أنا عاشق للسياره الرائعه فيات ريجاتا.وشايف انها مش واخده حقها..ليه ما يكونش فيه رابطه لمالكي وعشاق ريجاتا لتبادل الآراء والخبرات
عرض للطباعة
أنا عاشق للسياره الرائعه فيات ريجاتا.وشايف انها مش واخده حقها..ليه ما يكونش فيه رابطه لمالكي وعشاق ريجاتا لتبادل الآراء والخبرات
أنا معاك و يا ريت كل اللى معاهم العربية يشاركونا و خحاول ألم كل المواضيع المتعلقة بالسيارة
http://www.nilemotors.net/Nile/90495-a.html
http://www.nilemotors.net/Nile/86131-a.html
http://www.nilemotors.net/Nile/85845-a.html
الله اعلم ليه مفيش حاجات كثيره عن الريجاتا
يمكن لان عدد ملاك الريجاتا قليلين شويه فى المنتدى
و يمكن لان مشاكلها مش كثيرة زى مشاكل الـ 128 مثلا فبالتالى مفيش عنها موضوعات كثيرة
عموماً شكرا على الفكره
و كل سنه و انت طيب
[frame="9 10"]
الف مبروك على انشاء الرابطة
الريجاتا عربية محترمة و تعتبر من العربيات الى عملت نقلة لشركة فيات
ظهورها فى مصر كان قوى و مميز جدا
بس كان العيب فيها ان اسعار قطع غيارها كان مبالغ فية جدا وقتها
المهم مع اعتدال اسعار قطع الغيار و نجاح الشكل وقوة و تسارع العربية مع قلة المشاكل
غير المميزات و الاضافات الى نزلت بيها العربية كان من اسباب نجاح العربية
الف مبروك على الرابطة و بالتوفيق بعون اللة
[/frame]
الريجاتا دى عربية 100 100 و انا منساش انى غيرت المساعدين الخلفيين لاول مرة بعد 14 سنة جرى و مطبات
انا من مالكى الريجاتا موديل 88
ولسه شاديدها مكملتش شهر وكنت عاوز احببكم فيها زياده
علشان كده هبقى ازفعلكم صوؤها قبل وبعد التظبيط
السلام عليكم ورحمه الله وبركاته
انا والحمد لله اصبحت من رابطه السيارة الريجاتا بقالها معايا حوالى 15 يوم والحمد لله كويسه جدا معى على الطريق
واتمنى الجديد عن هذه السيارة سواء الاسعار لقطع غيارها الحالية
او طرق حل مشاكلها المبدئية عن طريق مستخدمى هذه السيارة
هل يعلم أحد ما سعر عمة الزيت الخاصة بالريجاتا وأماكن الشراء؟
السلام عليكم ورحمه الله وبركاته
رابط منقول لكتالوج ريجاتا باللغه الاسبانية
http://www.nilemotors.net/Nile/103039-fiat-regatta.html
رابط لبيان لمعرفه بعض مؤشرات الطابلوة الخاص للريجات
http://www.nilemotors.net/Nile/101092-a.html
فعلا يا استاذ احمد الريجاتا من العربيات المحترمة والمعمرة و لو حطيت فيها الحاجات الصح هتديك نتيجة كويسة
ياريت يا أستاذ احمد والله انا كنت بدور على النت على رابطة لمحبي الريجاتا ومالقيش ولا نتيجة مع ان الريجاتا احسن من عربيات كتير في وقتها ويمكن دلوقتي كمان
واتمنى ان الرابطة تتعمل وانا معاكم يا رجالة في احلى رابطة للفيات.
والسلام عليكم:120105~352:
انا إسمى أحمد
انا لسة بايع عربيتى ال127
وعايز اشترى عربية كنت عايز اشترى ريجاتا لو حد أمامة وحد كويسة يئولى
وشكرا
اعمل زى وانت انشاء تجد سيارة نظيفه لاذن الله
ادخل وتابع يوميا على اعلانات مصراوى وخصوصا السيارات بتنزل اعلانات بيع ريجاتا
وقبل ماتنزل وتعاين فى موضوع فى هذا المنتدى خاص بازاى تقدر تفحص سيارة مستعمله لوحدك وتقيمها كمان قبل ان ترفعها فى بنزينة افادنى كتير فى تقيمى لسيارتى الحاليه
واهم من ذلك تحدد متطلباتك يعنى انت معك كام وتشوف يجيبوا لك ريجاتا موديل كام وبتكيف ولا لا
السلام عليكم
انا احمد عضو جديد و من مالكي ريجاتا 89
عايز اقول حاجه مهمه جدا اللي عندو مشكله في تابلوه الريجاتا انا عرفت واحد بيصبه فايبر بس واد مجرم عامللي التابلوه و لا بتاع الفابريكا بيتكلف كله 300 ج و 60 ج كسائه جلد و يرجع و لا الجديد
والله كويس جدا
كمل جميلك وضع عنوانه ورقم الموبيل بتاعه ليستفاد منه الجميع
واتمنى من اعضاء رابطه ومحبى الريجاتا اللى اشتروا أى قطعه غيار فى السيارة ان يذكر سعرها وتاريخ شراءها والعنوان اللى اشتراها منه
بالنسبه لى
ان غيرت وشاش الفوانيس الخلفيه من اسبوعين من التوفيقية ب 50 جنيه يمين وشمال طبعا انا اشترتهم من المول اللى فى التوفيقية وليس المحلات اللى تحت اسعارهم اغلى الوش الواحد عندهم مابين 30 و35 جنبه
