كل واحد يقول رأيه ايه هي افضل شركة سيارات كورية وسياراتها معمرة واعتمادية وذات جودة عالية وتنافس
السيارات اليابانية والاوروبية؟؟؟
عرض للطباعة
كل واحد يقول رأيه ايه هي افضل شركة سيارات كورية وسياراتها معمرة واعتمادية وذات جودة عالية وتنافس
السيارات اليابانية والاوروبية؟؟؟
فى رأى الشخصى
شركة كيـــا
مجموعة هيونداي كيا
و بميل اكتر لكيا عشان تصميماتهم احلى و توكيلهم هنا في مصر افضل (عن سمع و ليس تجربة)
و بعدين شيفروليه هي دايو او ممكن نقول gm الكورية و خلاص لأنهم في حقيقة واحد
كيا طبعا
كتصمييم وروعة تصمييم وشكل وبرستييج كيا
كاقدمية وانواع وموديلات كتيرة هيونداي
طبعا هونداي افضل سيارة كوري
هيونداي تصنع اجود السيارات الكورية واكثرها اعتمادية التي تنافس اكبر شركات السيارات في العالم.
فرع كيا جامد
انا بحب الكيا جدا جدا جدا
لكن مؤخرا اكتشفت ان الكيا هى اللى طالعة من مصانع هيونداى الام وهيونداى هى الاساس
فيبقى هيونداى
اخوكم يوسف
هيونداى افضل
Hyndai-Kia is one group, and they share too much technical researches, but each brand have it's own managment and development cemnters and design centers and also it's own factories, they are the best group in kore and now they are the fourth group in the world, but ofcourse i prefare KIA branch
كيا طبعا هى الافضل
كيا طبعاً
هيونداى و كيا لما اتحدو و عملو شركه واحده هيونداى استفادت جداً من تكنولوجيا كيا
على سبيل المثال الالانترا الى كل المصريين بيحبوها (عربيه ممتازه فعلاً) الى نزلت منذ 2007 معموله على الشاسيه بتاع السيراتو القديمه و بنفس موتورها الى نازله من 2005
هههههههه هيونداي هي اللي استفادت من تكنولوجيا كيا !!!! نكتة ده ولا ايه !
يا راجل ده كيا مطلعتش ومبقالهاش سيط غير لما هيونداي اشتريتها وعملتلها قيمة وسط الشركات العالمية .
ورغم كده برضه لازلت هيونداي هي الشركة الأم في التكنولوجيا والجودة وهي اللي بتتصدر المراكز الأولى عالميا وسط الوحوش الألمانية واليابانية .
أعتقد أنه فى الوقت الحالى شركة كيا هى التى فى المقدمة
كبا ثم شيفورلية
يا جماعة الكلام ده لو فى شركات كتير
هيونداي وكيا شركة واحدة .. ودايو وشيفورلية شركة واحدة .. يعني كلهم في الآخر شركتين .. ومش فارقين عن بعض كتير .. مش مستاهلة بقه أحسن شركة كورية ولا أوحش شركة .. وعد غنمك يا جحة !
كيا كويسة وشيفورليه
دايو أضعف شركة موجودة ..وده سبب بيعها لشركة شيفرولية
أنا شايف أنها طبعا kia
وده طبعا بسبب الفارس المتفوق سيراتوو
كيا دلوقتى مع هيونداى زى انا و ابن عمى على الغريب بمعنى اصح فى تحالف مابنهم
كيا طبعا
انا بحب اوي اوي الكيا لانها انجح عربيه كورية في اوروبا و ليها ماركات اصلا مش بتنزل مصر فا محدش شايف منها غير السيراتو و ريو و كمان عربيه بالكتير
و كمان هيونداي بحبها لانها محترمة اوي و ليها موديلات كتير تناسب الفقير و الغني و عربيات في غايه القوة و السرعه
اما دايو فبصراحه انا مش بميل ليها هي و الجنرال موتور ( هم الاتنين واحد اصلا ) و السبب هو اني مش بحب العربيه الهجين او مش بحب المصنع اللي يفلس و تيجي شركه تانيه تشتريه عشان تنقذه من الافلاس و دة اللي حصل مع دايو
دة رأيي في الثلاث ماركات الكوري:colsmil:
كيا رقم واحد كوريا
مرات خالي كورية وكانت دايما تقولي
hyundai is the best korean manufacturer
بس لما جابوا عربية مرديتش تركب هيونداي وجابوا هوندا crv !!!!!!!!!!
