استفسار عن النيو اكسنت انا نويت الشراء

**m_hapashy206** · 30-08-2009 03:21 PM

بسم الله الرحمن الرحيم

اخواتي الكرام انا نويت ان شاء الله اشتري النيو اكسنت 2010

بس انا سمعت حاجه كده من واحد شغال في مركز خدمه هيونداي
بيقولي ان العربيه دي مش كويسه لأنها بتجيب وش سلندر بسرعه ,, وكمان مافيهاش عداد حراره و ده غلط جدا

ايه رأيكوا في الموضوع ده يا شباب ,,,

**basemzaki** · 30-08-2009 03:36 PM

سيدي الفاضل، أي عربية ممكن تجيب وش سلندر لو العربية سخنت ومشيت بيها وهي سخنة فترة طويلة فأعتقد انو دا شيئ لا يتوقف علي نوع أو موديل عربية معينة.

أما موضوع مؤشر الحرارة انا معاك انو عامل من عوامل الأمان انو يكون موجود عشان تلاحظ بعينيك ارتفاع الحرارة تدريجيا فيكون انذار للخطر، ولكن اعتقد انو بتصميم سيارة بدون هذا المؤشر والاستعواض عنه بلمبة تضئ في حالة الحرارة العالية فممكن ان يكون ايضا بمثابة انذار قاطع للتوقف وعمل فحص للسيارة قبل التعرض لتلف وش السلندر.

اذن أين المشكلة؟ السيارة باجماع الكل ممتازة ولكن نعم هناك بعض العيوب التي يمكن التغاضي عنها نسبيا حسب استخدام كل شخص.

وربنا يوفقك ويرشدك للقرار الصواب ومبروك مقدما

**ezzatfox** · 30-08-2009 10:33 PM

المشاركة الأصلية كتبت بواسطة m_hapashy206

بسم الله الرحمن الرحيم

اخواتي الكرام انا نويت ان شاء الله اشتري النيو اكسنت 2010

بس انا سمعت حاجه كده من واحد شغال في مركز خدمه هيونداي
بيقولي ان العربيه دي مش كويسه لأنها بتجيب وش سلندر بسرعه ,, وكمان مافيهاش عداد حراره و ده غلط جدا

ايه رأيكوا في الموضوع ده يا شباب ,,,

اراهنك ان اللى قالك كدة مش فاهم اى حاجة و لو ناقشتة فى تفاصيل زيادة هتلاقية فاضى من جوة
وش سلندر اية بس .. انا اعرف ناس كتير معاهم العربية دى و منهم موديلات 2006 و مفيش عربية واحدة اتغيرلها حاجة غير الصيانات الدورية .
و معتقدش ان شركة زى هيونداى هتنزل عربية بعيب فى الموتور . ومعتقدش كمان ان عربية فيها عيب زى دة تقدر تاخد الجوايز اللى واخداها النيو اكسنت .
اما موضوع مؤشر الحرارة فهو مش مؤثر للدرجة .. و عوضا عنة توجد لمبة للتحذير عند ارتفاع الحرارة .. و لغاية دلوقتى محدش شافها نورت اصلا .. يعنى العربية مبتسخنش فى الاحوال الطبيعية الا اذا كان فى مشكلة او تسريب فى دورة المياة و التبريد و بردة فى الحالة دى هتعرف من اللمبة .

**Ahmed.TV** · 31-08-2009 06:00 PM

يا جماعة موضوع المؤشر او اللمبة عادى , ما ممكن المؤشر اللى بيبين الحرارة ممكن يبوظ بردوا وفى الاخر حتقف بردوا بالعربية فمش فارق موضوع المؤشر من اللمبة لان كمان انا اعرف العربيات الجديدة ليها حد معين ولا بتتعداه ولا بالناقص ولا بالزايد الا لقدر الله لو فى خلل ما وساعتها لازم تقف طبعا وحتحس اكيد ان فى خلل حتى لو كان فى لمبة عندك او مؤشر بايظ حتى ومش بين الدنيا لان الحرارة والخلل فيها بيتحس وبيبان على طول وانت سايق , وبعدين فى عربيات كتيرة اوى حديثة مفهاش مؤشر فمش حنشتريها عشان كدا يعنى, مش مش معقول لازم نواكب التطور , والنيو اكسنت وانا بحبها العربية دى ومش بحب غبور وربنا يستر ومش يغلى فى سعرها لما الاقبال زاد عليها

**حماده المصري** · 02-09-2009 01:49 AM

مش هزود على كلام الاخوه تماما

عربيتي 2006 ماشيه 140 الف كيلو كلهم هري والحمد لله العربيه زي الفل

**m_hapashy206** · 02-09-2009 01:51 PM

متشكر جدا يا جماعه على ردودكم و ان شاء الله ربنا يقدم الي فيه الخير

**Amrrr** · 02-09-2009 02:43 PM

ماتزعلشي مني بس ماتخدشي كلام اي حد وسيبك من مراكز الخدمة اي كلام ومش متخصصين ودي البداية من قبل ماتجيب العربية امال لما تجيبها ؟!؟!؟
ورأيي في العربية مش هيزيد عن كلام الاعضاء ومبروك مقدما عربية 100 100