لانسر2002 واسقطلها واعدلهابالكامل ولا الجين 2 ....

**E30power** · 30-08-2009 02:53 PM

اية رايكوا يا رجالة المنتدى ....

لانسر 2002 او 2003 ...واسقطلها المايفك مع العفشةالكونى مع الجنوط واظبتها على مزاجى

ولا اقرض على نفسى شوية واجيب الجين تو زيرو افضل ..........حدود المبلغ حوالى 80الف

انا حاسبها كالاتى ...

بصراحة الجين تو موتورها جبار ........بس لو قدام الميفك مظنش فى كلام

الثبات فى الجين بصراحة ميقلش عن المزدا3 ولا الكرولا......؟؟؟مش عارف هتبقى عاملة ازاى مع المايفك

التقفيل فى الجين مش مقتنع بية اووى بصراحة خاصة انى ملدوع منالانوس المصرررررى......الانسر تفرق هناا طبعا بجدارة

طبعا الزيرو زيرو ........بس لو الانسر اتعملت صح هتبقى ملهاش حل (بس ياترى حقدر اظبطها فين كويس من غير ما تفتح بؤها ولا تزهقنى منها قبل ما اركبها)

حاسس انى دوختكوا معايا ....بس حقيقى مش اد حيرتى ....شيفين انهى الصح للاخو الغلبااااااان دة

**tutankhamoun** · 30-08-2009 03:03 PM

بُص المقارنة هنا صعبة شوية .

أنت بتتكلم على عربية زيرو ...... وواحدة عمرها أقدم 6 سنين على الأقل و كمان عايز تسقط موتور و تغير عفشة .

شوف الزيرو هاتريح دماغك تماما ..... و موضوع التقفيل أمره سهل و بسيط و أي مشاكل بتتحل في أول أسبوعين ثلاثة و دمتم
بالاضافة أن أنت ممكن تركب فرش محترم ....... و تظبط العربية بمبلغ صغير ..... و تبقى عربيتك زيرو .

نرجع لموضوع التسقيط :
لو بتفهم فيه كويس أو عندك حد هايخلص المشوار ده كويس من غير ما الموضوع يخرج عن السيطرة .....
دوس فيه و جرب مش هاتخسر حاجة ........ و لو الموضوع مشي مظبوط و تمام ...... هايبقى خرجت بعربية حلوة و محترمة .

بس أنت ممكن تعمل حاجة في الجين 2 برضه
ممكن بعد ما تشتريها ....... تركبلها توربو ................... و يبقى كدا معاك عربية زيرو
و فيها توروبو .......... و التكلفة مش هاتبقى عالية قوي .

أنا بحاول أفكر معام بصوت عالي شوية .
ربنا يوفقك .

**E30power** · 02-09-2009 12:07 PM

المشاركة الأصلية كتبت بواسطة tutankhamoun

بس أنت ممكن تعمل حاجة في الجين 2 برضه
ممكن بعد ما تشتريها ....... تركبلها توربو ................... و يبقى كدا معاك عربية زيرو
و فيها توروبو .......... و التكلفة مش هاتبقى عالية قوي .

أنا بحاول أفكر معام بصوت عالي شوية .
ربنا يوفقك .

مشكور على اهتمام حضرتك

...........

لا انا للاسف عمرى ما عدلت عربية اوسقطت مكن وقلقان جدا من حوار المكانيكة بس اسم امكانيات المايفك عملالى ترللى فى نفوخى (الايفليوشن شايلة محرك المايفك تريبو) ...وصلك جبروت الموتور دة اد اية ........انا لما شوفتة فى بومة كان هاين احفر فى الجراح واردم على الانوس و اكتب عليها المرحومة ههههههه الى قال تحدت الجبابرة

**abo samra** · 03-09-2009 05:12 AM

انا رايىء الشخصى
جين 2 مشتعمله استعمال نضيف وركبلها تربو مع جنوط 17 وعفشه كونى
كده هتبقى اسد على الطريق
وشكلها هيكون اشد بكثير من اللانسر
وشكل احدث
تحياتى

**amr.elsayed** · 03-09-2009 05:41 AM

المشاركة الأصلية كتبت بواسطة ahmedtefagad

لا انا للاسف عمرى ما عدلت عربية اوسقطت مكن وقلقان جدا من حوار المكانيكة بس اسم امكانيات المايفك عملالى ترللى فى نفوخى (

استاذ احمد انا رأى الشخصى انك تتوكل على الله وتجيب جين تو
عربية محترمة وثباتها على الطريق ممتاز سحب ممتاز وشكل جميل
وشبابى وعربية ثورية .
تفرح بالعربية وهى زيرو كدة سنتين

وتبدأ تعدل على مزاجك بس ساعتها حتكون عرفت كل حاجة
عن عربيتك وحتعرف مين الناس اللى شغالين فى تعديلاتها

وحتكون عرفت كل اسعار قطع غيارها
وبينى وبينك الجين تو من غير اى تعديل شكلها جميل

وربنا يوفقك لما فيه الخير

**E30power** · 08-09-2009 08:20 PM

الف شكر ليكوا يا جماعة بجد على مشاركتوا ومساعدتى .....بس للاسف حصل ظروف والانوس مش هنعرف نبيعها فى الظروف دية .....:(:(

**elmashboh** · 10-09-2009 12:52 PM

طبعا لانسر مكوه وحولها ايفو سقط ماكنه 2000 cc وغير عافشه كامله واه لو تيربو شارجر على جنط 18 او 17 وبودى كيت كامل وسبويلر ايفو لالالالالالالالالالالالال الالالالا انا تعبت بجد بجد بجد لانسر لا مثيل لها

**gendi_52** · 10-09-2009 07:10 PM

لانسر نازلها مواتور استرونيك تخيل انك راكب استرونيك وال 1600 و 2000 وتمنه 7000 جنيه بس هتبقى حكايه لحكايه العربيه دى ويسلام بقى لو غيرت الاكصدام ببتواع الايفو وكمان الفوانواس بالمتعدل جدييد انا بفكر اشترى واعمل كده عربيه وعلى ايدى ومصرفها كويسه

**twincam** · 14-10-2009 10:12 AM

نتا بتفكر؟؟؟؟
ده نتا لو تعديل اللنسر اغلى كنت قلتلك عدل بس بص
التعديل سلاح ذو حدين ياصح ياغلط
والصح بتاعو مش معضلة بس نتا تركز فيه
ولو عايز رايي كمان اعمل كده في كريستالة هتبقى ارخص واجمد واحلى
46 العربية والمتور والعفشة بعد متدخل راس براس ادي 9 كمان ادي 55 الف بالجنط 60 الف جنيه
وزينون وسوند سيستم ادي 63
واخوك ممكن يساعدك في الموضوع ده لو حبيت
بس نتا انوي وان شاء الله هتركب عربية ملهاش مثيل
واوعلا تنفض للموضوع ده وتجيب جين2
مش عشان الجين وحشة بس ده فرق السما والارض
انوي وانا معاك يابطل