الموضوع: عاجل: كنت عاوز اعرف موقع لاسعار السيارات في السعودية

المشاركة الأصلية كتبت بواسطة osoliman88

بص يا جميل أنا المفروض مسافر الاسبوع القادم للرياض للعمل هناك لمدة سنة مبدئيا وربما يحصل تجديد وربما لا

المهم أنا محتار في البداية هل أشتري ولا أقضيها تكسيات وخلاص ، وإن أشتريت مش عارف أشتري جديد ولا قديم وما هو نوع السيارة المناسبة خاصة أن الميزانية للقديم من 15000 الى 20000 ريال ، وميزانية الجديدة 35000 الى 40000 ريال

فأرجو النصحية لو كان لك خبرة بالحياة في السعودية

انا لسه واصل هنا من حوال 3 شهور ، و كنت بمر بنفس التجربة و ربنا اكرمني و جبت Seat Leon موديل 2009 كسر زيرو ماشية 33،000 كيلو اشتريتها من التوكيل بدون مقدم ولا دفعة مؤخرة.

و كمان شوفت زملائي كلهم المروا بتجارب شبيهه.

انا بانصح بالجديد لأن استهلاك العربيات هنا عالي جدا بسبب السرعات و المسافات البيتمشي فيها، فأنصحك تجيب جديد و ممكن تقسط علي سنتين او 3 مش هتحس بالقسط، و بدون مقدم كمان.

لو مصر تجيب مستعمل اوعي تجيب حاجة كوري، الكوري هنا سنة و بيفيس بسبب الظروف الشاقة محتاج عربية ياباني او الماني او امريكاني.

و أمرني و انا تحت امرك انا دلوقتي عارف السوق كويس. و بالنسبة لأنك سنة و راجع كلهم بيقولو كده في الاول و انا كمان كنت بقول كده بس البيجي هنا مبيرجعش قبل علي الاقل 3 سنين.

المشاركة الأصلية كتبت بواسطة osoliman88

شكرا يا أبو عبده على المعلومات الطيبة
وأنت كمات لفت نظري لفتح موضوع جديد بشأن الخبرة عن المعيشة في السعودية
وسوف أرسل لك رابط هذا الموضوع
شكرا مرة أخرى يا أستاذ عبد الرحمن

اي خدمة يا استاذنا، عشان موضوع إن سعر الجديد بينزل بسرعة، انا انصحك تشتري كسر زيرو موديل نفس السنة زي مانا عملت، ماشية 30،000 كيلو ساعات بتلاقي 10،000 كيلو حتي و الكسر زيرو هنا كتير جدا معرفش ليه الناس بتجيب العربيات و تبعها بعد 10،000 كيلو، و بكده تبقي اخدت عربية جديدة و نزلت نزلت السعر الكبيرة بتاعت الزيرو مستعمل.

و تجربتي انا إن الكوري مبينفعش هنا، عندي 3 زملائي كانو واخدين الشيفورلية الإبيكا حصلهم مشاكل، واحد منهم واخدها ماشية سنة واحدة ، عايزة تغيير مساعدين و كومبرسور، تخيل في سنة مساعدين و كومبريسور و في عربية كبيرة 2000 سي سي زي دي. و مشاكل تانية كتبيير بقي، الكوري هنا مش معمر خالص لأن ظروف السواقة هنا غير مصر خالص هنا معظم سواقتك بتبقي فوق ال80 معظم الوقت و ده طبعا بيحمل علي كل اجزاء العربية ده غير إن المسافات شاسعة جدا يعني انا في شهر واحد ممكن اعمل 2000 - 2500 كم

و بالنسبة لموضوع المعيشة في السعودية، ده موضوع ممتاز انا كنت بفكر في بقالي فترة إن نجمع بعضنا العاشين في السعودية و ممكن نبقي نتقابل هنا و نتبادل خبرات.

المشاركة الأصلية كتبت بواسطة osoliman88

أنا موافق تماما على هذه الفكرة
بل ممكن نطلب من إدارة المنتدى عمل منتدى فرعي للمنتدى الاجتماعي بإسم < المصريون في الخارج>
لتبادل الأفكار والخبرات في جميع البلاد التي يعيش فيها المصريين

إذا نداء عاجل لإدارة المنتدى بتنفيذ هذا الطلب
ونحن في إنتظار الرد

شكرا مرة تالتة يا أبو الأفكار يا أستاذ عبد الرحمن أسامة

:b4_388:

ممتاز و انا بضم صوتي لصوتك، اي خدمه.
بس متهيألي لازم نبداء موضوع بالطلب ده عشان ممكن الإدارة متشوفش الموضوع ده.

المشاركة الأصلية كتبت بواسطة qamar

و انا كمان في الرياض. بس الأكسنت أولا 1600 ثانيا هي تمنها 33000 موديل 2009 في الوعلان و موديل 2010 37000
عندك نيسان تيدا 2008 هاتش باك ببس مش هاتنزلها مصر. سعرها 40000 عند الحمراني ايجار منتهي بالتمليك.
أما لو عاوز حاجة تنزلها مصر فالوحيد اللي بيعمل تقسيط بيع مش ايجار هو شركة اليسر و لهم فروع داخل كل شركة تقريبا حتى جوة الوعلان
و عندهم برنامج للمصريين فقط

في كمان اوتو ستار بيعمل تقسيط، و عندو معظم انواع السيارات.

انا اشتريت من توكيل سيات مباشرة بنظام الايجار المنتهي بالتمليك و قلولي انهم هيكتبوها بأسمي في الاخر و بكده اقدر انزلها، بس بعد كده قابلت ناس قالولي مش هتقدر تنزلها و ناس قالولي لا عادي ، لو كتبوك المالك الاول زي ما قالو.

مش عارف بقي ربنا يستر حد عندو تجربة في الموضوع ده؟