نيو اكسنت .... الجين 2

**mishoo_22** · 31-08-2009 05:24 AM

يا جماعة انا بجد محتار بين النيو اكسنت والجين2

من حيث الثبات والسرعة واهم حاجة الجمال

يكون شكل العربية جميل من جوة ومن برة

ساعات بشوف الجين2 من جوة وحشة

مش عارف الصراحة قلولى انتم

**tutankhamoun** · 31-08-2009 08:09 AM

الجين 2 وحشة ازاي ؟؟؟
لأن الفرق بين الأثنين مش كبير من جوه .......... الخامات تقريبا واحدة ........ و تابلوه الجين 2 شكله أحلة من تابلوه النيو أكسنت بشهادة ناس كتيرة و ممكن تركب فرش جلد و تغير من الشكل الداخلي اللي مش عاجبك .

بس عموما العربيتين حلوين جدا ......... و كل واحدة لها مميزات عن الأخرى :
مميزات النيو أكسنت
موتور ناعم شوية عن موتور الجين 2 ... و الموتور كمان 112 حصان يعني فرق حصانين عن الجين 2 ........ الأوتوماتيك بتاع النيو أككسنت تسارعه أحسن على السرعات الصغيرة ........ التقفيل مفيهوش مشاكل أو مشاكل قليلة قوي قوي .

مميزات الجين 2
الثبات أعلى من النيو أكسنت
الشكل الخارجي أحلى ( بس دي أذواق ممكن حد غيري يشوف غير كدا )
الكماليات أكتر ...... و كلها حاجات ماركات .... سي دي بيشغل أسطوانات ام بي ثري و راديو محترم ماركة بلاوبونكت ألماني .
أجزاء السيارة من شركات مغذية مشهورة ( نظام فرامل بوش ألماني - ظفيرة الكهرباء ) فتيس من ميتوسبيشي ( مانوال و أوتوماتيك )

بُص من الأخر ...... شوف أنت مرتاح لأيه ....... و أشتريه ....... علشان أهم حاجة الراحة النفسية

**Ghost2** · 31-08-2009 09:10 AM

لا هي الجين تو احسن من النيو اكسنت بس استحمل التوكيل بقه ... وبيني وبينك النيو اكسنت فلوسها كتير عليها بصراحة .. بص كده على نيسان او كيا

**Diaby** · 03-09-2009 04:42 AM

[ALIGN=CENTER][TABLE....="width:100%;background-image:url('http://www.nilemotors.net/Nile/backgrounds/8.gif');background-color:limegreen;border:10px outset silver;"][CELL="filter:;"][ALIGN=center]
النيو اكسنت من غير كلام عربية محترمة وفنفس الوقت شبابية وعائلية وكورى 100% تابلوه شكله جميل اضائته جميلة عدادات شكلها حلو وضوئها مريح تقفيلها والفنش بتاعها حلو ماركة محببة لمعظم المصريين كملياتها كويسة ثباتها حلو سحبها حلو واسعة من الداخل وشنطتها واسعة وربنا يوفقك صلى ركعتين استخارة وتوكل على الله بس النيو اكسنت افضل بغض النظر عن الوكيل انت اول خمس سنين على الاقل وانت هاينها مش حتحت فيها مسمار انت بس فى الصيانات ودى كل فترة
[/ALIGN][/CELL][/TABLE....][/ALIGN]