هوا بالشخص ولا الظروف؟؟..يعني المخ ولا العضلات..؟؟!!

**نور القمر** · 30-08-2009 11:42 PM

يا بنتي يا حبيبتي الحب ده بيتولد في قلب للانسان بدون اسباب معينة
ممكن يكون في شابين توأم وزي بعض حتى في طباعهم وميولهم وتلاقي واحدة تحب ده وده لأ ... هتقوليلي اشمعنه ده
هقولك هو كدة .. ربنا خلق حب في قلبها للشخص ده .. في كيمياء معينة ربطت بين قلوبهم ... في شيء خفي غير ملموس ربط بينهم
كد يعني افهمي انتي بقه المقصود

**icehearted girl** · 30-08-2009 11:55 PM

المشاركة الأصلية كتبت بواسطة نور القمر

يا بنتي يا حبيبتي الحب ده بيتولد في قلب للانسان بدون اسباب معينة
ممكن يكون في شابين توأم وزي بعض حتى في طباعهم وميولهم وتلاقي واحدة تحب ده وده لأ ... هتقوليلي اشمعنه ده
هقولك هو كدة .. ربنا خلق حب في قلبها للشخص ده .. في كيمياء معينة ربطت بين قلوبهم ... في شيء خفي غير ملموس ربط بينهم
كد يعني افهمي انتي بقه المقصود

فهماكي يانور والله

ممكن كمان تبقي الناس كلها بتشكر في واحد من التوأم دول لكن هي تحب الآخر

مش علشان مراية الحب عامية زي مبيقولوا

لاداعلشان الل بيحب حدبيشوف فيه صفات محدش غيره يقدر يشوفها

كيميا بقي احياء مش هتفرق

**نور القمر** · 31-08-2009 01:06 AM

المشاركة الأصلية كتبت بواسطة Nile_Storm

و الله ياسيد girl :) :) :)

ههههههههههههههههههههههه

**WalidAdel** · 31-08-2009 03:21 AM

الموضوع فكرني بالظبط بموضوع حصلي
وهو باختصار اني اتقدمت لواحده مش مستعده نفسيا انها تتخطب فكان صعب عليها انها توافق فالموضوع اتفشكل و قولت الحمد لله علي كل حال

كلام حضرتك فكرني بالموضوع دا اوي و بالذات حتة الاستعداد النفسي دي او انه يكون مهيا نفسيا للحب للطرفين طبعا علشان محدش يظلم التاني معاه لان لو طرف فيهم مش مستعد هاييجي في لحظه و يقول انا مش مستعد للحب او مش مستعده لاي خطوه و هاتبقي صدمه للطرف الاخر زي اللي حصلي بالظبط

و عموما محدش بيعرف ان الطرف الاخر بيحبوا ولا لأ علي اساس انهم لازم يبقي تقيييل و هكذا من الكلام اللي لايودي ولايجييب دا و لما تتجرأ وتاخد خطوه تقولك انا مش مستعده

و بالنسبه للظروف طبعا عامل مهم جدا في العلاقه بس الظرووووف كتييييييير اوي و كلها مهمه اوي بس للاسف موثره اوي و نادرا مايتغاضي عنها لاننا لو تغاضينا عنها هايبقي لوقت قصير و هاييجي الوقت اللي الظرووووف تخنقنا فيييييه و بردوا هانفشل

معلش طولت و ارجو ا يكون كلامي اللي حضرتك قصداه من الموضوع

**Bob2009** · 31-08-2009 03:39 AM

بس اصلا الحب ملهوش اى علاقه بالمكان ولا الزمان يعنى ممكن يكون مكان الواحد مش بيحبه ويحب فيه انسان مش شرط انه يكون مكان انا بحبه على شان احب حد.

مثال انا بحب واحده من ايام ما كنت فى المدرسه وانا كنت بكره حاجه اسمها مدرسه وكانت الناس كلها فكره انه حب مرهقه رغم ان هى كانت شكلها عادى جدا ومش جميله ولا فيها حاجه تشد اى شخص بس لقيت نفسى بحبها وخلاص حبتها ازى او ليه مش عارف رغم انى بسئل نفسى كتير السؤال ده ومش لقى ليه اجابه ولسه لغيه النهرده بحبها رغم انى معرفش عنها اى حاجه عادى جدا.

**Terrible_DaRsH** · 31-08-2009 03:45 AM

اهم حاجة توفيق ربنا , لا اللى لابسة محزق ولا اللى شعرها مترين ولا ام عيون 7 الوان .

ممكن بعد ما تختار كل المواصفات تطلع بعد الجواز ( قرعة ) زى البطيخة :)

بس على فكرة يا جماعة , للحب وقته .

يعنة مينفعش حد يتنيل و يحب و هو لسه قدامه مشواااااااار طويل فى حياته و ييجى فى الاخر يقول اصل النصيب و مش عارف ايه , ولا واحدة كل يوم تحب زميلها اللى جمبها فى المحاضرة و تيجى تقول اصل النصيب و لا ميدو لما يغير الاستبن لمنى يرجع و يقول نصيب .

العقل + الدين + الوقت المناسب = نــصــف الدين , مش ديسكو و سينما و كوزين ذرة .

( معذرةً لو خرجت بره الموضوع )

**M.Osman** · 31-08-2009 03:50 AM

العقل + الدين + الوقت المناسب = نــصــف الدين , مش ديسكو و سينما و كوزين ذرة .

باشا و الله!

**Bob2009** · 31-08-2009 03:59 AM

المشاركة الأصلية كتبت بواسطة terrible_darsh

اهم حاجة توفيق ربنا , لا اللى لابسة محزق ولا اللى شعرها مترين ولا ام عيون 7 الوان .

ممكن بعد ما تختار كل المواصفات تطلع بعد الجواز ( قرعة ) زى البطيخة :)

بس على فكرة يا جماعة , للحب وقته .

يعنة مينفعش حد يتنيل و يحب و هو لسه قدامه مشواااااااار طويل فى حياته و ييجى فى الاخر يقول اصل النصيب و مش عارف ايه , ولا واحدة كل يوم تحب زميلها اللى جمبها فى المحاضرة و تيجى تقول اصل النصيب و لا ميدو لما يغير الاستبن لمنى يرجع و يقول نصيب .

العقل + الدين + الوقت المناسب = نــصــف الدين , مش ديسكو و سينما و كوزين ذرة .

( معذرةً لو خرجت بره الموضوع )

عندك حق فى كل الى حضرتك قولت عليه

بس الحب عموما محدش بيعرف يتحكم فيه على شان الحب الى بجد مش بيكون حب شكل يعنى مثلا مش وحده شكلها حلو احبها الكلام ده مش حب حقيقى او من القلب ده حب اى كلام.

عموما الحب الحقيقى مش بيعرف شكل ولا ليه معاد ولا حد بيعرف يتحكم فيه