المشاركة الأصلية كتبت بواسطة som3aa
مش كلهم طبعا بس بالذات العربيات اللى تحت ال250 الف حتى الx-trail اعتقد خطر تجرب اى حاجة على سرعة عالية لان العربية ممكن تتقلب و دا اللى انا كنت بقول عليه ,
بس طبعا فى طريق فاضى ممكن تجيب 140 بس متحودش و لا تتنقل فجاة من حارة للتانية.
كويس ان حضرتك زودتلى شوية معلومات مكنتش اعرفها بس للاسف برده مش كفاية
يعنى روسيا و رومانيا دى بيمشى فيها اللادا الروسى القديمة زى اللى بتمشى فى مصر فعادى ممكن ينزلوا اى حاجة صينى (دول فقيرة يعنى ) , مصر و نيجيريا و دا اللى انا بتكلم عليه .
يعنى التيجو بتتباع فى ايطاليا و تركيا و جنوب افريقيا بس دى الدول اللى قصدى عليها, هى لسه نازلة هناك حسب اللى قريته فى 2009, الفكرة ان تركيا نزلوا مواتير تانية غير بتاعت شيرى علشان الEmissions و طبعا مخادوش اختبار الEuro-Ncap لانه اختيارى لسه ميعتبروش باعوا اى حاجة , لما نشوف المستهلك فى ايطاليا و تركيا هيقبل يشترى الحاجات الصينى دى و علما ان تركيا فيها برده فقر و كدا و فيهم كتير جدا بيركبوا عربيات رخيصة (زى مصر كدا) هنشوف هيتقبلوا العربيات الصينى و لا لأ.
سبب كلامى دا ايه؟
ببساطة اشمعنى شيرى اللى عملوا عربية ممتازة بالسعر دا؟؟ يعنى تيويتا و هيونداى و نيسان و كل شركات العربيات مش عارفة تعمل عربية رخيصة؟ اكيد يعرفوا بس انخفاض سعر العربية معناه قلة جودة فى التصنيع , لما تبقى شركة لسه جديدة فى التصنيع تقوم تصنع عربية 4X4 ؟؟ دا كلام ؟ , طيب ممكن نسيبنا من الخامات الداخلية للعربية , تفتكر العمر الافتراضى للعربية دى قد ايه؟ تفتكر كل شوية تظهر فيها مشاكل و لا لأ و محتاج كل شوية توديها التوكيل و لا لأ؟
طيب بلاش , انت عارف سعر اعادة البيع بتاعها عامل ازاى؟؟ فى الارض , كل العربيات الصينى اللى فى مصر كدا لان كل اللى اشتروها فى الاصل وخدينها مجازفة فاللى جى يشترى عربية عاملة 30-40 الف كيلو بيقول انا ايه اللى يخلينى اشترى عربية يمكن يكون اخرها 100 الف كيلو؟
ليه يتجرب فينا ما نستنى نشوف العربية دى هتبيع و لا لأ فى الدول المتقدمة و جودتها عاملة ازاى و كدا مش علشان شركة قامت مجمعة عربية نقوم نجرى نشترى علشان السعر قليل .
الفكرة ان الصين معندهاش معايير للجودة يعنى لو مشترتش منتج مضمون من شركة مضمونة يبقى مجازفة علطول ممكن تطلع العربية فى الاخر مقلب و ممكن تطلع معقولة انما مستحييييل تطلع كويسة اوى لان فى عقل (1-سعر رخيص جدا (يعنى اكيد استرخاص فى المكونات 2- شركة جديدة فى انتاج العربيات 3-خامات داخلية واضح جدا انها ضعيفة اوى )
انا عايز اعرف قفلت يعنى لازمممم تيجو؟؟ طب ما فى مليون عربية غيرها؟
الصراحة بس الميزة الرهييبة الى عملها ابو الفتوح هى الاسعار بتاعته , الصراحة العربيات الصينى اسعرها مبالغ فيها بشدة زى البريليانس
بصراحة كدا , ايه اللى خلاك تشترى التيجو و اشمعنى هى بالذات يا ريت تفهمنى فكرت ازاى يمكن تقنعنى بجد (اصل اكيد كل شخص احتياجاته غير التانى) فيمكن مناسبة ليك