السلام عليكم
كنت عاوزاسال اشد ولا ابيع ايهما افضل
هي موديل 85 فيها بارومه و خاصه في القوايم بتاعت البابين الاماميين
الفرش محتاج شويه شغل و كذلك التابلوه
فلو هشد هتتكلف كام و لو هبيع ابيع بكام
اسف للاطاله و شكرا
عرض للطباعة
السلام عليكم
كنت عاوزاسال اشد ولا ابيع ايهما افضل
هي موديل 85 فيها بارومه و خاصه في القوايم بتاعت البابين الاماميين
الفرش محتاج شويه شغل و كذلك التابلوه
فلو هشد هتتكلف كام و لو هبيع ابيع بكام
اسف للاطاله و شكرا
من خلال كلامك هتنزل بسعرها جامد بسبب البارومه فى مكان حساس والتابلوه
لكن لو هتشد السيارة ممكن تأخذ منك من 2 الى 3 الاف جنيه هيروقوا لك السيارة من معالجة البارومه سواء كان فى القوايم ام اماكن اخرى ومعالجة التابلوه وجعله شكله اشيك مع تغيير فرش السيارة بأخر افضل
من من رأى شدها افضل لانك هتشد فى سيارتك واللى تعرفه احسن من اللى متعرفوهوش
من وجهه نظرى تجيب لك 15 الف جنيه لانى أى حد بيشترى بيعمل حسابه فى تكلفه شد السيارة
السؤال هنا معك 15 الف جنيه هتحط عليهم 5 الاف هيبقى معك 20 الف
مش هيجيبوا لك سيارة اعلى من الريجاتا
والله اعلم
الف شكر استاذ عمرو علي سرعه استجابتك
و حابب اخد راي حضرتك
و معلش استحملني شويه انا معنديش خبره جامده بس في ناس شافوا العربيه و قالولي هتتكلف الاتي
1 - 2 باب امامي غي حدؤد 1000 جنيه
2- سمكره في حدود 700
3 - فرش داخلي 500
4 - دهان 1500
5 - كبالن 500
فهل التكلفه دي حقيقبه ام مبالغ فيها و هل فعلا قطع الغيار غير موجوده
انا حاسس اني اتدبست بس بصراحه العربيه ناعمه و صوت الماتور هادي جدا وسحبها ممتاز
اسف للاطاله و شكرا
اولا شكرا لثقتك الغالية
ثانيا تكلفتك مبالغ فيها جدا لانى فى الماضى اشتريت بابين جنب اشترتهم كاملين على 620 جنيه اما من حيث السمكرة والدهان ده اوفر جدا
ثالثا انت قلت ان السيارة من حيث الماتور والسحب مرضيين لك يعنى مشكلتك لا تتعدى 3 الاف جنيه مثلما اخبرتك سابقا وانزل واتمشى واسأل وخذ خبرة
ولعلم حضرتك اخى الحبيب لما تشد ريجاتا هيكون افضل 100 مره من 128 موديل حديث
انا معرفش حضرتك اشترتها بكام لانى قرأت كلمه اتدبست فى السيارة
الريجاتا سيارة شاسية قوى يتحمل احمال - ثيات على الطريق - موتور جامد - صالون وشنطه واسعين جدا
لعلمك انا لسه رحت سوهاج ورجعت خلال 48 ساعه يعنى قطعت 550 رايح وذيهم جاى
ابدأ بالضرورى الاول واترك الباقى لحين فحص سيارتك
وان شاء الله خير
السلم عليكم ورحمه الله وبركاته
شكرا واجب لأستاذ / عمرو amro1965
الراجل ده أنا قريت تقريبا كل مشاركاته في المنتدي ... وهو بحق شخص خلوق وخدوم جدا
مؤخرا ودون سابق معرفه استشرته في سياره كنت بصدد شرائها فلم يبخل لا برد ولا بوقت وكان أمينا في نصحه لي
لذا وجب علي شكره مره أخري هنا ...:flower4u:
شكرا مره أخري أستاذ / عمرو amro1965
انا سوف اكون محلك وهبدأ بالاتى
ابدا بالسمكرة بشرط يكون سمكرى محنك وبعده ادهن مكان السمكرة فقط