طبعا هيونداي موديلات كتير تخاطب اكثر من شريحة اعتمادية أكثر
معلش بس قبل ما نقول مين قبل مين بحث صغير فى جوجل هيجبلك كل التفاصيل
جزء مختصر من نتيجة البحث
يرجع اسم كيا للفظ Ki ومعناه خارج من و A لفظة تشير اسيا فالمعنى الاجمالى للاسم (( القادم من اسيا))
1944
بداءت شركة كيا باسم اخر (Kyungsung Precision Industry) كاول شركة كورية لصناعة وسائل المواصلات وكانت البداية بتصنيع الدراجات وبعض المنتجات الاخرى المصنعة من الصلب
1951
اطلاق اسم KIA على الشركة وصناعة اول دراجة كورية
1957
صناعة اول دراجة مزوده بمحرك (سكوتر) وانشاء مصنع Shihung
1961
صناعة اول موتوسيكل كورى C180
1962
اول تصنيع لسيارة (نقل) بثلاث عجلات
http://www.cartype.com/pics/2979/small/kia_k360_62.jpg
1971
اول شاحنة باربع عجلات يتم تصنيعها فى كوريا باسم KIA TITAN
وبعدها تم افتتاح شركة كيا لخدمات الصيانة وقطع الغيار
1973
افتتاح مصنع Sohari
انتاج اول محرك احتراق داخلى بنزين
انتاج السيارة الاولى المسماة Brisa المبنية على مازدا فاميلى وقبل انت تنتج هيونداى سيارتها الاولى بونى
1974
تشغيل خطوط تجميع موديلات (بيجو 604 - وفيات 132 )
1981
انتاج الشاحنة Bongo truck بمعاونة من مازدا
1984
افتتاح اول مركز ابحاث خاص بكيا
1990
تغيير اسم الشركة رسميا من Kia Industries الى Kia Motors, Inc.
1991
اعلنت كيا عن خطتها لاستهداف الاسواق الامريكية وعن نيتها لتقديم موديلات (سيفيا - سبوتج للسوق الامريكية)
فى نفس العام حصلت الشركة على جائرة الجوده الصناعية الاعلى فى كوريا
Korea's Total
Quality Control (TQC) Grand Prize at the 17th National Quality Control and
Standardization Contest. Equivalent to Japan's Deming Prize and America's
Malcolm Baldridge Award, the honor is the most prestigious of its kind in Korea
من ويكيبيديا، الموسوعة الحرة
كيا موتورز التابعة لمجموعة هيونداي وكيا للسيارات، ومقره في سيول، كوريا الجنوبية. وتعد ثاني أكبر صانع للسيارات في كوريا الجنوبية والرئيس التنفيذي للشركة هو تشونغ ايوي سون.، كيا موتورز الأمريكية استضافت رسميا حفل وضع حجر الأساس لأول مصنع للتجميع في الولايات المتحدة في وست بوينت، جورجيا، بناء على تكلفة أولية مقدره بأكثر من 1 بليون دولار في هو 20 تشرين الأول / أكتوبر، 2006 . ومنذ عام 2005، وقد بدأت كيا التركيز على السوق الأوروبية والمملكة المتحدة حيث حققت النجاح في مختلف الأسواق الأوروبية
- تتمتع كل أنواع الكيا بالرقى بالنسبة للسيارات الكورية ولها عدة توكيلات في آسيا والدول العربية خاصة لتمتعها بمزايا اقتصادية كبيرة مثل التوفير في البنزين
ولتعلم عن كل أنواعها فقط زور موقعها على شبكة المعلومات الدولية
محتويات
ووفقا لكيا موتورز، اسم "كيا" مستمد من الصينية الكورية وهو ما يعني الخروج من آسيا.
كيا تعد من أقدم شركات السيارات تأسست في عام 1944 حيث كانت بداياتها في تصنيع الأنابيب الفولاذية والدراجات,وفي عام 1952، كيا غيرت اسمها من Kyungsung للصناعة الدقيقة إلى شركة Kia Motors، وبني في وقت لاحق كميات من الدراجات النارية والشاحنات والسيارات.
