معلومات سريعة عن تغيير قطر الإطار الخارجى
فى حالة تغيير قطر الإطار فإن السرعة الفعلية تساوى السرعة المقرؤءة على عداد مضروبة فى القطر الخارجى للإطارات الجديد مقسومة على القطر الخارجى للإطارات القديمة *
* تسرى هذة المعادلة على إطارات الجر فقط، يعنى لو العربية جر امامى وانت غيرت مقاس الإطارات الخلفية فقط فإن المعادلة لا تسرى عليها، والعكس صحيح أيضا بالنسبة لسيارات الدفع الخلفى
يعنى لو إطارك القديم مقاسه الخارجى 600 مللى متر وأنت جبت إطارات مقاسها الخارجى 615 مللى متر مثلا فإن سرعتك الحقيقية لو عداد السرعة أمامك يقرأ 120 كيلومتر فى الساعة = 120 * 615/600=123 كيلومتر فى الساعة
الرابط دة فيه آله حاسبة تعطيك القطر الخارجى للإطار بمجرد ملئ بيانات الإطار
http://www.tyresave.co.uk/tyresize.html
اما لو عندك وقت فهذا الرابط يحوى عشرات من المواضيع للفراءة عن الإطارات
http://www.tirerack.com/tires/tiretech/tiretech.jsp
وعموما فإنه طبقا لأكثر من موقع لا ينصح إطلاق بتغير القطر الخارجى للإطار سوى فى حدود 2.5% بالزيادة او بالنقص
أما ما يحدث فى حالة النكبير المبالغ فيه هو تكبير نسبة التخفيض الكلية من المحرك وحتى العجلات عن القيمة التصميمية مما يضع أحمال إضافية على المحرك فى لحظة الأنطلاق(يعنى مثلا كأنك بتطلع طول الوقت على التانى) وهذا طبعا يؤثر بالسلب على عمر المحرك
وبالعكس فى حالة التقليل المبالغ فيه لقطر الإطار الخارجى يدور المحرك لفات أكثر لقطع نفس الكيلومتر مما يقلل الكيلومترات المقطوعة قبل ان ينتهى عمر المحرك
بعنى لو بسطنا المثال جدا هانقول ان المحرك مثلا عمره انه يشتغل 300 ألف كيلومتر، لو قللنا قطر الكاوتش بنسبة 5% فهذا معناه ان المحرك هايلف كل عدد اللفات الللى بعدها يفوت فى عدد كيلومترات أقل ب5% يعنى هايفوت 15 ألف كيلومتر بدرى عن موعده الطبيعى، طبعا المثال مبسط جدا لأان عمر المحرك بيدخل فيه مليون مؤثر آخر، لكن هذا فقط لتوضيح تأثير تغيير قطر الكاوتش على المحرك
سبعاوى
Re: معلومات سريعة عن تغيير قطر الإطار الخارجى
اقتباس:
المشاركة الأصلية كتبت بواسطة sab3aawy
فى حالة تغيير قطر الإطار فإن السرعة الفعلية تساوى السرعة المقرؤءة على عداد مضروبة فى القطر الخارجى للإطارات الجديد مقسومة على القطر الخارجى للإطارات القديمة *
سبعاوى
سبعاوي باشا
كلا حضرتك تمام التمام ما عدا حتة صغيرة عدت على حضرتك, ان الحسبة مش بتبقى على قطر الاطار و إنما عالمحيط الخارجي للإطار
يعني لو انت بتقيس المحيط دة هو بيساوي بالضبط المسافة اللي تمشيها العربية بلفة واحدة من الكاوتش (اللي على عجلات الدفع)
و علاقتة بنصف قطر الإطار بتيساوي ط نق 2
يعني حضرتك لو قست محيط الكاوتش بالمازورة (من عالمداس) و لقيتة1.6 متر و غيرت الكاوتش بكاوتش اكبر و لقيتة 1.85 متر يبقى لو انت ماشي بسرعه 160 عالعداد يبقى انت ماشي فعليا بسرعه 185 كم/ساعه
و على فكرة انا سبق و ذكرت الموضوع دة في تعليق على بوست سابق من فترة
Re: معلومات سريعة عن تغيير قطر الإطار الخارجى
اقتباس:
المشاركة الأصلية كتبت بواسطة Adham
اقتباس:
المشاركة الأصلية كتبت بواسطة sab3aawy
فى حالة تغيير قطر الإطار فإن السرعة الفعلية تساوى السرعة المقرؤءة على عداد مضروبة فى القطر الخارجى للإطارات الجديد مقسومة على القطر الخارجى للإطارات القديمة *
سبعاوى
سبعاوي باشا
كلا حضرتك تمام التمام ما عدا حتة صغيرة عدت على حضرتك, ان الحسبة مش بتبقى على قطر الاطار و إنما عالمحيط الخارجي للإطار
معلش تصحيح بسيط
المعادلة اللى حضرتك كاتبها بتاعة ط نق 2 فهى لحساب مساحة الدائرة وليس لحساب المحيط
اما المحيط المحيط م = ط ق = 2 ط نق (لأن طبعا من البديهى ان ق= 2نق)
، واحنا هنا مش عايزين المساحة فى اى حاجة،
والمحيط ببساطة المحيط بيساوى رقم ثابت مضروب فى القطر=3.14 مضروبة فى قطر الإطار الخارجى،(م= ط *ق حيث م هى المحيط ق هى القطر و ط نسبة ثابتة =3.141427
وبالتالى فإن محيط الإطار القديم/محيط الإطار الجديد= م2 /م1= ط ق2 /ط ق1 ، ط تروح مع ال ط يبقى عندى ان م2 /م1=ق 2/ق1 ، يعنى من الآخر دى هى دى ومعدتش على ولا حاجة
اما لية بنستخدم القطر فى الحساب وليس المحيط لأن القطر يسهل قياسه بمتر او مسطرة اما المحيط فصعب جدا قياسه، لكن لو عايز تحسبه قيس القطر واضربه فى ط
لكن معادلة حساب مساحة الدائرة اللى حضرتك اوردتها لا علاقة لها بموضوعنا هنا