الموضوع: باركولى يارجاله وعندك كمان واحد هوندا سيتى

شباب هوندا كل سنة وانتو طبين ورمضان كريم
الحمد لله خلاص بقيت هونداوى واشتريت هوندا سيتى الجديده 2009 ودى جبتها من السبع ب 114500 ياريت بقى تقبلونى معاكم عضو هونداوى جديد العربيه بقالها معايا شهر تقريبا وكان نفسى اكتب عنها من زمان بس انتو عارفين بقى ظروف الشغل
بصو انا مش خبير اوى فى العربيات انا اصلا متعلم السواقه جديد بس انا تحت امركم لة حد مختاج اى سؤال او استفسار انا تحت امره انا عارف ان العربيه جديده ولسه الناس مش عارفاها بس انا ممكن الخص انطباعى عنها فى النقط دى
1- العربيه ناعمه اوى اوى اوى انا كنت بتعلم على فيرنا وهيونداى اكسيل هى ماشاء الله ناعمه عنهم بكتير بحس ام التاره ناعمه زى الميه
2- العربيه جرايه اوى ساعات والله بحس انى خايف منها بس هو زى ماتقول كده هى فى لحظه كده العربيه بتتأكد انك دايس بنزيين بعديها لو استمرت رجللك على الدواسه بنفس الضغط بتطير
3- العربيه عاليه عن الارض على فكرة مفيش خوف يعنى من المطبات
4-العربيه ارجاله شكلها حلو اوى اوى اوى مستحيل تمشى بيها والناس متبصش عليك وحصل معايا موقفين مره ركنتها جنب كوفى شوب فى 6 اكتوبر وركنتها جنبى لقيت واحد قام وقعد يبص عليها من ادام وى ورا تقريبا عاوز يعرف دى ايه مره تانيه واحد وقفنى وقالى باشا هى العربيه دى عامله كام والله فيه كمان مواقف كتيره بحس انى بعد مااعدى بيها قدام ناس يقعدو يبصو ويتكلمو غليها اصلا شكل فوانسيها من ورا وقدام حكاية
5-العربيه ثابته ماشاء الله انا برده مش قادر احكم دلوقتى للآنى مش متمرس اوى بس اللى بقدر احسه انا العربيه عند 100 او 110 تحس ان العربيه عادى ثابته مفيش هز على عكس مثلا احساسك فى حالى الفيرنا مثلا
6- تكييف العربيه ياجماهه جااااااااااااااااااااااام د اوى ايه ده انت ممكن نتشغلوش والله على اكتر من واحد بجد مش هزار انا شغلت التكييف من بعد اول 600 كيلو كده محتجتش والله اكتر من واد بصو انا مش عاوز اقول انى وانا مشغله حسيت ان عظم ايدى الشمال اللى قدام طبعا فتحه التكيف بيوجعنى خايف متصدقونيش بس والله هو ده الى حصل معرفش بأه دة لو اشتغل على 4 حيعمل ايه
7-مش عارف بس ساعات بحس ان الفرامل بتبقى جامده وسريعه الاستجابه وساعات بحسها لا محتاجه تدوس عليها اكتر وده ساعت بيعمل مشاكل وانا سايق (لو حد عنده تفسير يقولى)

- دى بأة شايفه عيب وياريت حد ياجماعه حد ينصحنى عشان اخوكم محتاس فى المشكله دى نور العربيه ضعبف ياجماعه انا لما بشغله مش بيقى مغطى الطريق وساعات كتير لو الشارع مضلم مش ببقى شايف المطبات معلش ياجماعه لو حد يعرف احل الموضوع ده ازاى هل اركب فوجات مثلا ولا اغير لمض الفوانيس ولا اعمل

اولا شكرا ياجماعه على ردودكم والتهانى ودعواتكم اخوكم اصله لسه جديد فى السواقة
الى الاخ sakrquraish
بص ياسيدى هو فعلا انت مش حتعرف تشوف الكبوت بتاع العربيه ليه بأة للان العربيه مسحوبه اوى من ادام فمش حتعرف تشوف الكبوت زى عربيات تانيه زى الفيرنا مثلا(اللى كنت بتعلم عليها) بس هو اللى اتقالى ان ده معمول عشان يقلل مقاومه الهوا للعربيه وفى نفس الوقت مساحه الكبوت قليله على فكره يعنى ممكن تكون فى حجم الياريس مثلا
لو فى اسئله تانيه ياجماعه انا تحت امركم