عفشجى يربط لك العفشة مع تغيير القطعه متوسطه الجوده
اما الفرش مش مشكله شوف لون سيارتك واشترى اربع سجاجيد يتماشوا مع لون السيارة هيكون افضل على فكرة انا عامل فى سيارتى كده سيارتى بيضاء جبت سجاجيد بيضه بخيوط سوداء جميله
اما بخصوص الدهان اتركه لحين الفحص
والله المستعان
بالنسبه للقادم على شراء سيارة مستعملة
ده موضوع كنت محتفظ به منذ ان اشتريت سيارتى الحالية كنت ناقله من احد المواقع لا اذكرها لانه كان منذ سنتين بالرغم انى كنت محفظ به على ملف وورد وعملت ملف اكسيل وضعت فيه كل شىء عن السيارة من اجل ان لا ننسى شىء لكن للاسف ملف الاكسيل لم اجده حتى الان
حبيت اضعه لعله يفيد من يريد الاقدام على شراء سيارة مستعملة مثلما افادنى
اترككم مع الموضوع
النهاردة الجمعة و دة الموسم الاسبوعى لشراء العربيات سواء كانت من اعلانات فىالجرائد او نزول السوق .. و لقيت فى كذا موضوع و استفسارات و اسئلة من المقبلين علىالشراء و خصوصاً فى العربيات المستعملة اد اية الحيرة و القلق اللى بيبقى فيها و هونازل يشترى العربية ..و بيقع بين ميكانيكى قد يكون فى اغلب الاحوال متواطىء معالبائع او يكون لة امل فى تخليص مصلحة او انتظار شغلاناتك اللى جاية معاة .. اوصديق بيحاول بساعدك و لكن خبرتة لا تكفى للمساعدة .
هحاول اشرح فى الخطواتاللى جاية ان شاء الله .. ازاى تشترى عربية مستعملة و انت لوحدك بدون مساعدة احد أوعلى الاقل تبقى فاهم و لديك انطباعك و خبرتك الذاتية مهما كان معك احد يحاولالتاثير عليك
ملحوظات هامة :
1-هذا الكلاممناسب للسيارت من التسعينات و حتى الآن و ليس قبل ذلك
2-هذا الكلام موجةللمبتدئين فى شراء العربيات المستعملة وذلك بغرض الامتلاك فقط و الاستمرار مدةكبيرة بالعربية و اختيار افضل عربية بأحسن سعر ممكن
3-تم و ضع هذا الموضوع فىالمنتدى العام و ليس التعليمى ..لآنة لا يحتوى على نظريات او ثوابت انما هى مجردخبرات شخصية لا تتطبق فى كل الاحوال و كل الظروف و لكن فى معظمها .
مراحل شراء السيارة المستعملة
اولاً الخطوة الاولى : مرحلة الدراسة
1-حدد نوع و ماركة العربية من حيث مناسبتهالآحتياجاتك و ميزانيتك وذلك بترتيب عوامل اختيار نوع العربية
أ- هاتش باك ولاسيدان (بشنطة)
هل تحتاج لمساحات داخلية كبيرة -هل سفرياتك كتير و فيها شنط كبيرة
ب-موتور كبير ولا صغير
استخدامك اكتر جوة البلد ولا برة البلد فى سفرياتذات سرعات عالية و طويلة
عنصر توفير البنزين مهم بالنسبالك ولا لا
عددالاشخاص اللى معاك فى العربية دايماً كتير ولا قليلين ولا فى معظم الاحوال لوحدك
ج-اسعار قطع الغيار
سعر قطع غيار غالى ... مع .. عمر افتراضى كبير ....(ممتاز - بس على حسب ميزانيتك )
سعر قطع غيار رخيص ... مع .. عمر افتراضىقليل ....(جيد - بالنسبة لميزانيتك لآن العربية مش هاتقف عشان قطعة غيار او اكسسوارمطلوبة )
سعر قطع غيار غالى ... مع .. عمر افتراضى قليل ....(سيىء)
د- قطعالغيار متوفرة فى التوكيل و خارج التوكيل يبقى عظيم
