يا خبر اسوووووود .... هيا ناقصه عربيات زى دى مع سواقين التاكسيات الحمير .... دول راكبين الجديد و مش خايفين عليه امال لما يركبوا البيجو هيعملوا فينا ايه
هيا الناس اللى بتفكر فى الحاجات دى بتاكل ايه ... بى بى :10_1_104v[1]:
الموضوع من 2009
هى محاوله ساذجه لاستغلال النجاح و الشهره الكبيره اللى حققها هذا الموديل فى السبعينات و التمانينات و هى فى الواقع مش فكره جديده و لا حاجه و عملها أبناء. اباظه قبل كده فى البيجو ال 405 لما جابولنا بعد لما انقرضت البارس بتاعه ايران دى اعتمادا على نجاح و شهره ال 405 و عملتها شركات تانيه زى فولكس فاجن بس بصوره مختلفه شويه لما عملوا النيو بيتل و عملتها حتى الشركات الصينى لما بيختاروا موديل كان ناجح فى اى عربيه و أتوقف زى الليونسيل اللى كانت تقليد للانسر الكريستاله و الاكسبلوجين اللى هى تقليد التيريوس القديمه بعد ما اتوقف إنتاجها و نزل منها شكل جديد و كله الهدف منه أنهم يورثوا نجاح الموديلات القديمه اللى انتشرت و حققت نجاح غير عادى و ان الناس تعتبر الموديلات دى امتداد القديمه فتشتريها و طبعا مع الاسف جميع التجارب دى فشلت فمثلا البيتلز الجديده لو قعدت مليون سنه تتباع مش هتبيع ٢٢ مليون نسخه و لا البيجو البارس حققت نجاح ال 405 و لا الاكسبلوجين حققت مبيعات التيريوس و ده نتيجه ان الشكل قد يكون متقارب و لكن السعر مختلف و كمان الامكانيات فهى كانت فى وقتها كسعر مقابل الامكانيات و الكماليات يعتبر متوازن لكن النهارده لو أتمسك بشكل ال 504 طيب هيعمل ايه فى الامكانيات و السعر؟ مين هيشتريها زيرو بسعر غالى فى حين انه ممكن يجيبها مستعمله بسعر رخيص و قطع غيارها موجوده . مين النهارده هيرضى بعربيه شكلها قديم من السبعينات و يا ترى ايه أخبار تكنولوجيا الموتور و الكماليات؟ اكيد علشان يحط فيها تكنولوجيا مع اسم بيجو ده هيضرب تمنها لفوق قوى و بعدين كده يبقى ايه اللى فضل من الموديل القديم ؟ شكل الصاج فقط طيب و ده ايه أهميته ما بيجو عندها موديلات جديده مقاومه الهواء بتاعتها اقل بكتير من ال 504 و أخف و اكتر آمانا كمان من الشكل القديم و ده حاجه طبيعيه لان ده نتيجه ٤٠ سنه تطوير للأشكال القديمه. رأيي انه فى جميع الأحوال الموضوع ده هيفشل لانه حل مش عملى و كل وقت و له آذان . فى حاجات كتير حلت محل ال 504 زى الفيرنا و ال byd و ال A516 و ده لانها أسعارها معقوله و قطع غيارها منتشره و رخيصه و كل الميكانيكيه بيشتغلوا فيها و ده سبب انتشارها و اللى كان برضه سبب انتشار ال 504 فى عز مجدها
الناس هتشتريها وهي مغمضه
احنا لحد النهارده عندنا عربيات في البلد بيجو وعمامي مش بيستريحو غير فيها
اولا الموضوع ده اتلغى واتوقف خلاص علشان شركه بيجو فرنسا رفضت علشان خطوط الانتاج وعلشان سمعة الشركه وتطورها
وبعدين ال504 عربيه حماله قاسيه زى ما بيقولو بس خلاص كفياها كده وال 505 شرحه مع انها تكيف وباور وفي منها كراسى كهرباء وكمان سخانات كراسى بس خلاص قطع الغيار الاصلى بقت قليله خالص وغاليه جدا اكتر من الزيرو
وعلى فاكره انا معايا بيجو 505 من سنه 1990 وشادد العربيه وبتاخد غرز وبتاكل عربيات كتير بس طبعا فى شخلله فى الابواب و تزييق فى التابلوه والعفشه مش بتعمر علشان بتبقى مركونه عند بتوع قطع الغيار
كده كده الموضوع ده اترفض والكلام ده من فتره مش اليومين دوول يعنى خلاص اللى راح راح
طيب نيجي بقي ليه اختارها وما اختارش ال505
الناس من زمان بتفضل ال504 عن ال505 علشان ال504 زي مابيقولوا حماله أسيه بمعني (هات 5شكاير اسمنت وحطهم في عربيه 504 وعربيه 505 هتلاقي ال504 وشها رفع لفوق بدون اي تأثير اخر علي كرسي النص وده علشان ال504 فيها دعامات (علب) تحت كرسي النص لكن ال 505 هتلاقيها اتقوست من النص )
مين قال لحضرتك الكلام الغريب ده ياراجل انا معايا الصالون بتاعتها ديل الشكمان بيحك فى الاسفلت من التحميل وتقولى بتقصف
مين قال لحضرتك الكلام الغريب ده ياراجل انا معايا الصالون بتاعتها ديل الشكمان بيحك فى الاسفلت من التحميل وتقولى بتقصف
بجد انت عندك حق صحيح احنا مبنفكرش الا فى القديم طيب 505 مثلا يعنى !!!!!!!!!!