بصراحة انا من اول ما جيبت العربية وطبعا كان في مشكلة بسبب تركيب الكاسيت من الموزع المهم بلاحظ دايما في الطريق لما يكون مضحضر او مكسر وامشي بسرعة فيه بصوت طقة او رزعة طبعا في ابو رواش لما روحت قبل كده قالولي طبيعي ومفيهوش حاجة وهنربط العفشة وهي كده علشان عفشتها ناشفة شوية ومحسيتش بفرق وبعدين لما عملت صيانة 5000 في القطامية ربطوا العفشة وقالوا نفس الكلام ....اه نسيت في اول مرة قالولي الصوت ده من علبة الدركسيون وغيروها بس زي ما قلت محستش بفرق ...ودلوقتي بقارن لما امشي في المكسر بالسيراتو مابسمعش حاجة اه طبعا دي حاجة ودي حاجة ودي عفشة ودي عفشة بس مش عارف هل انا اللي ودني حساسة للاصوات ولا هل مطرح الطريق المكسر هو اللي بيعمل كده مع عفشة ونظام العربية دي يا ريت تفيدوني