مــحــتار فى شراء موبايل !

**Terrible_DaRsH** · 28-08-2009 09:53 PM

السلام عليكـــــم .

انا قررت ابيع موبايلى يا جماعة لانه بصراحة كده طوووول معايا أوووى اووى اووى .

اصيل و الله .

المهم انا شفت كام موبايل كده و عجبونى بس بصراحة لما فكرت لاقيت ان الموبايلات دى مش لازم تكون غــالية و ان فى حاجات اهم بصراحة , لان الفشخرة على الفاضي وحشة .

امبارح شفت موبايل k 900 عجبنى بصراحة .

صوته حلو + اوبشن ممتاز + تليفزيون بجودة رائعة + راديو ..

+ اهم ميزة انه بيشغل خـطين فى وقت واحد بدون ما تقفل التليفون و دى ميزة كويسة لانى ناوى ان شاء الله اجيب خط اتصالات اجربه .

و سعر التليفون رخيص و صناعته كورى مش صينى .

هو عيبه ان الكاميرا مش حلوة و مش بيدخل على النت .

فــــــــايه رايكم يا جماعة فى التليفون ده ؟؟؟

اجيبه و أطمن و لا اختار حاجة تانية . و شكرا مقدما .

**M.Osman** · 28-08-2009 10:08 PM

بص يا باشا..
انا معرفش في الموبايلات مجهولة الهوية دي (الكوري و الصيني اللي مش من ماركات معروفة)

لكن اللى اعرفه انهم مش بيكونوا كاتبين اي معلومات عن الـSAR value اللى هي كمية الإشعاعات اللى طالعة من الموبايل و اللى هي قونوناً متحددة بـ2 كأقصى حد (مش فاكر التمييز)

فالأفضل تشوف تليفون كويس من ماركة معروفة حفاظاً على صحتك و دي اهم حاجة ..

في موبيلات من سامسونج بتشغل خطين في نفس الوقت(لكن معرفش السعر الحقيقة):
Phone Finder results - GSMArena.com

**abo_hosni** · 28-08-2009 11:04 PM

ٌٍِSAR value مين بس، هو احنا بيهمنا الحاجات دي؟

الموبايلات الصيني انتشرت جداً و من أهم الأسباب رخص السعر، الصوت العالي و أنها بتشغل خطين. و مؤخراً بقى فيها شوية إضافات مفيدة في السوفت وير.
من جهة الكاميرا هي مالهاش لازمة. النت متوفر في بعض الأجهزة و هو بيدخل بس محتاج ضبط إعدادات يدوي و برضه مالوش لازمة (المتصفح الأصلي عقيم و الجهاز لا يقبل برامج جافا)

لكن رأيي أنك تشوف محدد ميزانية قد إيه للموبايل و تشوف المتوفر في المحلات في الحدود دي و تقول ايه اللي عجبك و نختار مع بعض، قبل ما تشتري الصيني

**Lord_Fouad** · 29-08-2009 12:37 AM

واحد تاجر و مستورد موبايلات قاللي ان نسبة الاشعاعات اللي خارجة من الموبايلات الصيني و الكوري مجهولة الهوية دي بتكون 14 مرة زي الموبايلات الملتزمة بمعايير الاشعاعات العالمية زي نوكيا و سامسونج و سوني اريكسون

**hossam_elwani** · 29-08-2009 12:42 AM

k900 صينى مش كورى سيبك من اشتغلات اصحاب المحلات

**homme49** · 29-08-2009 01:20 AM

إدخل على موقع www.gsmarena.com و أبحث عن مواصفات و خصائص هذا الموبايل و أراء من إستخدموه قبل ذلك حتى تحصل على معلومات وافيه عنه

**aliabutaleb** · 29-08-2009 02:01 AM

المشاركة الأصلية كتبت بواسطة terrible_darsh

هو عيبه ان الكاميرا مش حلوة و مش بيدخل على النت .

فــــــــايه رايكم يا جماعة فى التليفون ده ؟؟؟

اجيبه و أطمن و لا اختار حاجة تانية . و شكرا مقدما .

أظن الكاميرا اللي مش حلوة وعدم دخوله نت دول مهمين جداً لناس كتير
بس أهم حاجة ليك انت مهمين ولا لأ؟
انت بس اللي تقدر تحدد

**SeiffoZ** · 29-08-2009 03:42 AM

خليك فى المضمون و ريح بالك

**Terrible_DaRsH** · 29-08-2009 03:52 AM

متشكر جدا يا جماعة , بس انا كده هشيل فكرته من دماغى .

هى الحكاية ان واحد اعرفه اشتراه و انا شفته و لاقيته جيد .

و بصراحة انا كنت عايز بس اشترى موبايل عملى يعنى فيه كل المميزات و سعره معقول ( زى الاجانب ) .

كده بقي هفكر فى ال 5610 و n95 8g ...

طبعا الفرق بينهم كبير لكن انا شايف ان ال 5610 هيلبي كل احتياجاتى و زيادة فمش لازم ال n95 8g ..

هل فى موبايل احسن من ال 5610 فى الامكانيات و نفس السعر ؟؟

**SeiffoZ** · 29-08-2009 03:59 AM

المشاركة الأصلية كتبت بواسطة terrible_darsh

و بصراحة انا كنت عايز بس اشترى موبايل عملى يعنى فيه كل المميزات و سعره معقول ( زى الاجانب ) .

و إنتى ناسى حاجة .... جودة كويسة!

الموضوع: مــحــتار فى شراء موبايل !

LinkBack

أدوات الموضوع

عرض

-

-

-

-

-

المواضيع المتشابهه

ساعدونى فى شراء موبايل

مساعدة فى شراء موبايل

نصيحة فى شراء موبايل htc

مطلوب شراء موبايل

مساعدة فى شراء موبايل

الكلمات الدلالية لهذا الموضوع

المفضلات

المفضلات

ضوابط المشاركة