حمد لله على سلامتك
عرض للطباعة
حمد لله على سلامتك
الحمد لله علي السلامة، خلي بالك جدا جدا جدا وانت مسافر علي طرق الارياف سواء ليلا او نهارا
انا باسافر المنصورة مرة كل شهر تقريبا وكل مرة الاقي مطبات جديدة انشأها الافراد امام منازلهم لاجبار السيارات علي التوقف التام بسبب كثرة الحوادث من النص نقل والنقل والمكروباص والي بيتروق فيها علي حق اصحاب الملاكي الغلابة، وبسبب تلك المطبات والجرارات الزراعية والعربيات الكارو الخ الخ الخ باسوق ليلا بحرص شديد وتركيز عالي جدا لدرجة اني بارجع البيت من مشوار 100كلم فقط مهدود وتعبان زي الي كان بيجر في ساقية
وربنا يستر علينا جميعا
حمد الله علي السلامة ويكفيك شر الطريق
مبدئيا ألف حمد لله على سلامتك
أنا عن نفسى عارف الطريق ده كويس أصل أنا اتعلمت عليه السواقة وعشت أكتر من عشر سنوات بامشى عليهلآنى كنت ساكن فى بلد اسمها البدرشين وبشوفه وهو بيتطور إلى الأسوء يوم بعد يوم بس صدقنى فى طريق تانى أصعب بكتير وهو طريق المريوطية أيام ماكان اتجاهين وبقى أصعب وأقسى بعد مابقى اتجاه واحد.
بس اتعلمت حاجة أنى أكون حذر جدا من يمين الطريق ده جدا جدا جدا وده لكثرة الالأراضى الزراعية واللى الحيوانات بتخرج منها من أى حتة، وبعدين يا صاحبى مع كل المطبات ده إنت كنت بتجرى إزاى السدود ماية الطريق خد بالك وبلاش تجرى خصوصا فى حالة وجود والدتك معاك وربنا يسترها إن شاء الله ويكفيك ويكفينا شر الطريق.
أنا ليا موقف تانى بس على طريق المريوطية-سقارة أيام ماكنت ساكن فى البدرشين كنت أنا وأخويا راجعين من عند خالى فى فيصل وبعد منطقة اسمها شبرامنت فى ملف داخل عليه بسرعة عادية وعارف إن فى مطب بعد الملف بشوية ومظبت نفسى على كدة لكن فوجئت بعربية بيجو 7 راكب ماشية وبيعدى منها عربية سوزوكى الربع نقل - لحد كدة عادى والطريق يستحملنا معقول - لكن اللى مش معقول إنى ألاقى جنب منهم الاتنين وعلى نفس الصف بيعدى منهم مع بعض عربية نص نقل جامبو طبعا الطريق اتقفل وزاد الطين بلى أنه الباشا سواق النقل شغل أنواره كلها مرة واحدة طبعا ماعنتش شايف أى حاجة والله يا أخوانا الكلام ده فى مسافة لا تزيد عن 30متر وبقى عندى حل من اتنين يدخل فى الشجر على يمينى أو إنى أنزل آخد غطس فى ترعة المريوطية لكن الله سلم وفى جزء من الثانية ماعرفش أنا فاديت كل ده إزاى بس هو قرار أخدته وهو إنى أدخل بوش العربية بين شجرتين وأرد تانى فى أقل من ثانية للطريق مع العلم إن المسافة بين الشجرتين لا تسع لأى سيارة وخصوصا مع سيارة تسير بسرعة حتى ولو بسيطة. يمكن يكون أصعب موقف مريت بيه بس حبيت أحكيهولك يمكن يكون فيه تهوين عليك شوية.
وفيه النهاية ربنا هو اللى بيسترها
بجد آسف جدا جدا للإطالة
حمداللة علي السلامة ياباش وعلي فكرة الطريق دة اسمة طريق الموت
انا تقريبا كل اسبوع بمشي فية لح العياط\( بعد الحوامدية ب 25 كم )
بس انا خلاص حفظتة بمطباتة اللى كل 200 متر تلاقي مطب زي الجبل
ممكن تمشي من طريق المريوطية
الحمد لله على سلامتك
مشيت من الطريق ده مرة و كنت قرفان اوي
حمدا لله على سلامتك و انت مش غلطان لاكن حاجة كدة علشانك حاول متتحطاش النقل من اليمين علشان هما مبيشوفوش اللي تحتهم و انت في نص العربية بالظبط و صوت المكنة بتاعتهم بتبقى علية جدا فمبيسمعووش الكلاكسات
حمد لله علي سلامتك
الطريق ده انا حفظة كويس اووووووووووى علشان بمشى عليه كل يوم
على فكرة الطريق ده حلو اووووووى بالنسبه للبعده يعنى لما تعدى الحوامدية وتدخل على البدرشين وتخلص البدرشين
اتفرج بعد كده بقى انسى هتحك بالعربيه فى كل المطبات لو مركب 4 معاك ده غير بقى سواقين كمان مكروباص والنقل التقيل
حمد الله علي سلامتك_عارفه الطريق رخم ومطباته كتيرة مفيش حل ادامك غير انك تبقي كووول وماتستعجلش