واحد يعرفنا بنفسه

بالظبط ياريت اللي يدخل يعرفنا بنفسه و يكتب رايه في العربية زي ما عملنا انا و عبد الرحمن باشا

و دلوقت احنا 4 ابيزا و 2 ليون و واحدة كوردوبا

اهلا بيك يا باشا نورتنا و مبروكك كامن مرة علي الكوردوبا