مشكور على الرد يا استاذ حسين
بس سمعت ان موتور التميرا يركب على الريجاتا فكنت باعتقد انه بيركب بالفتيس
شكرا على التوضيح
بس السؤال ايه احسن فتيس للريجاتا "عندى الفتيس الكبير"؟
عرض للطباعة
مشكور على الرد يا استاذ حسين
بس سمعت ان موتور التميرا يركب على الريجاتا فكنت باعتقد انه بيركب بالفتيس
شكرا على التوضيح
بس السؤال ايه احسن فتيس للريجاتا "عندى الفتيس الكبير"؟
وحضرتك بخير وربنا يتقبل منا صيامنا وصلاتنا وقيامنا ويضعها فى ميزان حسناتنا جميعاَ بأذن الله
بالنسبة لرجلشة فرامل اليد مش فاكر بصراحة كتبتها فين بس هي كانت متصورة كمان
عموما بكل سهولة حضرتك تنزل عصاية الفتيس خالص .. وترفعها سنة او اتنين فوق
هتلاقى صامولة ف اخر العصاية من تحت صامولة 12 او 8 هتبدء تربط الصامولة شوية وترفع
سنة كمان وتربط لحد ما تتقل معاك .. بس فية نقطة مهمة .. اخبار التيل الخلفي عندك اية ؟
لان لو التيل حصل لة تأكل كتير يبقى اللى حضرتك هتعملة ملوش اي قيمة وهيكون مسكن للايام فقط
فأكشف على حالة التيل عندك اكيد حصلة تأكل وقرب يخلص واحتمال تغيرة
بالنسبة للفرامل .. انا عملت عمرة فرامل كاملة من الالف للياء لاني سوقتها اكتر من مرة بدون نقطة زيت !! بدون فرامل نهائى وكنت بقف بفرامل اليد .. بالنسبة لمشكلة حضرتك لازم تعرف التهريب منين بالظبط
عن طريق انك ترفع العربية وتشوف فية علامة زيت على اي جنط من جوة يبقى خرطوم من الخراطيم
مقطوعة ودى حصلت معايا ... لازم تلاقى علامة .. يأما حضرتك هتلاقى تسريب من عند الماستر العمومي ودى بتحصل كتير ... او احد مساتر العجل .. وبالتالى يفضل حضرتك تروح عند حد بتاع " فرامل ودبرياج "
مش ميكانيكي .. خلي بالك .. فية محلات متخصصة فرامل ودبرياج بس صنيعية فاهمين ف الجزء دة بس
لان الميكانيكي مش عندة كل الادوات اللى عندهم .. هو هيكشف على كل العجل وهيقول لحضرتك العيب
بالنسبة لمدي فاعلية الزيت .. فالموضوع دة ينطبق فى حالة ان الزيت بقالة اكتر من سنتين ف العربية ومعتقدش ان دة حصل .. فى الحالة دى الزيت بيفقد فاعليتة .. دي مستبعدة خالص .. وموضوع التغيير والحقنة مش مستحب لانة ممكن يدخل هوا بالخطأ لدورة الفرامل .. بالنسبة للكشف على الماستر
لازم يكون بشكل عيني ... يتفك ويتبص ع الكاوتش بتاعة .. بس هقول لحضرتك على فكرة بسيطة تكشف بيها
خلي العربية واقفة مش دايرة واكبس فرامل للاخر كتير .. بعد كدة دور العربية واكبس فرامل اكتر من مرة
وانزل بص على الماستر العمومي شوف هل فية اي تسريب على صدر العربية ؟ هتلاقية معلم باردو ع الفتيس تارك اثار لة على صدر السيارة والفتيس .. ايضا .. شوف هل نقصت علبة الزيت ولو حاجة بسيطة ؟
فى حالة انك لم تجد اي اثر فى صدر السيارة يبقى فية خرطوم من الخرطيم متشققة وبتسرب زيت وهتلاقي اثار لها ع الارض او ع الماستر الخاص بكل عجلة .. او جوة الجنط نفسة ودي محتاجة حد ينزل تحت العربية يكشف .. ان شاء الله خير وتبقى تطمنا اخي وصديقي العزيز :)
لو حضرتك متأكد ان البطارية تمام ومش بتكون نايمة والمارش بيلف عادي خالص بكل قوتة
يبقى المتهم هو الكاربراتير .. الباب بتاع الكربراتير بيفضل مفتوح على اخرة وبالتالى البنزين بيطير من جواة
فلما حضرتك بدور العربية مش بيلاقي بنزين لحد ما الرداخ يلف ويبدء يملي الفلتر
ايضاَ .. الرداخ المفروض ميرجعش البنزين لة مرة اخري وهذا يدل على ضعف بالرداخ
يعنى المشكلة الاساسية والاولي : كربراتير ... مشكلة تانية ومساعدة للموضوع رداخ
ورأيي انك تتجاهل الموضوع لانك هتصرف ع الفاضى ومش هتوصل لحل مرضى
حضرتك حضر لها قبل ما تدور وبس
انا غيرت لمبة الساعة الديجتال الخاصة بصالون الريجاتا
اللمبة كانت اتحرقت بقالها اسبوعين مستحملتش شكلها بصراحة
المهم غيرت اللمبة وحبيت افكها ابص بصة وعدلت لونها خليتة ازرق زي لون العربية :) والصالون ازرق والطارة زرقا
الحياة بقى لونها ازرق :))) .. لقيت فكرتها جميلة جداَ وسهلة جداَ
اللى عندة اي ساعة ديجتال ريجاتا عطلانة يقولي هقولة ازاي يصلحها او اعملها لة
بس بشرط
تكون البوردة اللى جوة مش محروقة تكون سليمة .. بس كدة :)
السلام عليكم
فى حد يعرف ثمن بدلات الدبرياج والفرامل بكام
ياجماعة حد شاف عربية ريجاتا super comfort بتنزل بباور وهى على فكرة 1500 مش 1600 وشوفتها امبارح راكب على الشمال ورا الردياتير على طول الموضوع دخل دماغى وقولت اركب الباور وكنت عايز اخد راى الناس
انا غيرت الردياتير عشان المروحة طلعت كويسة
بس لقيت الردياتير النحاس غالى فجبت الامونيوم والراجل قالى الريجاتا بتنزل بالردياتير الالمونيوم
وجبتو ب 400 ج ومصنعية 50 واخد القديم ب 50
وبعد كدة ظبط الموشر بتاع الحرارة عشان كان مهيس
والان النتيجة جيدة الحمد لله مبجبش ال 90 حرارة
فهل الرديداتير دة كويس ولة اية؟