و-اماكن الصيانة
- شغل توكيلات فقط (مكلف -مريح- لا يستغرق وقت طويل )
-معظم الميكانيكية بيفهموافيها (ممتاز)
-لها ناس معينة (تبقى تعرفهم الاول )
بعد الخطوة دى هاتبقى حددت و عرفت
ماركة العربية -نوع العربية- الموتور -شغل العربية بيبقى فين واسعارة اية
ثانياً الخطوةالثانية : مرحلة التحديد
يجب ان تحدد موديل العربية (السنة ) اللىانت عايز تشتريها و ذلك من خلال
أ- ما هى افضل الموديلات لهذا النوع - يعنى سنةكام كان من افضل الموديلات اللى نزلت فى النوع دة
ب-معرفة السعر المتوسط لهذاالموديل (السنة ) من خلال متابعة الاعلانات و الاتصال المباشر و السوق
ج- هلالموديل دة متناسب فى متوسط سعرة مع ميزانيتك ولا لأ ..لو كان اعلى أنزل للسنة اللىقبلية و هكذا
د-تنزل السوق مرة (ليس للشراء ابداً) و لكن للفرجة و معرفة أخرسعر للموديل دة بعد شوية فصال صغيرين (وعلى كدة تحدد المتوسط السعرى الفعال لهذاالموديل ) يعنى مش مجرد كلام اعلانات
بعد الخطوةدى هاتبقى حددت و عرفت
موديل العربية (السنة ) بالظبط اللى عايز تشتريها و كمان متوسط السعر اللى فى السوق للموديل دة
ثالثاً الخطوة الثالثة : مرحلة النزولللشراء
عربيات تستحق النزول إذا كانت فى اعلان او الفرجة اذاكانت فى السوق
1- الحالة
-فابريقة (دهان مصنع).... بالكامل.... (ممتاز)
-فابريقة داخل فقط (تحت سنة 2000 ) .....(جيد)
-لا يوجد اى دهانفابريقة فى اى سنة (يعنى راشة برة و جوة ) ....... (سىء)
2-السعر
-اعلى منالمتوسط اللى انت طلعتة ........(ممتاز)
-فى المتوسط اللى انت طلعتة ........(جيد)
-اقل من المتوسط اللى انت طلعتة ........(سىء)
3-الكماليات
هى الكماليات المتعارف عليها فى هذا الموديل من هذة السنة ولا يحبذ اى اضافاتاخرى
4-الموتور
هو السعة اللترية (ال cc ) المتعارف علية فى هذا الموديل منهذة السنة
5-اللون
من الالوان اللى كانت متواجدة فى هذا الموديل من هذةالسنة
يعنى مفيش 128 فى اوائل التسعينات فضى او 127 ذهبى ولا لانسر موف ..مثلاً
6-الرخصة
أ- رخصة أة بس بشروط
بأسم المالك ومش المهم فيها أد اية المهمطالعة لمدة اد اية
3 سنين .... (ممتاز)
سنة واحدة ...(واحنا دلوقتى فى اخرها ).... (جيد)
سنة واحدة ...(واحنا دلوقتى فى اولها ).... (غير جيد)
ب-توكيل .....(سىء)
7-عدد الكيلو مترات
يكون متناسب مع عمر العربية بمتوسط من 17 الفكم الى 20 الف كم فى السنة الواحدة
عدد كيلومترات مظبوط مع المعدل المذكور ........(ممتاز)
عدد كيلومترات اقل مع المعدل المذكور ........(جيد)
عددكيلومترات اقل بكتير من المعدل المذكور ........(غير جيد)
عدد كيلومترات اكبر منالمعدل المذكور ........(سىء)
بعد الخطوة دى هاتكونقررت تنزل ولا لأ عشان تشوف العربية دى او قررت تتفرج عليها و تفحصها
رابعاً الخطوة الرابعة : مرحلة فحصالعربية للشراء
من الخارج : خد لفة حوالين العربية ولاحظالاتى
1-طلاء السيارة
-طلاء السيارة متناسب مع العمر للموديل ولا يوجداى اجزاء لامعة اكثر من التانية
