و تصورها و هيه بتنطط بس من بعيداو مدارى أحسن تجرى عليك و تقولك بتعمل ايه :khd:و ينولك من الحب جانب .
عرض للطباعة
اللى حصل معاك مؤسف للغايه كونه من بنت اكثر من اى شىء
انا حصلى موقف امبارح
راجع البيت امبارح بالليل الساعه 11 وجيت اركن وقفت بالعربية قدام البيت كان فيه شباب كتير من 16 لـ 19 سنة
بيلعبو كورة شايلين العربيات كلها وعاملين الشارع استاد !!! المهم لقيت واحد لا يتعدى الـ 18 سنة قرب عليا وبيقولى
شيل العربية من هنا علشان فيه دورة كوره رديت عليه وقولتله الساعه 11 ومافيش مكان وبعدين انا واقف قدام بيتى
وعايز اركن قام جايلى مين ابوه زعيم العصابه وبيزعق ومش عاجبه وراح قايلو العب خليه يركن وقامو رازعين الكورة فى
العربية عند قمت نازل من العربية ومزعق معاه لقيت الدنيا اتقلبت وناس بتيجى من كل حته وشتايم قذره شىء لا يوصف
لما تكون لوحدك وسط العالم ديه كلها بالذات ان كان معايا والدتى قمت مركب والدتى العربية بسرعه وروحت راكب وطاير
وروحت القسم عملت محضر واخدت 3 امناء شرطه لاكن على ما رجعت كانو اختفو من المكان تماما كل ده علشان
بركن قدام بيتى زى اى حد
من انهاردا قررت لازم اشيل شومه او اى آله ادافع بيها عن نفسى خصوصا لما اكون قدام مجموعه بلطجيه
معلش يا باشا قول حسبى الله ونعم الوكيل
الناس اتوحشت اوى والله
انا طول الوقت على الطريق دلوقتى بستحمل غلطات غيرى وبحاول اكون هادى ومش بحاول التفت لاى حد طالما انا ماشى فى السليم
يعنى انا النهارده جاى من سفر وداخل على المنصوره ففيه طريق يدخلك على المنصوره وكوبرى علوى
فكل العربيات الى داخله الطريق ده داخله على سرعه المهم انا حدفت يمين وماشى عادى لقيت واحد جاى ورايا وبيدى كلاكسات ولا عبرته وكنت قافل الازاز عليا المهم شفته بعدها بيشتم وبيدى كلاكس و اتاريه طالع على الكوبرى طب جاى ورايا وقارفنى ليه ما تاخد طريقك يا عم انا شفته بيبرطم بس ولا اى حاجه ربنا يسامحه
والنهارده برده طريق مكسر وصله ببترصف المفروض ماشى عليها وبتضرب فرمله فى اى لحظه لقيت حفره فهديت على الاخر لقيت واحد وراجل كبير فى السن ومعاه زوجته بيلم عربيته من ورايا وماشى زى الحيوان على الدبش وكانه لاقى العربيه دى مش شاريها بفلوس وكانت كورولا 2007 وقاعد يبرطم ويبصلى ولا عبرته بس ربنا ستر انه ما لبسش فيا ولو كان لبس فيا كنت ممكن اعمله ايه ؟ ما هو كالعاده هيطلعنى غلطان وهو الصح
والله انا رايى تقفل الازاز عليك و تعيش وتسوق زى ما انت شايف واذا حصل حاجه قول الحمد لله وما تزعلش بس
لانك فى مصر
اما بالنسبه لموقف البنت الى بتقول عليه انا هحكيلك موقف ست شكلها محترم محجبه و متوسطه العمر ومعاها اولاد اطفال و ستات منقبات فى العربيه جت فى مطلع وهى فى اخره وانا وراها وقامت واقفه العربيه وقفت قلت استر يارب دى لو ما خدتش بالها هترجع عليا وماعادش ينفع انا ارجع
اديتها تلكس عادى لقيت الى قامت بصالى ومزعقه قال يعنى خضيتها قلت بس سيبها تعمل الى تعمله
المهم ربنا ستر وطلعت
