يا جماعة عايز اجيب راوتر وايرلس كويس بحيث اقدر اشغل عليه الديسك توب واللاب توب والموبايل في نفس الوقت ياتري حد عنده فكرة عن الانواع والاسعار ايه؟
عندي راوتر d link ممكن ابيعه بكم تقريبا؟هو استعمال 8 اشهر وبحالته ؟
عرض للطباعة
يا جماعة عايز اجيب راوتر وايرلس كويس بحيث اقدر اشغل عليه الديسك توب واللاب توب والموبايل في نفس الوقت ياتري حد عنده فكرة عن الانواع والاسعار ايه؟
عندي راوتر d link ممكن ابيعه بكم تقريبا؟هو استعمال 8 اشهر وبحالته ؟
بالنسبه للروتر الوايرلس في كذا نوع موجودين افضلهم مين حيث الجوده والاشاره هوا الـ 3Com وسعره 370 جنيه تقريبا وفي انواع تانيه زي LinkSys و D-Link و TP-Link بأسعار مختلفه اقل من سعر الـ 3Com
بالنسبه للروتر اللي عند حضرتك يتباع من 70 - 90 جنيه تقريبا
انا عندى zhone
بس مشاء الله حلو جدا بس انا كنت جايبه مع الاشتراك بتاع النت يعنى لما جيت اقدم فى النت
بس معرفش الى عندك يعملوا كام
فيه الراوتر بتاع اتصالات ممكن تشتريه لوحده من غير ما تشترك، هو تمنه 200 جنيه وفيه كل الإمكانيات ونوعه zte
انامعايا net Gear بقالي سنه ونص بيشتغل من غير مافصله
بصراحه حمار شغل
عندي كريتيف creative ماشاء الله كويس جدا
فيه 4 مخارج وشغاله عليه ويرلس كويس جدا بكذا جهاز في البيت
كان سعره حوالي 300 جنيه
مظبوط فعلاًاقتباس:
بالنسبه للروتر الوايرلس في كذا نوع موجودين افضلهم مين حيث الجوده والاشاره هوا الـ 3Com وسعره 370 جنيه تقريبا وفي انواع تانيه زي LinkSys و D-Link و TP-Link بأسعار مختلفه اقل من سعر الـ 3Com
انا معايا linksys كويس جداً و إشارته كويس لكن 3COM افضل و مش بيفصل بسهولة حتى لو النت وحش(كلام صديق)
الف شكر ليكم يا جماعة
معايا LinkSys و ممتاز .. 4 مخارج و اشارته جيدة جدا مع الاب توب بس ماجربتوش على الموبايل
بصفتى متخصص... انا ارشحلك اى منتج من منتجات Linksys لانها مبنية على انظمة سيسكو للشبكات
انا عندى netgear كنت جايباه من اكتر من سنة ب 400 ، مبفصلوش خالص و الحمد لله ممتاز
جزاكم الله خيرا جميعا
انا عندي Linksys و NetGear
بس ال NetGear عمهم .......اكتر options و احسن Stability و احسن قوة اشارة في الوايرلس و السابورت بتاعهم رائع
كان عندى ثرى كوم وبقى الويرلس بيقطع كتير بعد استخدام 4 شهور
ولازم افصله 10 دقائق علشان يرجع يشتغل ساعة .... واستبدلته فى الضمان
ورجع تانى لنفس الحكاية ... خلصت منه وجبت نت جير
طيب يا شباب ايه اقصي مدي ممكن يجيبه الراوتر
في حدود كام متر كده؟
الموضوع بقاله كتير
انا اشتريت نت جير 4 بورت dg834g
من حوالي شهر ونص والحمد لله شغال تمام
هو تعبني في الاول خصوصا الوايرلس علي اللاب توب والموبيل بس شغال تمام ولله الحمد
اخيرا شغلت النت علي الموبايل من غير ما الرصيد يخلص
الوايرلس بيلقط كويس في محيط الشقة
السعر حوالي 405 وضمان سنة