2-ملاحظة الخدوش الاحتكاكات
-وجودها فوقسنة 2000 (جيد)
-عدم وجودها فوق سنة 2000 (غير جيد)
-عدم وجودها تحت سنة 2000 (سىء)
3-الصدمات و الحوادث
ملاحظة اى فوارق بين الخطوط -بين الفوانيس والرفارف-بين الباب و الحلق بتاعة -بين باب الشنطة و حلق الشنطة -بين الزوايا فىاركان العربية -طبقات عالية شوية فى الدهان عن الباقى -فوارق بين الاكصدام و جسمالعربية
4-الزجاج
اى فوارق بين كاوتش الزجاج و الحلق اللى بيركب فية -كاوتشالزجاج جديد و اسود ولا قديم من عمر العربية -فى كتابة على اسفل الزجاج (اصلى ولااتغير) -نقر متسابة (يبقى احسن) ولا كلة مية واحدة و بيلمع (قلق) -فى زجاج الابوابسيف الزجاج اللى فى الباب بالعرض قافل على الزجاج ولا مفارق (يبقى اتفك قبل كدة )-الزجاج لابس فى المجرى بتاعتة ولا مفارق
5-الاكسسوارات
المرايات -الشبكةالامامية -الفوانيس -الاشارات-المساحات-الأريال -فبر الاكصدام
كلها طبيعيةللموديل دة ولا فيها افتكاسات فتسيبك منها احسن
6-الكاوتش
مناسب لعمرالعربية .....(ممتاز)
تفاصيلة ممسوحة شوية بالنسبة لعمر العربية .....(جيد)
تفاصيلة بارزة وواضحة وشكلة لسة جديد .....(غيرجيد)
تفاصيلةممسوحة اوى وشكلة قديم .....(سىء) وتخصم تمنة من سعر العربية فىمتوسط الفين ج
7-الفوانيس
نضيفة و شفافة .......(ممتاز)
متناسبة مع عمرالعربية...... (جيد)
مغببة و مشبرة ..........(سىء)
8-السقف
نفس درجة ولون العربية كلها ......(ممتاز)
اسواء من العربية بوجة عام ........(جيد)
احسن من العربية بوجة عام ........(غير جيد)
غير مستوى و فيةاى التواءات ....(سىء)
9-العتب
دة الجزء اللى تحت الابواب ... حط ايدك تحتيةو خد سحبة كدة بطول العربية
سليم و مستوى .......(ممتاز)
فية حتت متاكلة واماكن محببة كدة ( سىء) علامة صداء (برومة موجودة اسفل العربية )
10-الكارتيرات
دة الجزء اعلى العجل و اللى لافف حوالين الكاوتش من فوق .. ملاحظة عدم وجود اىاثر
صدأ(برومة)-حتت متاكلة -أثر لحامات -اى التواءات -اثر لحاجة زى الزيت منشعةفى المنطقة دى
11-المساعدين
وقوف السيارة كلها على خط افقى واحد (يعنى مفيشجهة اعلى من التانية لا ورا ولا قدام)
غند الضغط على ركن من اركان العربية بتطلعتانى لفوق بنعومة و ثبات (غير متقطع فى الطلوع )
عدم وجود اى اثر لزيت او تنضيفحديث ليهم ( بيبقوا فوق العجل و ماسكين العجل بالعربية على شكل عمود رفيع رأسى )
14- نظرة بسيطة على اسفل السيارة
عدم وجود اى اثر لأنخفاضات او ألتواءات
عدم وجود صداء (برومة )
عدم وجود اى اثار لزيوت او شحومات قديمة
علبةالشكمان سليمة و مش مصدية و مفهاش لحا مات و خصوصاً فى المناطق الضيقة اللى بتوصلجزء للآخر
من الداخل : بعد ما خدت لفة حوالين العربية ... افتح الباب وادخل عشان تقعد فيها ..بس سيب الباب مفتوح و انت بتقعد
لو لاحظت ان سفل ضلفةالباب بينزل لتحت (بيقرب من الارض ) كتير وانت بتقعد فى العربية يبقى العفشة ضعيفةو المساعدين تعبانين ...
