الموضوع: صوت غريب مع الفرمله و بدايه المشي في الريجاتا

اولا: حاليا احيانا لما اجى اطلع من الثبات العربيه بتخبطت نتيجه ان رجلي لسه مخدش على الدبرياج الجديد "يعني كأنك سيبت دبرياح مره واحده" مش عارف هل ده ممكن يأثر ولا لأ

حاول متسيبش الدبرياج مره واحده لعدم التأثير على الديسك والبليه
وأتحكم فى الدواسه بسلاسه

ثانيا: انا من حوالي شهر كنت مسافر و العجله اللي ورا ناحيتي فرقعت - و على ما العربيه وقفت كانت الكاوتشه خرجت من الجنط "فطبعا ممكن تكون سوسته او حاجه اتأثرت نتيجه المشي بسرعه على الجنط" ايه رأي حضرتك؟

لا أنت المفروض تشوف برضه عفشجى
علشان تطمن على المنطقه دى
وأنت ممكن تعرف ....هل التزييقه دى حصلت بعد موضوع الكاوتش ده
لو آه ......يبقى ليها دخل أكيد

طيب الحمدلله - حضرتك متعرفش عفشجي شاطر و امين ناحيه مصر الجديده - مدينه نصر

للأسف مش حقدر أفيدك فى النقطه دى ( لأننى مقيم بالأسماعيليه )
وأرجو من الزملاء أرشادك لعفشجى كويس فى نطاق أقامتك

و بجد انا بشكر حضرتك جدا يا باشمهندس على اهتمامك الكبير

ياباشا الله يخليك
وكل سنه وأنت طيب
وأرجو لك التوفيق

انا اخيرا عرفت المشكله دي سببها ايه:

الكساحه او بيسموها المصفحه اللي تحت الموتور كانت معوجه شويه لما اتظبطت و اتربطت كويس الصوت ده راح خالص