رعشة فى العربية وهى واقفة

**mikeatef** · 28-08-2009 05:22 PM

ارجو الافاده... العربية فيها رعشة خفيفة وهى واقفة... ولما اتقل عليها فى السحب مش بتكون ناعمة فى السحبه يبقى فيها رعشة بحس لن العربية بتقطع وهى بتجرى ... ومع السرعات العالية دواسة البنزين بترعش خفيف وبين النقلات دواسة الدبرياج بتتقل شوية... مع العلم انى غيرت فلاتر... وكاوتش وعملت ترصيص, وركبت بوجيهات من التوكيل ونصب عليا.... هل ممكن يكون العيب من الرشاشات ولا ممكن يكون قواعد الموتور ولا ممكن قواعد الفتيس لان العصايه فيها نفس الرعشة الخفيفة ديه مع العربية.... اسف للاطاله بس لو ممكن حد يفدنى انا العربية نوعها فولكس باراتى

**samirayad** · 30-08-2009 08:04 PM

ياريت الأول تدينا البيانات اللى عندك
وشبيهه لما هو وارد بهذا الموضوع

أضغط هنا

**mikeatef** · 01-09-2009 12:43 PM

1-فولكس فاجن.. باراتى .. 2006
2- 44000
3- لا يزود زيت
4- عادى الميكانيكى بص عليه
5- تم تغيير البوجيهات باسلاكها فى التوكيل فى اقل من اسبوع علشان كان فيهم واحد ضارب...بس انا معرفش اعمل الاختبار ده ازاى ومين بيعملو
6- غيرت كل الفلاتر بس ساعت لما كنت الفلاتر نسيت اشترى فلتر زيت فغيرت زيت على الفلتر القديم وبعدين اشتريت فلتر بس الميكانيكى قالى خلاص مش مهم تركبه علشان كده كده الزيت اتوسخ تانى
7-انا لسه مفول وبحسب من ساعت لما فولت بس انا مش بمشى بالعربية كتير انا بفول لما بكون بلف بالعربية كل اسبوع
8- سالك
9-الفرامل بتصفر من ساعت لما اشتريت العربية من 5 شهور وكشفت على التيل والميكانيكى قالى التيل ده كويس... بس انا ساعات من اسبوع كده ابتدا يطلع صوت تزييئ مش عارف ده معناه ايه
10- مغيرتش سير كاتينه وهغيرو الاسبوع ده
11-البطارية تمام
12- انا لما نسحب بالعربية بسمع صوت زى كركرة بس ده وانا ماشى بس يعنى مش لما بدوس على الاكسلاتير والعربية مور
13- لا انا عملت صيانه علشان كان طرمبة البنزين باظت والميكانيكى قالى ان الترمبة ديه باظت علشان اللى اشتريت منه العربية كان بيحط فيها بنزين 80... وعملت صيانه بعديها لكن المشكله ديه ظهرت من اسبوع كده بعد لما البوجيهات قطعت وانا غيرتها فى التوكيل ونصبوا عليا اخدو 1000 جنيه.

مع العلم ان الهزه ديه والعربية واقفة بس لكن وانا ماشى علشان الهزه مش جامده وكمان شوارع مصر مكسره عمرك ماحتحس بيها... واسف للأطاله

**M.Mostafa80** · 01-09-2009 12:59 PM

بيتهيئلى كدا العربيه عايزه تتظبط على جهاز فى وضع السلانسيه أو ظبط الأيدل
غير كدا يبقى فى مشكله عندك فى قواعد الموتور وعايزه يتبص عليها كويس

**samirayad** · 01-09-2009 06:56 PM

10- مغيرتش سير كاتينه وهغيرو الاسبوع ده

طيب غير السير الأول .....علشان نظبط توقيت الصبابات ونشوف الوضع الجديد
ومفيش مايمنع من نظافة بلف الأيدل والبوابه
كنوع من الوقايه برضه

**mikeatef** · 02-09-2009 05:27 PM

انا النهارده روحت بصيت على قواعد الموتور والفتيس والميكانيكى قالى انهم زى الفل وقالى مدام الrpm مضبوط وثابت يبقى انت معندكش مشاكل فى الرشاشات يبقى انت مش محتاج تنظيف وكمان الشكمان مش لازقز.... هنغير بس سير الكاتينه بس سير الكاتينه ملوش دعوه بموضوع الهزه ديه... وقالى بص انا رأيى انك تسيبها كده مدام هى مفيهاش مشاكل غير الهزه الخفيفه ديه... انا عايز اسمع مقتراحتكم

**samirayad** · 02-09-2009 10:03 PM

ومفيش مايمنع من نظافة بلف الأيدل والبوابه

**mikeatef** · 03-09-2009 12:50 AM

معلش يا باشمهندس علشان انا مش فافهم ايه هو بلف الأيدل والبوابه.... ولو تعرف حد ينظفهم ياريت تساعدنى

**samirayad** · 03-09-2009 01:39 AM

بلف الأيدل

البوابه والمانيفولد

دول لمحرك لانوس

حتحتاج تعمل نفس الكلام ده عندك على حسب وضع وشكل المكنه عندك

بالنسبه لكيفية التنفيذ
لو تعرف تعمل الكلام ده بنفسك يبقى كويس

لو مليكش فى الموضوع ده
قول على محل أقامتك ....وأكيد الزميل اللى حيكون فى منطقتك حيقولك على ميكانيكى كويس

**mikeatef** · 03-09-2009 01:59 AM

انا يا باشمهندس ساكن فى دوران شبرا بس انا معنديش مشاكل لو فى حد شاطر ممكن ارحلو بس ميكونش يعنى فى الحرفيين... انا عربيتى فولكس باراتى بس انا معرفش اللى يوازى الحاجات ديه فى عربيتى