-لاحظ كاوتش الباب و حالتة
-لاحظ حلق الباب كلة (اى صداء -خبطات -لحامات -التواءات )
-لاحظ القايم (على يمينك اللى واصل بيناسفل العربية و السقف )
اى التواءات -اثر لحام قديم -فوارق بينة و بين السقف ......علامة سيئة جداًخلاص اقفل الباب و خش العربية اقعد فيها-فرش الصالون
وجود فرش اضافى ...... (غير جيد) شيلة و بصتحتية
الفرش الاصلى متناسب مع عمر العربية .......(ممتاز)
الفرش الاصلى اقلمن عمر العربية مع وجود فرش اضافى .......(جيد)
الفرش الاصلى وحش و متبهدل .......(سىء)
-فبر التابلوة
فبر التابلوة متناسب مع عمر العربية (ممتاز)
فبر التابلوة بيلمع...... (غير جيد)
فبر التابلوة وحش و مشقق (سىء)-فرش الصالون ..اى اثر لخياطات او ترقيعات او حتت متاكلة و شوفالدواسات و فرش الابواب و الحالة العامة لكل التنجيد الداخلى و مقايستة بعمرالعربية ومناسبتة لنمط شخصية البائع
-السقف الداخلى ..ملاحظة اى فوارق اوهبوطات او اثار فك و تركيب فى كل السقف و التقائة بالجوانب اللى شاية السقف كلة
-الدواسات اصلية ولا لأ و هل فى تحتها اى تأكلات او اثار لآحتكاكات مستديمة
-الجزء اسفل التابلوة
متقفل كويس و علية تراب ....( ممتاز)
متقفل كويس ....( جيد)
مفارق و فية اثار فك و تركيب ....( سىء)
مفتوح و فية اسلاك واضحة ......(سىء جداً) مؤشر لحالة الكهربا العامة فى العربية
-لوحة العدادات
اىفوارق بين الزجاج بتع العدادات و التابلوة .....(سىء)
-درج التابلوة
نضيف ومتقفل من اخرة كويس ....(ممتاز)
مليان حاجات و مكركب ....(غير جيد)
ضهرة واقعو متبهدل من جوة ...(سىء)
-فرامل اليد ..... وانت قاعد جوة العربية شد فراملاليد للآخر ولاحظ الاتى
فرامل اليد بتتطلع بصعوبة وبتقف ببطىء فى الاخر ......(ممتاز)
فرامل اليد بتتطلعبراحة و بتصد فى الاخر بنعومة (غيرجيد)
فرامل اليد بتتطلع مرة واحد بسهولة و بتصد فى الاخر مرة واحدة (سىء)انزل من العربية وروح شوف الشنطةافتح الشنطة ولاحظ بتتطلع لفوق ازاى (بسهولة بتترفع لوحدها -بصعوبة -بتقع تانى )
شيل فرش الشنطة و بص تحت الفرش
لاحظ اى .. صداء (برومة -انخفاضات -اثر لحامات -شحومات -زيوت) كل دى علامات سيئة
بص على اركان الشنطةاللى خلف الفوانيس الورانية
لاحظ اى اثار لفك و تركيب -اسلاك بارزة -خبطات (مسمعة جوة )
شوف حالة الاستبن
استبن اصلى ......(ممتاز) ساعات بيبقى اصغرمن كاوتش العربية العادى (بعض العربيات )
استبن بحالة كويسة .....(ممتاز)
استبن حالتة اسواء من حالات الكاوتش اللى متركب فى العربية ......( سىء)حالة الموتور :
تعالا قدام الكابوت ..افتحة ..