شكرا لجميع الاعضاء
انا لسه مجدد العربية وهي نوفا دي قايمة الاسعار الحاجات اللي اشترتها
كبوت استيراد 350
اسكاترة استيراد 225
جلب خلفية يوغسلافي اصلي الواحدة ب6 جنيه
مساعد خلفي استيراد ب100
مارش 180
كونتاك ب 100
بلي دينامو ب 50 للبليتين
فانوسين امامي استيراد 200للواحد
سير كاتينة ب45
وش فانوس ورا 25
البلاستيكة اللي المساحات بتتثبت عليها استيراد ب40
لمبتين اوسرام 200\260الماني 50جنيه للاتنين بس اضائة قوية والله ما شاء الله
امبارح غيرت قاعدة الفتيس ب 35 جنيه و30 جنيه مصنعية
اخوانى الريجاتاوية
عندى مشكله عن سحب السيارة بدل يقل واستهلاك الوقود بدأ يزيد
عندما فعلت الاتى
غيرت فلتر وحولت من وقود 90 الى 80 واضفت مياه خضراء فى الريداتير علشان يقاوم الصداء هكذا اشاروا على زملاءى بالعمل ومن ساعتها
مش عارف السبب
الغوث ياهل الرابطه
شكرا لمداخلتك بس سؤال ايه هي قاعجة الفتيس دي ؟ وغيرتها ليه ؟
انا ملاحظ عندي صوت الفتيس لما اجي احكها بقا عالي وبحس انها مخلعة رحت للميكانيكي قالي دي مشاغل الفتيس بس انا مش عارف صح ولا غلط ؟
ولو صح مشاغل الفتيس بتتباع فين وبكام؟
ياريت اللي عارف ما يبخلش علينا بكلمه وهندعيله ان شاء الله:36_3_10[1]:
انشاء الله هظبط كهرباء واغير طقم البوجيهات وهخبركم بالنتيجه قريبا
لى سؤال تانى
هل تشغيل التكيف ممكن يأثر على سحب السيارة لانى نسيت اخبركم لانى مبشغلوش كتير الا فى التجربه فقط
شكرا لاخوانا المشاركين فى الحوار
انا طبعا مش ايه هي قاعدة الفتيس بس الفتيس عندي كان بيخبط جامد بعد لما اخد الغيار والعصاية بتتحرك مع الخبطه فالميكانيكي لما فكه قاللي ان قاعدة الفتيس بايظه وغيرتها زي ماقلت سابقا والخبط بطل وكله تمام
وكمان رحت للميكانيكي تاني كان الفتيس عندي خشن في الغيار ومش محكوم قام عمل حاجه انا مش عارفها عند الخراط ورفع الدبرياج والفتيس اصبح محكوم جدا وناعم وسحب العربيه زاد جدا .
عذرا
على قكرة انا معرفش يعنى ايه اسكاترا ومكانها فين فى عربيتى الريجاتا
اتمنى توضيحا لى
انشاء الله هجيب لكم أى شىء اصادفه عن الريجاتا للاستفاده لى ولك اصحاب الريجاتا امثالى .
هذا الرابط خاص باستهلاك الوقود الزائد
http://www.nilemotors.net/Nile/119302-a.html
اتمنى من يقرأ اى موضوع عن الريجاتا لا يبخل بوضعه سواء ميكانيكا أو كهرباء أو أى شء مهم
مشكله السحب اللى اشتكيت منها كان سببها البوجيهات
والمشكله عندى اتحلت والحمد لله
ياجمعا بالامس مشيت على مقبات كتيرة ومطبات مختلفة المقاسات مضطر لان المنطفه كلها حقر ومطبات نتيجه ادخال الغاز
العربيه الان بمشى بيها بسمع حكه عندما العجله اليمين تمشى على مطب او ماشابه ذلك وساعات اسمع نفس الحكة فى منتصف بطن السيارة
بصيت على العجل يمكن مرحله او ماشابه ذلك او المساعدين فيهم مشكله مفيش حاجه كله تمام
مش عارف وخايف من تلك الحكة
افيدونا خبراء الريجاتا الكرام
فى موضوع قراته فى هذا المنتدى خرجت منه انه ممكن تكون البلية باظت فعلشان كده بتظهر الحكة
مش عارف هل ده صح ولا غلط
اما بالنسبه للذهاب للعفشجى او الميكانيكى فى تلك الايام مقدرش لكونى محاسب وايام ميزانية فمضغوط جدا فركنها وبستخدم باص الشركة وبمشى بيها قليل جدا لحين ايجاد يوم اكون فاضى قيه واتابعها
ومش عارف هل مشى عليها غلط ام لا
صور انت اللي انت مش عارفة وانا تحت امرك
او اوصفلي مكانه بس وانا هحازل افيدك ان شاء الله
الريجاتا عربية محترمة جدا .. وانا معدل عربيتي وحاطط فيها موتور الكروما 2000 س س ومش عايز اقول لكم علي التسارع بتاعها عامل اية بالاضافة انها بتعمل 270 كم في الصفيحة والحمد لله .. اي حد معاه ريجاتا وتعباة ياريت يكلمني وانا تحت امرة وببلاش الميل بتاعي junger1968@hotmail.com
ياسيد عمرو البليه لو بلية عجل مافيهاش مشكلو ممكن تمشي عليها بس هتعمل معاك اعراض زي ما يكون العجل فييه بيضاوي وحتدبدب معك ودة سببة اكيد انك رحت لميكانيكي عملك شغل في الفتيس او الكبالن لان للاسف مش هيعرف يربط البلية ويعزم عليها من غير مفتاح عزم وتحت امرك لو محتاج لاي حاجة