نيسان صني ولا رينو سيمبل ولا بروتن بيرسونا

**wookiee** · 28-08-2009 04:43 PM

السلام عليكم و رحمة اللة انعاوز نصيحتكم انا عاوز عربية اوتوماتك في حدود 90 الف فلقيت ان افضلهم هم البيرسونا و الصني و الرينو سيمبول فايهم اختار اجوكم ردوا علي بسرعة عاوز اخد قرار سريع
ممكن المبلغ يزيد شوية لو الموضوع مستاهل

برده لو في أي عربيات تانية ممكن ترشحها يا رت تقوللي عليهم

شكرا جدا

**madoo** · 28-08-2009 05:53 PM

الصنى
السيمبول
البيرسونا
ممكن من بره اختياراتك اوبترا - او سيريون 1500 اوتو

**Ayman_52** · 28-08-2009 05:57 PM

هافيدك فى اللى افهم فيها

البيرسونا :-

بروتون بيرسونا اول مره تنزل مصر كانت مو 2009 .... وهى اخت الجين2 بس سيدان

مميزات البيرسونا :-

1-ثبات يضاهى السيارت الالمانى .... وعاليه عن الارض

2-كماليات كتير (ازاز كهربا , سنتر , مالتى فانكشن , سينسور بارك , مرايات كهربا جانبيه , كاسيت سى دى mp3 , فوجات , سخان ازاز خلفى , جنط سبور , تكييف (كمبريسور يابانى) , تحكم ثلاثى بالكراسى , ريموت وامكانيه فتح الشنطه من المفتاح , عداد رحلات , ساعه ديجتال مدمجه مع العدادات )

3-اتقل صاج مقارنه بعربيات كتيره جدا

4-عوامل امان (2اير باجز , شداد موتور , سيفتى اطفال , امبلويزر , انذار , abs , ebd)

5-قطع غيارها بدات تنتشر شويا ... وفى زياده

-----

عيوبها :

1-ممكن تطلعلك بعض عيوب التقفيل (ماكينه ازاز بتزيق , سنتر بيعلق , كالون باب الشنطه عاوز يتغير , صوت تزييق من الكنبه )

الكلام دا مش شرط يطلع .. بس ممكن يصادفك حاجه منهم عند الاستلام (لو العربيه ماتعملش ليها pdi كويس)

وكل الحاجات دى بتتصلح فى صيانه الــ 1000 ... او ممكن تصلحها قبل الــ 1000

2-التوكيل زحمه وعليه ضغط ... وبالتالى خدمته احيانا مقبوله واحيانا جيده ... بس بقاله فتره فى تحسن وبيطور من نفسه.

----

انا كمالك للعربيه دى العيوب المميزات اللى شايفها بتواجه ناس كتيره من ملاك العربيه

يارب اكون قدرت افيدك بحاجه ... وربنا يوفقك للاختيار الخير ان شاء الله

وانا تحت امرك فى اى استفـســـار

تحيـــــــــــــاتـــى

**M.ABDEEN** · 29-08-2009 01:09 PM

1-بيرسونا
2- صني
3- سيمبول كليو

**ashrafsadany** · 29-08-2009 10:01 PM

سيمبول حقآ سيارة اكثر من رائعة وتقفياهاااا انضف من الاتنيين فى كافة الجوانب واوفر سعرآ من تجربة تقرب 10 الاف كم

**tutankhamoun** · 29-08-2009 10:06 PM

أنا رأيي يا نيسان صني ..... يا بيرسونا ..... بدون تفضيل واحد على التانية .
أيمن وضح كل حاجة عن البيرسونا ........ و الصني معروفة قوي .......
شوف أنت مرتاح لمين ..... حتى لو السيمبول عاجباك أكتر أشتريها ,

أهم حاجة الراحة االنفسية للعربية اللي أنت ناوي تركبها
لأن أنا ممكن أقولك رأيي علشان ده رأيي
و غيري هايقول رأيه علشان ده رأيه .

يبقى يا إما تحدد عوامل مقارنة .,,,,,, علشان نبدأ نتكلم على أسس أختياراتك .

أو تشوف أي عربية منهم عاجباك أكتر ............. و تختارها و ربنا يوفقك إن شاء الله .