انت عارف اول ما طلعت قامت عامله ايه قامت راكنه على الشمال والشارع الى كنا طالعين عليه مقفول
مش مشكله انا طلعت عادى
انت عارف ايه الى حصل ؟
قامت بنتها الصغيره فاتحه الباب فجاه يعنى راكنه غلط ومش واخده بالها من بنتها
قمت لميت نفسى بسرعه شوى على اليمين وضربت فرمله وطبعا واحد جاى بسرعه وضرب فرمله ولولا انه انا وهو كنا محترمين كنا زمانا نزلنا موتنا بعض وخصوصا هو لانه طريقه واعتذرتله وتقبل
الست بقى قامت مشوره بايديها زى اسفه وولا هاممها اى حاجه تحصل
الستات ما عندهمش اى مسئوليه
فى الموقف الى حصلك ما تزعلش لانه واضح انها بنت مش كويسه خالص
والحل ادامك كان اتنين يا اما تكبر وتدعى ربنا يهديها اصل عدم الالتفات فى الحالات دى بيجلب الصمت عند الانسان الى مش محترم لكن التفاتك ليها هيشجعها تكمل وتشتم
او كنت ممكن تاخد رقمها و تعمل محضر سب وتجيب عشرين شاهد من عندك وتعيشها فى الوهم بقى وتجيبها تبوس رجلك
ممكن تشتغلها فى الازرق يعنى
وعلى العموم ما تزعلش وعدم ردك ده كان احسن حاجه عملتها وكل سنه وانت طيب
ان لم تستحى فافعل ما شئت
لا حول ولا قوه الا بالله
دى بنت مش متربيه واكيد ........... الله اعلم الواحد مش ناقص زنوب
وياريت متخلوهاش تاخد من حسناتنا
ربنا يهديها ويهدينا جميعا
كفايه عليها الترييحه اللى خدتها بعربيتك وتجاهلها ومشيك بعد كده زمنها دمها محروق لحد دلوقتى على فكره انا طبعا عمرى ما هشجع أن حد يرد أو ياخد تصرف مع واحده ست حتى لو كانت قليله الأدب لأن فى النهايه واحده ست ولو حد أدخل هيلقى اللوم عليك مش عليها لأنها وحده ست وانت راجل بس فى وسائل كتير منها اللى انت عملتو أنك تاخد حققك فى صمت أنا بقى فى مره بنت راكبه أى تن هيونداى ومدى أشاره بأنى داخل يمين مع العلم انى بكون عامل حسابى كويس قوى مش أدى أشاره وأدخل وخلاص المهم الأخت قامت كابسه بنزين عشان ما أخدش اليمين فابقلها مش فى أشاره ولا هى اتلغت الأشارات خلاص ردت عليا وابوها جنبها أه أتلغت قلتلها والله طب كويس وقمت كاسر عليها موقفها ومكمل طريقى مشيت زى الألف وطبعا شايفها بتاكل فى نفسها ولا أتخنقت ولا شتمت ولازعقت بالطريقه زى ما بيقولو
السلام عليكم بص ياسيدي والله العظيم انا مرة حصل معايا نفس الموقف علي طريق المطار المهم زنقت علي صاحبنا ووقف يشتم ماردتش عليه جنبي في العرببببية سلسة جنزير وفيها قفل من بتوع زمان وروحتو من غير ازار ورا ولا قدام وقلتلو كلمة واحدة مش هانزل بمستوايا بس هاوريك انا هاعمل ايه الراجل والله اعلم افتكر اني مجنونووقف علي الرصيف وساب العربية
وهيه لو واقفة فى اشارة او شافت عربية راكنة و لاحظت او افتكرت نايل موتورز هتبقى واقعة كل واحد لازق الاستيكر اسود فى اصفر برده
و مش بعيد تمسك فى صاحب العربية و تقرره و تعرف انك صاحبة فكرة الاسود فى اصفر .....
ساعتها مش عارفين ايه اللى ممكن يحصل ...:shyy::stink[1]::stink[1]::stink[1]:
فكرك كدة :shyy::shyy::shyy::shyy:
هههههههههه