اللوجان بلمبة مارشدير واحده !!

**Ahmed A Rahman** · 01-09-2009 06:19 AM

المشاركة الأصلية كتبت بواسطة ringoo

حمادة انت باين عليك بتهزر يائما الصيام عمل شغلوا فى اول اليوم

اللى فى الاكصدام تحت

والشمال بس هى اللى بتنور
انا معاك للصبح مش حسيبك غير لما تهرش الحوار دة

يا باشا انا عاجز عن الشكر

والله مش بهرز انا بس مش عارف رغم ان السحور مكانش فيه فول مش عارف فعلا مستوى الذكاء النهارده عالي كده ليه

آخر سؤال وبعد كده حسيبك تنام

ومن غير ضرب

المكان اللي في الفانوس الشمال (الحتة التحتانية) اللي هي منوره ابيض في اليمين ده بينور احمر امتى
عند الفرامل؟؟؟؟

**Ahmed A Rahman** · 01-09-2009 08:49 AM

وفعلا الفانوس دة بينور احمر فى حالة الفرامل

مش قلت لك بفهمها وهي طايره

فعلا انت كده وضحت لي الصورة لاني قريت صفحتين من المشاركه دي والناس عماله ترد على بعض وانا مكنتش فاهم حاجه

على فكرة شكلنا انا وانت حنضرب لما الوحوش يصحوا
ويشوفوا اللى احنا عملينوا فة منتدى الرينو حيقيموا علينا الحد

متخافش انا حقولهم فيه حاجه رينجو مكانش فاهمها وانا كنت بفهمهاله

شفت آخر الجدعنة !!!!

**Col. Eng. Khaled** · 06-09-2009 10:28 PM

التوفير إللي حضرتك تقصده بالنسبة للمارشدير و لّا الفوج ؟

غالبية الأوروبي لمبة الفوج الخلفية بتكون واحدة بس في الفانوس الشمال

بالنسبة للمبة المارشدير ، أعتقد كل العربيات الفولكس كده برضه .

**Eng.Geo** · 08-09-2009 02:19 PM

[caution]تنبيه بمخالفة القاعدة رقم 6 بند ب
ممنوع الكتابة بالفرانكو أراب
الرجاء مراجعة قوانين المنتدى
____________________
مشرف رينو[/caution]

**MMamdouh** · 08-09-2009 02:32 PM

يا جماعة الموضوع مش توفير خالص

اللوجان دى عربية بمواصفات اوروبى بالتالى لازم يبقى فيها لمبة فوج خلفية و غالبا ما بيبقى فانوس من الاتنين فيه لمبة مرشدير و التانى فية لمبة فوج خلفية عشان ظروف القيادة فى الضباب و خلافة

احنا فى مصر معندناش مواصفات مصرية بالتالى اى عربية من اى حتة بتدخل عادى لكن فى الدول المحترمة بيبقى ليهم مواصفات معينة لازم تكون متوفرة فى العربية عشان تدخل السوق...

بالتالى طالما مصر ملهاش اشتراطات بخصوص وجود لمبتين مرشدير مش واحدة او وجود لمبات ضباب خلفية من عدمة يبقى الامر طبيعى و مفيش فيه مشاكل

و دى صورة توضح مثال مشابه... فى كوريا الموضوع دة مش مطلوب بالتالى العربيات الاوروبى فقط هى اللى فيها القصة دى على عكس اللوجان اللى اصلا بتنتج فى اوروبا فا الاصل فيها وجود الخاصية دى

MMamdouh