لا يا باشا انت كده ما لكش اي علاقة بالوصله الجديده انت كده طريق محور ثم دائري لحد موقف العاشر وتروح من هناك طريقك
عرض للطباعة
لا يا باشا انت كده ما لكش اي علاقة بالوصله الجديده انت كده طريق محور ثم دائري لحد موقف العاشر وتروح من هناك طريقك
بص المعادى كارفور المقطم القطامية حلوان طريق العين السخنة القاهرة الجديدة بس الناحية الجنوبية
ومدينة نصر حى السفارات دول الوصلة الجديدة
اما الرحاب والقاهرة الجديدة جهة الرحاب والعبور والشروق وجسر السويس ومصر الجديدة وطريق اسماعيلية وطريق السويس فده من الدائرى التانى بتاع اسكندرية الزراعى والوراق وشبرا الخيمة
طيب انا عايز أنزل نزلت الدائري اللي بتودي على موقف مريوطية الهرم حد يسعدني لو سمحتوا !
بصراحة الوصلة مفيدة جيداً و بتوفر المسافة من مدينة نصر الى أول طريق الاسكندرية حوالى 25 كم , بس المشكلة من منزل الدائرى و حتى بوابات تحصيل الرسوم الطريق ضيق جيدا جيدا.
هل يمكن استعمال هذه الوصلة للقادم من الاسكندرية الصحراوى ومتجه الى طريق العين السخنة الجديد
ومنين بالضبط
أيون
بعد ما حضرتك تعدي بالسلامة من البوابات تكمل طوالي ..... هتقابل المحور ..... ما تطلعوش وعدي من تحته ..... بعد شوية هتلاقي تفريعة .... نفق على شمالك و طريق بياخدك يمين ..... و مكتوب يمين الدائري و شمال الصحراوي و الرماية .... عندك حل من اتنين ......
1- يا تخش يمين و تمشي مسافة 3 كيلو و تطلع الدائري (في اتجاه الشمال مش اليمين) ..... و دي بتبقى زحمة وقت خروج الموظفين .... و تمشي عالدائري طوالي .... هيوصلك لتقاطع الدائري مع الصحراوي
2- يا تمشي شمال و تكمل عالصحراوي لحد ما تقابل الدائري برضه و تطلعه ..... و في الحالتين هتوصل لنفس النقطة ....تقاطع الدائري مع الصحراوي
سواء مشيت 1 او 2 ..... وصلنا لنفس النقطة .... تقاطع الدائري مع الصحراوي
هتكمل برضه عالدائري مسافة كيلو تقريبا ..... هتلاقي شوية كباري داخلة في بعض ..... و فتحة يمين بتقول لك محور المريوطية الجديد .... خش يمين
هتمشي طوالي لحد ما تخلص محور المريوطية الجديد ...... هينزلك اجباريا عالدائري بس عالقوس التاني بتاعه
هتمشي طوالي ..... هتعدي عالمنيب و كورنيش المعادي (هتعدي عمودي على النيل) و شوية و تلاقي كارفور على يمينك ...... كمل طوالي ..... هتنزل اول فتحة بعد كارفور و دي بعده بحوالي 3 كيلو (بعد كارفور فيه الاكاديمية الحديثة و بعدها البافارية بتاعة bmw ..... كمل ) و تنزل ..... هي دي النزلة اللي تودي حضرتك على طريق السخنة الجديد .....
شكرا يا ابو كمال على الشرح الوافى
يعنى لايوجد اتصال مباشر من نهاية محور المنيب( او بدايته ) مع الطريق الصحراوى ( بص كده على جوجل ايرث الحته اللى باين فيها شغل جارى) او ان الشغل لسه لم ينتهى بعد ؟