انتو ناسيين شرم الشيخ يا جماعة . دة زي الساعة . و رجال المرور في منتها الضبط و الربط . و مافيش حاجة اسمها 10 جنية تحت الرخصة. و سواقين الاجرة و الميكروباسات اتعلمو من الاجانب النظام. عقبال بقية المحافظات و الحكومة
عرض للطباعة
انتو ناسيين شرم الشيخ يا جماعة . دة زي الساعة . و رجال المرور في منتها الضبط و الربط . و مافيش حاجة اسمها 10 جنية تحت الرخصة. و سواقين الاجرة و الميكروباسات اتعلمو من الاجانب النظام. عقبال بقية المحافظات و الحكومة
انا كنت داخل أرد عن أستاذ توت بس تقريباَ مكنتش هزود حاجة عن كلام أستاذ طارق وهو وصل الإحساس أحسن .
و زي ما أستاذ طارق قال .. الحتة الزيادة دي لو عند حد فعلاَ مبيبقاش مبسوط بيها ولا بتسيبه في حاله !
فيه فئات في الشارع زي سواقين التاكسي و الميكروباص لا يهمه المرور ولا إن الشارع يمشي ولا البلد ولا العالم كله .. يهمه بس يركب زبون و يعمل وردية .. و يولع أي حد .. و وجود الناس دي سببها حاجات كتير أوي .. و البلد فعلاَ بقت شجرة بوور ..
أستاذ توت اما بيشوف غلط -أعتقد- أنه دائما بتتجسد أمامه الصورة كاملة لمنظومة الفساد و التخلف و الجهل لأن ده اللي بيحصلي دائما .. و دي حاجة مش كويسة خالص و اللي عنده يعرف كدة كويس !
صحيح انا عايز أسأل سؤال .. بالله عليكم مين اللي إختار القاهرة في الإستطلاع يا ناااس !!!؟
واحد صاحبى شغال فى شرم لما بينزل هنا اقسم بالله بيربط الحزام دايما حتى تحت بيتهم خدنى مره يوصلى من بيته لبيتى مسافه حوالى اقل من نص كيلو ومافيهاش ولا حتى عسكرى شطرنج بيقف ولا عربيه شرطه بتعدى ولا الهوا وكان رابط الحزام وبيمشى هادى جدا حتى على اطرق السريعه وملتزم جدا جدا عربيته موديل 2002 قديمه اه بس بسم الله ماشاء الله مش بحسده مافيهاش غير كام خدش قليلين جدا ولما تسأله يقولك فى السيده فى الهرم فى المعادى مافيش حاجه فى شرم ربنا يباركله فيها
شكرا جزيلا يا فندم وانا اللى سعيد انى بتناقش مع شخص محترم ومثقف زيك , ولو مكنش كدا مكنتش من الاول فتحت المناقشه معاك لأنى عارف انك هتتقبلها بصدر رحب
انا زيك بالظبط يا استاذ توت بتنطط جوا العربيه لما بشوف حاجه غلط وانا اساسا عصبى جدا فمقولكش ايه اللى بيحصلى علشان اعمل مشوار ساعه فى الزحمه برجع ولا كانى كنت فى خناقه , الحل مش انى دايما اعيب فى البلد مش هتجيب نتيجه كدا انا بعمل اللى اقدر عليه وده بيسعدنى وبيحسسنى ان البلد من حواليا بتتحسن على الاقل لو هى هتولع بكره الصبح ابقى انا عارف انى عملت اللى عليا , لو التقاطع اللى انا فيه وقف ابقى عارف ان العيب مش منى , لو شوفت واحد واقف بيحارب علشان يطلع من واحد قفل عليه ابقى برده عارف ان العيب مش منى , كدا انا عملت اللى عليا من غير ما اشتم ولا اهاجم , كداب اللى يقول ان البلد منظمه ده مش موجود بس بنقول فيه ناس كتير كويسه والمهم ان باقى الناس تنضم لهم والله عن تجربه ده مش هيحصل غير لما الناس الكويسه اللى هو المفروض الناس المثقفه اللى زينا تظهر فى الشارع دايما بتصرفاتها الصح
هقولك على كلمتين ملخص , واحد صاحبى من فتره وقف فى شارع يعدى عربيه واحد على جنب ومشغل الانتظار علشان يركن فى جنب ومحدش عايز يصبر عليه علشان يرجع يركن , وبعدين فى وسط الزحمه واحد وقف له لغايه ما ركن براحته خالص , صاحبى اتأثر بالموضوع ده جدا ومن يومها واول مره اشوفه يقف فى التقاطعات يستنى الناس واللى بيركن , موقف صغير من حد كويس غيره
وكل سنه وانت بالصحه والسلامه
[marq="3;right;3;scroll"]
الغردقة
الغردقة
الغردقة
الغردقة
الغردقة
الغردقة
الغردقة
الغردقة
[/marq]
أنا رحت أسوان و هناك شفت منظر مشفتوش قبل كده إلا في أوروبا
وهو إن العربيات واقفة في الإشارة الحمرا منتظرينها تفتح مع إن الشوارع فاضيه و رايقه و مفيش عساكر و لا ظباط
بصراحه كنت مستغرب جدا إن في مصر ناس سلوكها حضاري جدا كده , مع العلم إن اللي واقفين دول كان معظمهم سواقين تاكسي !!
اقتباس:
بأشكر الأستاذ هيومان ...... و الأستاذ محمد طه .....و الأستاذ مادو .... بارك الله لكما في ردودكم و أحترامكم لي و لكافة أعضاء المنتدى .
و كل عام و أنتم بخير و ربنا يبارك لكم
لا شكر على واجب يا استاذى توت
ورمضان كريم وكل عام وانت بخير وصحه وسلامه
الشرقيه الشرقيه
الاسماعيلية طبعا