-
طبعا ليها تصليح
بس أما تشترى فتيس أستيراد بحاله كويسه حيكون أفضل وأرخص من تكاليف عمرة فتيس بمصنعيته
ويمكنك فعلا عمل أسكانر على كارتة التحكم الخاصه بالفتيس
على أساس تتعرف على أكواد الأعطال المختزنه ( أن وجدت )
بس برضه خللى بالك ....موضوع الكمبيوتر مع الفتيس ده مش حكم على الفتيس
الحكم هو التجربه ......
لأن ممكن تكون فيه مشكله ومخزنه فى وحدة التحكم بتاعة الفتيس
وبرضه البائع فصل الكارته قبل البيع ( علشان يشيل الأعطال من ذاكرة الوحده )
اللى عاوز أأقولهولك ......على الترابيزه ياريس
هههههههههههه
-
مممممم على الترابيزة يا ريس
شاكرين مهللين وربك يسترها
-
انا هقول لحضرتك نصيحة الاتوماتيك في الكوري اعطالو كتير
-
ارجو التوضيح و الشرح
روحت شوفت عربية و كان الفتيس بتاعها علشان يثبت على الغيار لازم اجيبة من الي غيار الي تحته يعني علشان تجيب الr لازم اوصل شوية ناحية الـn و هكذا سالت في قسم كيا زميل رد عليا و قالي ان ده واير او سلك العصايا و تغيرة شيء دوري و سهل
عاوز شرح لموضوع السلك ده ان كان صحيح
-
اول حاجة ماتزعلش ان كان فية عدد مشاهدات كتير ومحدض رد عشان اكيد محدش يعرف ومش عايز يفتى ودة كويس ,
ثانيا من رائى اعمل حاجات دية كدة بالترتيب
1:اول حاجة اكشف على زيت الفتيس ودة سهل جدا انك تعملة
2:تانى حاجة هات الوضع p وحاول تحرك العربية وشوف القتيس هايعمل اية
3:جرب 1 و 2 وشوف العربية هاتسحب معاك كويس ولا لأ
4:امشى باعربية وتابع حركة الفتيس بينقل على كام اربى ام ,وهل ثابت ولا لأ فى كل مرة ,واسمع صوت نقلاتة وهل واضحة ولا لأ
5:جرب الكيك داون بعد سرعة 30 كيلو
6:هات بالعربية 120 كيلو شوف الفتيس هايعمل اية معاك
وان شاء الله كل حاجة تبقى تمام ,ودة من وجهة نظرى
-
بالنسبه للاتوماتيك الاخ اللى بيقول الاوتوماتيك فى الكورى وحش ؟؟؟؟؟؟ انا عندى عربيتين كيا سبكترا وهوندا hrv الكيا 2004 والهوندا 2005 ومع ذلك فتيس الكيا وهمى احسن 1000مره من الهوندا اللى صلحته كذا مره ومش نافع معاه التصليح اوى
المهم عشان مطولش عليك لو عايز تجرب عربيه اوتوماتيك وعايز تعرف حاجه عن الفتيس كالتالى
1 اول ما تركب العربيه ااقرص على الموتور بسرعه وشوف النقله هتنتش اوى ولا هتحس بنعومه الحركه دى هتكشفلك الفتيس بسرعه ومن اول ماتجرب العربيه
2 جرب تمشى بيها وكأنها منيوال 1-2 -d وشوف فى استجابه كويسه وفرق فى السرعه ولا كلها محصله بعض
3 خللى العربيه تجيب 90 واعمل كيك داون (شيل رجلك من على دواسة البنزين ورجعها من 3-5رثوانى ) وشوف فرق السحب
4 لو العربيه متصلحه قبل كده اكيد هتنتش فى اى غيار بنسبة 90%
5 لو عايز تركب اوتوماتيك كويسه بأى جنسيه كورى هندى كواللامبورى لازم يكون موتورها قوى ومتوافق مع الفتيس يعنى بلاش 1300 خليك فى 1600 عشان تحس بقوة العربيه
اخيرا لو ان هتشترى اى عربيه قول نوعها وان شاء الله لو عندى خلفيه عنها هحاول افيدك .
-
على فكرة ماتقارنش اى هوندا بهوندا hrv عشان دية اسواء هوندا نزلت والموديل دة بالذات ولو عايز تتاكد فتيس هوندا سيفيك موديلات من 93 لحد 2005 مافيش ادنى مشكلة منة ومش عايز اقولك جامد جدا جدا ,واسال اى حد معاة si
-
دور العربيه و خليها ساخنه لان عيوب الاوتوماتيم ما بتظهرش الا فى سخونه الموتور الشديدة و امشى بيها 20 كيلو سفر اطلع طريق مصر اسماعيليه و لف و ارجع و شوف و انتا داخل القاهرة الغيارات عامله ازاى لو عادى يبقى تمام لو بتطول و صوت الموتور بيعلى و مش عاوزة تاخد الغيار اللى بعدة يبقى بلاش منها بس اطلع طريق سريع اسمع كلامى احنا تجار و بنجيب عربيات كيير و كلنا بتنخدع فى وسط البلد وز لما نطلع السريع تبدا الحكايات و الروايات بس عموما فتيس الكيا مش هيعدى 1000 جنيه
-
انا مش عارف اقولك ايه بس انا اشتريت عربيه كيا سيفيا 99 وغيرت الفتيس بتاعها ثلاث مرات في عام واحد وطبعا مش عايز اقولك علي الاشتغالات بتاعة الصنايعيه وللاسف انا معنديش خبره عشان كده كنت زبون اخر حاجه وربنا يوقعك في ابن حلال مش ابن ؟؟؟؟؟
Content Relevant URLs by
vBSEO 3.6.0 PL2