وابتداء من عام 1986، في شراكة مع فورد انتجت قطع وأجزاء للمركبات للمبيعات في كل من كوريا والصادرات إلى بلدان أخرى. وتشمل هذه النماذج برايد (استنادا إلى مازدا 121) وAvella ، التي تم بيعها في أمريكا الشمالية وأستراليا وفورد Festiva وفورد اسباير
وتأسست في الولايات المتحدةكيا موتورزفرع أمريكا، في عام 1992. لاول مره تحمل علامة السيارات في الولايات المتحدة من قبل أربعة وكلاء في بورتلاند، أوريغون في شباط / فبراير 1994. ومنذ ذلك الحين، توسعت كيا في المنطقة بشكل منهجي واحد في وقت واحد. حيث باع التجار في عام 1994 موديل كيــا Sephia، وبعد سنوات قليلة في اسواق الولايات المتحدة وتمشيا مع توسيع نطاق المبيعات تم إضافة موديل كيــا Sportage للاسواق الامريكيه.
كيا موتورز الأمريكية(منطقة المبيعات والتسويق والتوزيع في كينغستون)، فرع من شركة كيا موتورز في سيول، كوريا الجنوبية. ويقدم خط تجميع المركبات أكثر من 640 وضيفة عمل في الولايات المتحدة. لعام 2007، سجلت منطقة العاصمة كينغستون بالمرتبة الرابعة عشرة على التوالي في الولايات المتحدة من خلال المبيعات القياسية التي سجلتها. وتعد كيا موتورز أمريكا هي "الشريك الرسمي للسيارات من الدوري الاميركي للمحترفين."
[عدل] كيا موتورز أوروبا
كيا موتورز أوروبا(KME) هي شركة كيا موتورز الأوروبية للمبيعات والتسويق (KMC). وفي عام 2007 انتقل من KME السابقة في موقع Hauptstrasse 185، Eschborn، إلى فرانكفورت في مرفق جديد مصمم خصيصا لهذا الغرض والمجاورة لميسي فرانكفورت في وسط المدينة.
من عام 1995 إلى عام 1999 قامت كيا المنتجة بحملة نسخ لل Sportage ذات الدفع الرباعيفي مصنع Karmann في ألمانيا. من 1999 حتى عام 2003 استمرت بإنتاج نموذج واحد ثم توقف في نهاية 2003 حيثعاد الإنتاج إلى كوريا لموديل ال Sportage.
وبدأ استيراد سيارات كيا لأوروبافي أوائل عام 1991، في البداية بيع فقط النسخ المصغرة من السيارة. ففي البداية أثبتت شعبية بين المشترين ولكن انخفضت مبيعاتها نحو نهاية العقد ونهاية الإنتاج وأخيرا كان قد أعلن في أيار / مايو 2000 بظهور خليفتها -- ريو--لكن لم يحدث بيع لمدة عام لهذا الطراز.
في عام 1994 تم توسيع نطاق الاتحاد الأوروبي، وعندما بدأت كيا بصفتها المستورد الأكبر لمجموعة من hatchbacks متوسطة الحجم والصالون (العائليه) والتي تم تسويقها بوصفها رخيصة وجيدة التجهيز وكبدائل لمن يحب فورد اسكورتو Vauxhall / أوبل أسترا.
وشهدت هذه الطرازات عمليات تجميل وتحسين في الشكل حتى عام 1999 من أجل الإبقاء على اسم للصالون، والhatchbacks. وظلت هذه النماذج على البيع حتى عام 2004، وقد أطلقت كيا الطراز الأحدث Cerato وتعد واحدة من أول المنافسين جدية لباقي العلامات التجارية.
وقد نالت الSportage أو مجموعة الدفع الرباعي الشعبية في جميع أنحاء أوروبا، ولكن منذ عام 2002 كيا اكتسبت المزيد من المبيعات في هذه السوق بفضل إطلاقها لطراز Sorento الأكبر.
