ابعت لى الصور يا باشا على الميل وارفعها لك لو كدة هبعت لك ايميلى ع الخاص
عرض للطباعة
استاذ ابو سلوما : بالنسبة للصامولة هتلاقيها عند محمد يوسف وغالباَ بتتباع بالمساعد مش متأكد منها بس هى عموما موجودة
ولو ملقتهاش عند محمد يوسف " امام باب مترو الدقي " انزل لها عزبة شلبي او الوكالة وهتلاقيها اكيد بأذن الله بس هية عموما
سهلة مش للدرجة الوكالة .. بالنسبة لمشكلة حضرتك واضح ان اللى ركب المارش مركبهوش عدل وبالتالى بقى بيتحرك
اثناء تشغيلة لحد معلق واتحرق.. بالنسبة لمشكلات سياراتك انا غيرت كل ما تتخيلة فى سيارتى بشكل كامل كل ما فيها
المارش غيرتة مرتين وقبلها كنت بغير لة موبينة .. المارش بالذات افضل لحضرتك تجيبة استيراد ومتركبهوش زي منا عملت
خلي الكهربائى يفكة ويبص على الشاربون وعلى حاجتة لانة اكيد محتاج شربون على الاقل ودة هتعملة عند ابو النصر
بتاع الموبينة فى الدقي .. بعد محل مي مي .. حضرتك انزل مترو الدقي واخرج من الباب واسأل على ابو النصر او ابو دومة
ألف مين يدلك ولو احترت خالص قولى حضرتك هتنزل امتى وانا هساعدك اول متوصل لمترو الدقي
والافضل بكتير ان حضرتك تركن السيارة لحد ما تجمع مبلغ محترم وبعدها تاخد العربية تشدها مرة واحدة
انا للاسف اول مأخدت العربية ركبتها وبدءت الاعطال والمشكلات خصوصا ان صاحبها الاولانى كان راجل كبير ف السن
وكان مهمل مش بيعمل حاجة بيكبر دماغة وبالتالى شوفت مشاكل كتيرة علمتنى كتير الحمد لله .
فنصيحتى الاخيرة انك تجمع مبلغ وتكون مركونة علشان متتبهدلش زيي .. بعد متجمع المبلغ دة بأذن الله
تشدها مرة واحدة .. يعنى تروح للميكانيكى يشوف اخبار المكنة اية محتاجة عمرة ولا محتاجة اية ؟
بعد ميخلص الميكانيكى تروح لعفشجى يبص على العفشة ... وطبعا متنساش كهربائى يراجع على العربية كلها
ويظبط اي حاجة محتاجة ف الكهربا ويراجع الضفيرة كويس ويشوف الكونتاك اخبارة اية ويبص ع العدادات محتاجة
اصلاح ولا لاء .. لو محتاجة اصلاح هبعتك لحد متخصص اصلاح عدادات فقط لا غير هيصلح العدادات وكلها هتبقى شغالة
دة كلة هياخد حوالى شهر ... ممكن اكتر ممكن اقل فى الفترة دى تنسى تماما ان عندك سيارة وتسبها تتشد وتروح تتابع
ومتنساش تبص ع الفتيس تشوف اخبارة اية .. والافضل لو فية اي مشاكل تشتري استيراد .. بدل الاصلاح
ياريت تبقى تطمنا خطوة وخطوة وهنقولك تعمل اية بالظبط .. كلنا هنا مرينا بتجارب كتيرة وكلنا هنا هنفيدك ونفيد بعض
فى انتظار اي استفسارات عن الريجاتا
طبعا الكلام اللى قالهولك العضو نايس ايجيبت تمام و هوة من اكتر الاعضاء اللى بتجاوب معايا هنا على فكرة
بس السخونية دى نتيجة حاجتين يا تنفيس فى دورة المية يا اما انسداد فيها تمام
ممكن تكبس الراديراتير زى ما قالك نايس بس ده مسكن اسبرين يعنى
لكن لو هتريح دماغك هات الالومنيوم الراديراتير الالومنيوم لان النحاس هيرجع يفور و ينفس تانى و تشيك على خراطيم المية و تشوف لو فى حاجة مسدودة ساعات القربة من جوا بتبقى مسدودة و تركبلك ترموستات 64-82
و دى ترموستات اقل من ال90 بتريح العربية و تهديها و على فكرة مش غلط لان فابريكة العربية اصلا كده من بلدها زى ما قال الخواجة على راى الشعب:36_9_4:
اما بالنسبة للموتور اللى عاوز عمرة هوة الماتور خفيف معاك
بيدخن بيعرق زيت كده الحاجات دى معناها ان الموتور خف بيبقى محتاج طقم شنبر عادى و فى ناس بتريح دماغها و تعمل عمرة كاملة زيى:S_thum1[1]:
متستعجلش فى العمرة الا لما تتاكد انها عمرة فعلا انا عملت عمرة كلفتنى بس ريحتنى قوى و بالمرة قومت مغير البساتم و جيبت مقاس اكبر و خرط عند ورشة ممتازة و غالية جدا
و ظبط بقى الحاجات دى و ناس قالتلى هتاكل بنزين و الكلام ده بس ابدا و الله طالما الكربراتير مظبوط هوة اللى بيتحكم فى كده و بعدين انا فضلت اللين بالعربية 1000 كيلو لحد ما الموتور طبع و قومت طالع بيها جارى علشان افتح و جريت على طريقة الجديد طالع نازل مش كبس بس يعنى و الحمد لله دلوقتى ربنا يديمها نعمة :vctry:
شوف انت يا باشا هتعمل ايه و لو اى طلبات انا تحت امرك هضور على الفاتورة و اشوفلك الاسعار بس يارب الاقيها
انا لسه معمر عربيتي والتكلفة كانت كالاتي :
220 طقم بستم برازيلي
110 طقم شنبر برازيلي
200 طقم جوانات واوليسهات وو . . . . . الخ
100 مصنعية المخرطة
400 مصنعية الميكانيكي (ودي كدا كتير بس هو ميكانيكي شاطر و بروحلو في حاجات كتير وما بيخدش فلوس )
50 بلية شداد الكاتينة
30 جنيه دخان الرجالة (في المخرطة وعند الميكانيكي )
كان في شوية حاجات تانية مش فاكرها المهم العمرة كدا كلفتني 1200 تقريبا
بس انا ما عملتش عمرة كاملة لان كان في حاجات كويسة وعلشان كدا التكاليف كانت قليلة الحمد لله.
وهي ممكن تقل عن كدا لو هتعمل طقم شنبر بس .
اولا السلام عليكم وكل اعضاء المنتدي بخير بصراحة انا معايا فيات 131 وبسافر بيها من الصعيد لمصر حوالي 600 كيلو بس طبعا السحب مش اللي هو ففكرت اغير الي ريجاتا فكان نفسي اسال اعضاء الرابطة علي الريجاتا وسرعتها هل سرعتها بتعدي 130 يعني بتجيب بيها 150 مثلا وتكييفها تمام يعني بتحس فعلا بالسقعة ولا العزل مابين الحوض وبين الصالون مش اللي هو ارجو الرد وبارك الله فيكم
وعليكم السلام ورحمة الله
بالنسبة للريجاتا فموتورها قوي يجيب بكل سهولة 130 ك
بس خلى بالك ان دة حسب حالة الموتور والكرابراتير حالتهم لازم تبقى كويسة
بالاضافة ان القديم كلة نسبة التسارع فية مش زي الانجيكشن ودة طبيعي طبعا
بالاضافة لجودة البزين باردو .. يعنى مينفعش تحط 80 وتقلل الكهربا من الاسبراتير وعايز العربية تجيب 150
وعموما الريجاتا ظبط عفشتها كويس .. وظبط موتورها كويس يكون حالة فوق الممتاز
رصص الكاوتش واظبط زوايا وتوقع اداء جيد وثبات جيد على السرعات .. امبارح كنت ماشى على 120 ك
وزى الفل الحمد لله .. بالنسبة للتكييف فالاعضاء هيقولو لك اكتر .. لانى مش مركب تكييف فى الريجاتا
للاقتناعى بشئ واحد وهو ان الفيات كلة واغلب الكوري تكيفاتة رديئة واعطالة كتير . واداء سيئ فى الجو الحار جدا
الاعضاء هيفيدوك عنة اكتر
هوة طبعا انا معنديش اعتراض على اى حاجة بس انا معمر بازيد من كده بكتير و حضرتك انا دافع فى المخرطة بس و دى اللى فاكرها و عمرى مكا هنساها 450 جنيه
و الراجل قالى تيجى تاخد حاجتك منى بعد بكرة الساعة 5 العصر
بس اللهم صلى على النبى مخرطة غالية اه بس زى ما قال الكتاب
متابع باهتمام جوده تكييف الريجاتا
هل التكييف فى الريجاتا ضعيف وريح بالى من تركيبه ولا التكيف كويس
برجاء الاهتمام
السلام علي اهل الربطة جميعاً وبحب اشكر الاخ nicegypt علي الرد والاهتمام بس نحب اي حد عنده تكييف في الريجاتا دينا معلومات عن جودة التككيف ولا الواحد يريح نفسه ويخليه في الياباني احسن تكييفه ممتاز وموتور جامد جدا وكفاءة أعلي بكتير من الايطالي ارجو الاهتمام
التكيف لو عامل مشكله ممكن تغيره الريجاتا ينفع تركبلها تكيف لانها اصلا مجهزة بواحد و تظبط العزل
بس هى دى كل الحكاية