النترا 2009 وصوت فى الشنطة

**top_10group** · 31-08-2009 05:53 PM

اولا كل سنة واعضاء المنتدى طيبين

عندى مشكلة غريبة فى المطبات بسمع صوت خبط ورا غالبا من الشنطة والصوت دة زى ما يكون خبط فى الصاج بس انا مش قادر احدده بالظبط المهم انا فضيت الشنطة خالص وراجعت على الاستبن والعدة و باب الشنطة وهو مقفول مفيش اى حاجة وكله تمام بس لما بمشى بالعربية بسمع الصوت دة فى المطبات الصغيرة او ساعة النزول من على مطب صناعى بسرعة شوية المشكلة دى هتجننى مع العلم العربية عاملة 7500 ك

ارجو الافادة وشكرا

**Samir Elshahawy** · 01-09-2009 02:11 AM

يمكن لما بتنزل من علي المطب بسرعة عالية العربية بتخبط في المطب من تحت , كمان ممكن تشوف كاوتش تعليق الشكمان يمكن واقع و الشكمان من ورا سايب و بيخبط في الجسم من تحت

**som3aa** · 01-09-2009 02:29 PM

على فكرة انا كان عندى الصوت دا ظهر كدا يومين فجاة و اختفى فجاة , انا مش عارف هى كانت حاجة فى شنطة العربية و لا لأ مع انى معتقدش لان حاسس الصوت فى الصاج من تحت من ورا , بس الشنطة كان فيها printer و حاجات كتير فالله اعلم و بعدين انا وديت العربية الصيانة بس مقولتلهمش عليها فمش عارف الصوت راح فى الصيانة و لا راح لما شلت الحاجات , هو فعلا كنت بسمعه بعد ما كنت باخد مطب

**Marwanelbendary** · 01-09-2009 02:34 PM

عندي حل مشكلتك أكيد ان شاء الله لأن الصوت ده كان عندي و عند ناس كتير و حليتهالهم

**Marwanelbendary** · 01-09-2009 02:37 PM

المشاركة الأصلية كتبت بواسطة top_10group

اولا كل سنة واعضاء المنتدى طيبين

عندى مشكلة غريبة فى المطبات بسمع صوت خبط ورا غالبا من الشنطة والصوت دة زى ما يكون خبط فى الصاج بس انا مش قادر احدده بالظبط المهم انا فضيت الشنطة خالص وراجعت على الاستبن والعدة و باب الشنطة وهو مقفول مفيش اى حاجة وكله تمام بس لما بمشى بالعربية بسمع الصوت دة فى المطبات الصغيرة او ساعة النزول من على مطب صناعى بسرعة شوية المشكلة دى هتجننى مع العلم العربية عاملة 7500 ك

ارجو الافادة وشكرا

واحب أقولك ان الصوت دة بيجي مثلا لما يكون في حفرة ماسورة أو كابل بعرض الطريق و تسمع صوت حلل

أو لما يكون في كلكعة بسيطة أو زيادة شوية حتى في الأسفلت....صح؟؟

**top_10group** · 01-09-2009 03:06 PM

شكرا يا جماعة على الردود والاهتمام
وكلام كمظبوط يا استاذ مروان بس الصوت مش صوت حلل يعنى مش معدن هو الصوت ناعم يعنى كأن كابل كهرباء مثلا بيخبط فى الصاج من تحت صوت مكتوم ( زى لما تكون قافل الزجاج وماشى وتدوس على رمل وزلط وتسمعه او تحسه فى العربية من تحت )

**Marwanelbendary** · 01-09-2009 03:11 PM

عارفه
هو بغباوته ولو سؤتهالك هاطلع منها صوت الحلل ده أنا عارف بيجي ازاي, وممكن تكون العملية عندك في أولها و لسه ماوصلتش للحلل

عموما سهل جدا وارهنك ان أي حد بص عليها ياما يقولك كله تمام ومافيش حاجة أو يقولك ده عيب مساعد...صح؟؟

**top_10group** · 01-09-2009 03:17 PM

طب ممكن اكلمك على مروان على التليفون ؟

**Marwanelbendary** · 01-09-2009 03:30 PM

المشاركة الأصلية كتبت بواسطة top_10group

طب ممكن اكلمك على مروان على التليفون ؟

0105454342 يا أهلا بيك تنور و تشرف و في انتظار تليفونك

**som3aa** · 01-09-2009 03:39 PM

ايوه هو صوت حلل فعلا

لو مشكلة يبقى اكيد عملوها فى الصيانة فى التوكيل يبقى اكيد مش علشان كنت حاطط حجات فى الشنطة , بس غريبة لانى مقولتلهمش على الصوت اساسا

انا كان عندى بيجى بعد ما باخد مطب علطول (عمرى ما سمعته غير بعد مطب) بس ملحقش قعد اسبوعين تقريبا و فضيت الشنطة علشان اودى العربية الصيانة و وديتها الصوت راح علشان كدا مكنتش عارف الصوت من الحاجات اللى كانت فى الشنطة و لا حاجة مثلا ربطوها فى الصيانة)

الموضوع: النترا 2009 وصوت فى الشنطة

LinkBack

أدوات الموضوع

عرض

-

-

-

-

-

المواضيع المتشابهه

الفانوس اللى راكب فى الشنطة اتكسر -- النترا 2012

صوت خبط من ناحية الشنطة النترا 2009

مشكلة فى الشنطة .. كورولا 2009

ازاى افتح الشنطة بالريموت(عربية النترا)؟

الكلمات الدلالية لهذا الموضوع

المفضلات

المفضلات

ضوابط المشاركة