كيا لم تدخل في أوروبا كأسرة كبيرة في سوق السيارات حتى بدء طراز الصالون بأربعة أبواب في عام 1999. هذه السيارة كانت مماثلة في الحجم لفورد Mondeo، ولكن تم إطلاقها بالفعل للشراء وبسعر أرخص من منافساتها من نفس الحجم مع ارتفاع مستويات المعدات المستخدمة فيها، وكان لها الاثر الواضح في المشترين بالنسبة لباقي العلامات التجارية الأوروبية مثل شركة فورد للسيارات ، Vauxhall/ أوبل، رينوو بيجو. وقد تم طرح خليفتها Magentis التي بدأت في عام 2001.
دخلت كيا MPV السوق في عام 1999 مع Sedona. ،وتعد انها الأرخص على الإطلاق وذات حجم مرغوب لدى الشعب وعرضت للبيع في المملكة المتحدة.
شهد بدء عام 2004 من الواردات الأوروبية لكيا Picanto. انها شعبية جدا مع ميزانية معظم المشترين في أوروبا.
هي الفكرة مش مين قبل مين
الاقدمية مش هتفيد بحاجة
انا اصلا لما عملت الموضوع كنت اقصد ايهم افضل في الاعتمادية والعمر الافتراضي بالذات وجودة التقفيل
لكن الملاحظ في السنة الاخيرة 2009 ان معظم المحركات وقطع الغيار بتكون مشتركة بين هيونداي وكيا في حاجات كتير
زي هيونداي النترا وكيا سيراتو نفس المحرك مع اختلاف بسيط ونفس معظم قطع الغيار لكن يبقى الاختلاف في التصميم والتقفيل وجودة الخامات المستخدمة . لان لكل شركة خط انتاج مستقل ومركز تصميم مستقل
بحس فى الفترة الأخيرة إن كيا أنضف بس بفارق بسيط جدا عن هيونداى
بس المشكلة الأساسية فى مصر إن وكيل هيونداى ( غبور بيه ) أسوأ بفارق كبيييييييييييييييير جدا عن وكيل كيا
والمشكلة إن انت محتاجهم فى الموديلات الجديدة و لو لفترة بسيطة ( أول سنة عشان تبقى مطّمن حتى )
وكمان كيا موديلاتها موّجهو بقوة للشعب المصرى ى برده فى الفترة الأخيرة
ياعنى و قت السيفيا و الشومة و الاسبكترا و الكلام ده تقدر تقول مكانتش أد كده ( خرج الشومة برّه الاكلام ده لأن ديه عربية مش بتتفاهم )
لكن مثلا الكارينز مثلا موّجهة لفئة كبيرة جدا من الشعب و هيونداى ماعرفتش تقدم حاجة قدامها ( فى بايّن ix20 بس لا تقارن بالكارينز فى الحجم والمفروض انها بديلة الماتريكس )
ممكن أكون غلطان بس فى رأىّ المتواضع كيا فى مصر فى الوقت الحالى صفقة أربح بكتيييير من هيونداى
بكل ثقه وتاكيد هيونداى
كيا هى درجا ثانية من هونداى ودى حاجة معروفة لكل دول الخليج
وهونداى اشترت حق انتاج كيا
وشيفرولية كعلامة ليس اكتر على سيارات الدايو .....
وراى المتواضع
دايو رقم واحد كمتانة
وهونداى كشكل لانها قدمت عدة موديلات ...
كيا
منفوخة دائما على الفاضى ...
أعتقد الترتيب يكون كالتالي :
1- هيونداي
2- كيا
3- دايو (التي اصبحت خارج المنافسة لأنها ذكري و ماضي)
أيه اللي يخلي هيونداي أفضل من كيا أو كيا أفضل من هيونداي ..... الموضوع قديم من تاريخ 2009 مكانتش الأجيال الجديدة من هيونداي نزلت بينما قنبلة الموسم ساعتها هيا السيراتو لو الموضوع ده أتعمل دلوقتي أكيد هتبقى هيونداي بكره تبقى كيا لكن المنطق بيقول أن كام عربية كيا بتعلمها وكام عربية هيونداي بتعملها :
كيا : ريو - سيراتو - كارينز - سبورتاج - كادينزا - أوبتيما - موهافي- ك 9 .