الاصلي بييجي معاه اتنين حامل بيوقفوا الراوتر علي اي سطح بحيث الانتينا تبقي لفوق اما المضروب فما فيهوش الجزئية دي
شكرا لكل اللي ساعد في الموضوع
انا عندى ال DG834G v4 يا استاذ كمال
اعمله ابجريد ازاى
نزل الملف ده
ftp://downloads.netgear.com/files/DG834Gv4_V5.01.14.img
و بعدها خش عالصفحة بتاعة الراوتر و دور عالشمال عالابجريد هتلاقي شاشة ... شاور له عالملف عالكمبيوتر عندك مكانه فين و توكل على الله
[warning]لا ينصح باجراء الابجريد عبر الوايرلس .... يفضل ان الكمبيوتر يكون واصل بالراوتر بالكابل[/warning]
[warning]للاعضاء الاخرين .... تأكد ان الراوتر بتاعك DG834G V4 .... لو ال V بعدها رقم غير 4 ما تنزلش الملف ده و بلغني و انا اجيب لك لينك الفيرجن بتاعك[/warning]
تم بنجاح
الف شكر لحضرتك
net Gear ملهوش حل بجد راوتر محترم عندي اتنين والاتنين مفيش مشكله منهم ابد ولا تعليق ولا اي حركات زباله بس سعره غالي شويه 360 جندي
الابجريد عادة بيبقى فيه حلول لمشاكل بتاثر على الكونكشن مع ال DSL او الوايرلس و عادة بيفيد
بالنسبة لحضرتك الابجريد موجود في اللينك ده مع اتباع نفس التعليمات اللي كتبتها في البوست السابق لابجريد ال v4 مع اختلاف الملف فقط:
ftp://downloads.netgear.com/files/DG834V3_V4.01.40.zip
و ماتخافش الاعدادات و كلمة السر مش هيطيروا .... و لو قلقان و عاوز تاخد منهم باكب تقدر ترجع بيه كل اعداداتك بلمسة واحدة خش على صفحة الراوتر و عالشمال هتلاقي حاجة اسمها Backup Settings تحفظ بيها نسخة كاملة من اعداداتك في ملف عالكمبيوتر ......
مش مستاهل لانه لو مش وايرلس سعره اصلا مستعمل ما يجيبش 100 جنيه .... ممكن تصرف اكتر منهم تصليح .....
+111111111111111111111111111111111111
نت جير عمره ما عمل معايا او مع اي حد جبتهوله و ركبتهوله الدنيئة نهائيا
شكرا جزيلااقتباس:
الابجريد عادة بيبقى فيه حلول لمشاكل بتاثر على الكونكشن مع ال dsl او الوايرلس و عادة بيفيد
بالنسبة لحضرتك الابجريد موجود في اللينك ده مع اتباع نفس التعليمات اللي كتبتها في البوست السابق لابجريد ال v4 مع اختلاف الملف فقط:
ftp://downloads.netgear.com/files/dg834v3_v4.01.40.zip
و ماتخافش الاعدادات و كلمة السر مش هيطيروا .... و لو قلقان و عاوز تاخد منهم باكب تقدر ترجع بيه كل اعداداتك بلمسة واحدة خش على صفحة الراوتر و عالشمال هتلاقي حاجة اسمها backup settings تحفظ بيها نسخة كاملة من اعداداتك في ملف عالكمبيوتر ......
جاري التجربة
طيب يا جماعه انا موصل انا وابن خالتي وللاسف جبت روتر عادي المهم انا عايز اجيب روتر وايرلس بس في مشكله ان انا في الدور ال11 وابن خالتي في الدور ال9 يعني في بينا دور هل ابن خالتي هيلقط اشاره كوويسه ولا هيبقى ضعيفه عنده
وفيه حل تاني بفكر فيه هو فيه سويتش وايرلس بحيث اجيبه عندي انا في الشقه واريح دماغي ولا ما ينفعش ؟
بصراحه الموضوع افادنى جدا
شكرا لمساهمتكم المخلصه والفعاله