الحمد لله نجيت من الموت

**abo_lamar** · 29-08-2009 07:36 AM

السلام عليكم ورحمه الله وبركاته
حد فيكو يا جماعة يعرف طريق الصعيد الزراعي بس من أول وصلة الحوامدية لغاية المنيب ؟؟
أمبارح راجع أنا و والدتي من الحوامدية من عند ناس قرايبنا الساعة 1 صباحاً وماشيين في الطريق التعبان ده .. الطريق ده كل 50 متر فيه موجود مطب صناعي , لا ومش أي مطب حاجة كده زي السد العالي ناهيك ان كمان الطريق ضيق .. المهم ماشي في حالي لاقيت تريلة كبيرة ماشية طبعا شمال ومطنشة القلاب والكلاكسات اللي بدهالها قولت اجيله من اليمين ( نسيت اقول ان الوصلة دي مفيهاش كشافات انارة خالص ) لسه حاي بتخطاه من يمينه والاقي عربية طالعة من الزراعية يمين وداخله على الطريق بسرعة جنونية روحت مفاديها وانا بين العربية دي والتريلة والاقي قدامي مطب صناعي كبير طبعا مالحقتش ادوس فرامل لقيت العربية طارت مني في الهواء زي افلام السيما واتهبدت مني على الارض .. والله انا عمري ما حنسى الموقف ده وبقت اقول الله يخرب بيت الطرق بتاعتنا المعفنة اللي عمرهم ما حيصلحوها لغاية يوم القيامة ... معلش انا طولت عليكم بس حبيت افرغ شخنه التوتر اللي كانت عندي في الكتابة وافضفضلكوا لانكو بجد اصدقائي .

**Ahmed Hassan** · 29-08-2009 07:55 AM

الحمد لله على سلامتك

**funy76** · 29-08-2009 11:20 AM

الحمدلله ربنا سترها معاك ويارب يكرمك ويبعد عنك شر الطريق

**Dr Zezo** · 29-08-2009 11:38 AM

حمدا لله علي سلامتك

ومقدرش اقول لحضرتك انت غلطان او خللي بالك المرة الجايه و لا حتي احترس من خطأ الغير

لأني عارف كويس ايه اللي بيحصل علي الطريق ده بالذات..

الطريق ده فيلم رعب حقيقي

انا لما باكون مسافر عليه و معايا ابن خالتي بيخاف يبص علي الطريق من الرعب اللي عليه خصوصا من سائقي النقل الثقيل و الميكروباصات

و الكلام ده بالنهار

فما بالك حضرتك بتقول بالليل انت بطل انك رضيت تمشي فيه بالليل اصلا..

بس حاليا انا بمشي علي طريق الكريمات بني سويف

طريق عشرة علي عشرة القوات المسلحة انشئته السرعة فيه قانوني 120 كم في الساعة

**waleedrahmy** · 29-08-2009 12:04 PM

حمدلله علي السلامة ..........والطريق ده خطر فعلا........وأنت تتحمل جزء من الخطأانت كمان مع بتاع الترلة مع بتاع الزراعية..........خصوصا ان انت كنت بليل كمان ولازم تبق محاذر جداااااااااااا عن النهار وتمشي براحة وما تجازفش بالتعدية من اليمين بسبب خطأبتاع الترلة بسيرة يمين الطريق

**Lion_Heart** · 29-08-2009 12:44 PM

اهم حاجة الحمد لله على سلامتك , فى الظروف دى و الطرق دى يالذات المفروض السرعة ماتزودهاش عن 60 لتلافى هذه المفاجآت .
مش عارف ايه حكاية ان النقل ماسك شمال و كل ماتنورله و ترعشله يطنش , عندنا هنا فى المنصورة لكن بالليل بلاحظ الموضوع ده جدا , انا اظن و الله اعلم ان اللى بيسوق بالليل ده تباع مش سواق فبقى مقلق لكن بطير من على يمينه لأنى بحس ساعتها انه غشيم من اساسه .
حسبى الله و نعم الوكيل فى المطبات العالية و اللى بيعملوها عن جهل اللى بتقصف عفشة وجسم العربيات و تحرق دمنا .

**faron525** · 29-08-2009 12:48 PM

حمد لله علي سلامتك

**mahmoudbadr** · 29-08-2009 01:55 PM

حمدا لله على سلامة حضرتك وطبعا عندك حق فى كمية و شكل المطبات الموجودة

بس حضرتك فى الطرق اللى زى دى و انت \ماتعرفهاش خد لك دليل من العربيات اللى رايحة جاية و خلليك وراه هتهدى لما يهدى و هكذا بيكونوا عارفين المطبات كويس

**A.Saad** · 29-08-2009 02:42 PM

على فكرة تعدية النقل من اليمين خطا جدا
انا عارف انك مضطر
بس المشكلة انه ساعات انت مش بتظهر عنده فى المرايا خصوصا اما بتكون قرب الكابينة وممكن يحدف عليك
فخد بالك
ساعتها لازم ترعش نور وكلاكسات وتجرى من جنبه

**hossam_elwani** · 29-08-2009 03:25 PM

حمد الله على السلامة..........

الموضوع: الحمد لله نجيت من الموت

LinkBack

أدوات الموضوع

عرض

-

-

-

-

-

-

المواضيع المتشابهه

الحمد لله نجوت من الموت

طرق الموت في مصر

عن الحياه و الموت

---الاقتراب من الموت---شيق

الكلمات الدلالية لهذا الموضوع

المفضلات

المفضلات

ضوابط المشاركة