هيونداي : i10 - 120 - i30 - i35 - i40 - ألنترا - أكسنت - سوناتا - سنتافي - فيراكروز - أزيرا - جينسيس - سنتينيال .
لو نسيت حاجة قولوا لي ولكن الواضح أن التفوق للهيونداي ولو هقول من مشاهدتي لعربيات كيا زي الكادينزا والسبورتاج وعربيات هيونداي زي الأزيرا والجينسيس السيدان أقدر أقول أن التفوق للهيونداي واضح كخامات داخلية وتصميم داخلي ولكن الفرق مش كبير .
The Big H of course
هيونداى طبعاً
كيا بالنسبه لى هى الافضل
زي كا قال الزملا قبل كده.... هيونديه وكيا يعتبروا حاجة واحدة، ودايو وشيفروليه هما حاجة واحدة
بس فيه حاجة لازم نقولها:
كيا وهيونديه عندهم معامل أبحاث مستقلة، وسياسة تسويقية مستقلة، ومصانع منفصلة، ولكن الميزة في التحالف إنهم بيقسموا الشغل
إزاي؟
يعني مثلا:
الهيونديه تعمل تصميم الإيلانترا، وبعدين الكيا تاخد التصميم ده وتعدله .. فتطلع السيراتو
الكيا تعمل تصميم البيكانتو، وبعدين الهيونديه تاخد التصميم ده وتعدله، فتطلع الـi10
الهيونديه تعمل تصميم السوناتا، وبعدين الكيا تاخد التصميم ده وتعدله .. فتطلع الأوبتيما
الكيا تعمل تصميم الفينجا، وبعدين الهيونديه تاخد التصميم ده وتعدله، فتطلع الـix20
وهكذا...
يعني الشغل على التطوير مش بيتعمل مرتين.. مجرد تعديلات خارجية مش محتاجة تجارب وتطوير بياخد وقت كبير
عشان كده هتلاقي تشابه في إنتاج الشركتين بنسبة حوالي 90% على الأقل، بمعنى إنك لما تلاقي عربية في فئة معينة.. لازم تلاقي سيارة شبيهه في إنتاج الشركة التانية... مع بعض الاستثناءات
في رأيي.. كيا تتميز بالتصميم القريب من السيارات الأوروبية... وده سببه إن كيا عينت المهندس بيتر شراير في 2006 كمدير قسم التصميم، بعد ما كان بيشتغل قبل كده في أودي الألمانية، عشان كده ممكن نقول إن موديلات كيا الحديثة فيها بعض الشبه ولمحات من أودي والسيارات الألمانية عموما
الكلام ده واضح جدا في الموديلات الكبيرة.. زي كادينزا وكوريس
بالنسبة لداييوو وشيفروليه... فالموضوع ببساطة إن داييوو حاليا بقت إحدى شركات جنرال موتورز الأمريكية، والمعروف عن جنرال موتورز إنهم مش بيصرفوا على التطوير في الموديلات (مش زي كيا وهيونديه)... إنما وبكل بساطة.. بيشيلوا الماركة ويحطوا ماركة تانية، ويسوقوها في مكان تاني غير اللي الماركة الأصلية بتتباع فيها
إنتاج جنرال موتورز داييوو حاليا بيتباع عالميا تحت كذا مسمى:
داييوو ... في كوريا
شيفروليه.. على مستوى العالم.. وداخل أمريكا
سوزوكي... داخل أمريكا
أبسط مثال على الموضوع ده بيحصل في مصر... الشيفروليه الدبابة كانت في وقت من الأوقات اسمها أيسوزو وساعات تانية بدفورد ... مع إنها كلها أصلا إيسوزو، وشيفروليه لا دخل لها بالتصميم من قريب أو بعيد
بس ما زال فيه شركات كورية تانية.. هي صحيح مش منتشرة عندنا... بس لازم نذكرها بردو:
* شركة سامسونج للسيارات... ودي حاليا تابعة لمجموعة رينو نيسان، وهي اللي بتعمل الرينو اسكالا
* شركة سانجيونج... ودي كانت مشهورة انها كانت مرتبطة بمرسيدس، بس حاليا هي تابعة لمجموعة ماهيندرا الهندية
...
كيا وهيونداي مع وجود تشابه كبير