1-اللون والشكل
ملاحظة لون داخل الموتور (حوض الموتور) نفس لون العربية ولا لآ
-نفسلون و درجة العربية ...(ممتاز)
-اقل من درجة لون العربية (فى اللمعان )....(جيد)
-متبهدل كتير عن العربية ...(سىء)
2-الحالة العامة
ملاحظةالاركان الجانبية فوق و تحت -الوصلات -عدم وجود اى اثار نشع زيت فوق و تحت -
مستوى السوائل فى مختلف العلب -عدم وجود اى اثار لحامات او شروخ او تغطيات -البطارية عليها شحم او املاح (بيضاء) - السيور ناعمة و مش ناشفة ولا مشققة -عناصرتركيب الفوانيس من ورا ثابتة و مش مفكوكة قبل كدة -علبة الريداتير مش مصدية -وشالموتور (السدر) من الناحية المتصلة بالكابينة العزل فيها ماسك نفسة و مش واقع ومفيش اجزاء مصدية الاجزاء فوق العجل(العلب) مفيش فيها لحامات ولونها ذى الباقى -الخط العرضى اعلى حوض الموتور مستوى و افقىاطلب من البائع يدور العربية و انت واقفقدام الموتور ولاحظ الاتى-فى صوت قفشة فى التدوير ولا دارت بنعومة
-صوت الموتور نغمةواحدة ولا فيها تقطيعة او ذبذبة
-فى صوت ورة او صفارة صغيرة
-اطلب منة يزودبنزين و شوف .. الصوت بيعلى على وتيرة واحدة ولا بيقطع و فى اصوات تانية دخات فىالموضوع
ابعد عن العربية فى اتجاة عمودى ...وشوف فى اى دخان او بخار طالع مهماكان مش ملحوظ فى زغللة و (ظاهرة السراب) يعنى حرارة طالعة اعلى الموتور ولالأ
ارجع تانى للعربية ..شامم اى ريحة
شوف مروحة الرياتير اشتغلت ولا لسة
حط ايدك على الريداتير ... تستحمل تحط ايدك ثانية واحدة ولا بقى سخن و مولعجداًاطلب من صاحب العربية يلف الدركسيون للآخر مرة يمين ومرة شمال-ما سمعتش اى صوت و انت واقف فوق الموتور ...(ممتاز)
-سمعت صوتطقطقة او صفارة خفيفة اوى ........(سىء)ارجع ورا العربية و حط ايدك قدام فتحةالشكمانسد بأيدك فتحة الشكمان لمدة ثانية واحدة ..لقيت ممانعة و قوةبتبعد ايدك جامد يبقى...( ممتاز)
....شيل ايدك و بص فيها
ايدك نضيفة ومعلهاش اى حاجة ..(ممتاز)
مفيش اى حاجة بس فى اى حاجة ولو بسيطة بتطلع منالشكمان سواء (مياة -رزاز-نقط سوداء -دخان بسيط) .....(غير جيد)
فى اى اثار لنقطسوداء على ايدك ...(سىء)ادخل جوة العربية تانىلاحظ الاتى
1-لف الدركسيون... ذى ما كنت واقف امام العربيةفاكر (اى تقطيع فى اللفة -تكات -صوت-)..(سىء)
2-جرب الزجاج الكهربا فوق و تحتالاربعة
3-بص على مؤشر الحرارة
ثابت فى النص...(ممتاز)
بيشاور عقلةلقدام (سىء)
4-بص على لوحة العدادات
ال RPM مفروض يبقى بين 800 و 900 فىالطبيعى
5-شغل التكييف على البارد على اقصى درجة
ال Rpm هايعلى سنة لفوق ..دة كويس ...حط ايدك على فتحات التكييف ..بتطلع هواء بارد جداً و مستمر لفترةدقيقة لديقتين يبقى كويس
-ال RPm و التكييف شغال ثابت .....(ممتاز)
-ال RPm بيترعش و يطلع و ينزل .....(سىء)
5-شامم اى ريحة حاسس بأى صوت خفيف ...مفيش .. يبقى تمام
6-اطفى التكييف و خليك قافل الزجاج 3 او 5 ثوانى
-درجة الحرارةما رحتش بسرعة ....(ممتاز)
-درجة فرقت وراحت بسرعة ....(سىء)------------------------------------------------------لحظة اتخاذ القرار
جمع كلالنقاط السلبية و سيبك من اى عناصر ايجابية
لقيت عددها قليل ودرجة اهميتهابسيطة ....(يبقى هاتشترى العربية دى )
لقيت عددها مساوى او اكتر و درجة اهميتهاعالية ....(يبقى سيبك من العربية دى )افتح الباب و انت نازل من العربية واخد قرارك أة ولا لأ (مهما حصلبعد كدة مايفرقش معاك)------------------------------------------------------انزل و اتكلم مع البائع فى تمن العربية و فاصل و اذكر كل مدة احدىالسلبيات اللى جمعتها فى دماغك (مش مرة واحدة) وحاول توصل معاة لآحسن سعر ممكن (بدون غتاتة طبعاً)