gen 2
عرض للطباعة
gen 2
العربيتين كويسين .. بس انت اللى تحدد
الجين شكلها احلى فيها عوامل امان ( اية بى اس + اى بى دى + اير باج ) ثباتها اكتر و كماليات اكتر ( طارة مالتى فانكشن ) ... فى المقابل تقفيلها مش مضمون حتى فى الموديلات الجديدة انت و حظك يا طلعت كويسة يا اما ممكن تلاقى نفسك كل اسبوع فى التوكيل بمشكلة شكل .
النيو اكسنت سحبها اجمد و ماتورها انعم و اقوى و موفرة فى البنزين اكتر و بدون مشاكل تقريبا و قطع غيار اكتر و مراكز خدمة اكتر و فى المقابل مفيهاش عوامل الامان .
شوف انت عايز اية و اهم حاجة تركب العربيتين و تشوف انت مرتاح لاية و ربنا يوفقك .
شوف يا سيدي الناس كلهم عمالين يقلولاك الاكسنت ثابته ونسيم ان البور كهربة
الجين 2 لو انت متابع فب برنامجtop gearقالو انها احسن واسبت عربية في نفس فئتها والجين اوسع اقيم كاسي جاميد موتور وحشششششششششششششش مالوش حل شوية تعديلات بسيطة تعفرطها
لو ميفرقش معاك عوامل الامان زى abs والاير باجز هات النيو اكسنت , ولو مش فارق معاك استهلاك البنزين انه يكون عالى هات الجين تو , ولو يفرق معاك خامات التقفيل والخامات الداخلية وجودتها يبقا حتبعد عن الجين تو وخاليك فى النيو اكسنت
اما الماتور لو بتحب اداء وى وتسارع جبار على سرعات عالية خاليك فى الجين تو لو مش همك التسارع والجرى الرهيب يبقا خاليك فى النيو اكسنت ماتور هادى وناعم ومحترم
اما الوسع انا بعتبر الاتنين واحد والشنطة تقريبا الاتنين زى بعض مع ان الجين 2 هاتش بالك بس واسعة من جوة والعربتين بيشتركوا فى ان سمعة التوكيل بتعهم مش حلو
النيو اكسنت لانها كويسه في عمليه اعاده البيع
وده شئ وارد رغم عن الانسان
ممكن تحتاج فلوس في اي وقت
اقولك .. النيو اكسنت ماتورها بيعمل بتقنية cvvt ( التغيير المستمر لتوقيت فتح الصمامات ) التكنولوجيا دى مش فى كل العربيات موجودة فى الاكسنت و الالنترا و النيو سيراتو و فى تويوتا و هوندا تحت اسم v-tec .
التكنولوجيا دى مهمتها تحسين الاداء و التسارع و توفير البنزين .
عشان كدة تلاقى مثلا الفيرنا و الماتركس استهلاكهم عالى بعكس النيو اكسنت و الالنترا .. الجين 2 بردة مفيهاش التكنولوجيا دى فاستهلاكها اعلى فى البنزين .
التكنولوجيا دي موجودة في الجين 2 بس مش اللي بتتباع في مصر و أسمها cps
عموما أستهلاكم البنزين للعربيات ال 1600 كله متقارب جدا
في الجين 2 ......... الإستهلاك ما بين 10 إلى 15 كم لكل لتر بنزين . حسب ظروف القيادة و السرعة .