ألف سلامه عليك ياأخ سيف الحمد لله إنها جات على كده .. حمد الله ع السلامه ..
عرض للطباعة
ألف سلامه عليك ياأخ سيف الحمد لله إنها جات على كده .. حمد الله ع السلامه ..
انا مش فاهم ظروف الحادث اية ومين اللى سايق نقل تقيل واتوفي ؟ النقل التقيل عربيتك تبدء عندة من اول فردة الكاوتش ! قدر الله وما شاء فعل والف مليون سلامة عليك .. ورحم الله المتوفي اللهم ارحمة واسكنة فسيح جناتك .. الحمد لله انك بخير اللهم اجرة فى مصيبتة واخلفة خيراّ منها
ظبط الزوايا هيبين لك اخبار الشاسية والعربية من تحت وازرع التوجية اتأكد ان كلة تمام وطمنا عليك .. ابعت لي رقم موبايلك برايفت اتابع معاك
الدركسيون مش هتلاقية لوحدة هيقولك خد القطمة كاملة ولو لقيتة لوحدة يعملة 100 ج بالكتير
ممكن تركب طارة سبور مومو او اي طارة تعجبك والزور بتاعها بيتخرط عند الخراط حسب الاكس بتاعك
لو الاكس عندك مش مظبوط او فية بوش عندي الاكس بالبلية كامل بكوتشة اللى بتسحب اهتزاز الدركسيون
بالنسبة للصوت اتأكد ان فرن الشكمان راكب كويس ومساميرة ممكن تلاقي واخد منة اتكسر عدي على بتاع شكمان خلية يبص لك علية كلة من اول الفرن للعلبة حسب وصفك للصوت انة الفرن طلع من مكانة شوية بسبب مسمار اتكسر.. ابعت لي رقمك برايفت اتابعك
السلام عليكم ورحمة الله وبركاته كــــــل عــــامــ وأنـتــم بـخـيـر
عضو جديد لسة شارى ريجاتا موديل87 فيها تكيف لكن من غير السربنتينة وفيها عداد الاعطال
ولكن مكتوب فى الر خصة ريجاتا نصر وليس نوفا وحسب المعلومات والشرح للاعضاء المحترمين ان ريجاتا العادية
ليس فيها تكيف ولا عداد للاعطال لفيت جميع المنتديات على كاتلوج الريجاتا فلم اجدة ارجو من السادة المحترمين
من يجدة يدلنى علية والف شكر للجميع
انا عضو جديد معاكو لانى لسة شارى ريجاتا موديل 1988 من اسبوعين والحمد لله بعد مجبتها لقيت فيها شوية مشاكل بس هى اساسيتها كلها فبريكة فقولت اشترك معاكو يمكن حد يستفيد لانى بجد استفدت من هنا كتير جدا
اولا :اول مشتريت العربية قالى بس دى عايزة تغير سلك الدبرياج طبعا ماخفى كان اعظم
المهم غيرته كان الدبرياج تقيل جدا المهم لفيت عند اكتر من ميكانيكى قالولى لازم تغير طقم الدبرياج كامل
رحت عند الكيلانى لقيت نوعين
1- لوك المانى ب650 جنيه
2-نوع ايطالى تجارى اسمه ماكير 350 جنيه
رحت قولت مش هبخل من اولها توكلت على الله وجبت لوك الالمانى
ثانيا : لقيت البدالات فيها لحامات والفبرة معمولة عند خراط كل مدوس فرامل تنزل وتقفش مع الدبرياج وتفصل العربيةولازم اطلعها برجلى
رحت غيرت الثلاثة بدالات دبرياج وفرامل وبنزين
نزلت الوكالة اشتريت جهاز الفرامل والدبرياج بالفبرة ومكنة الاستوب ب300 جنيه
وبدال البنزين ب75 جنيه
ثالثا: وهو الميكانيكى بيحل الفتيس لقى الفرش مكسور وملحوم رحت اشتريت فرش استيراد ب100 جنيه
واخيرا العربية خلصت وبقت زى الفل الحمد لله تغيير تام والميكانيكى خد 200 جنيه مصنعية
ارجو ان يكون حد استفاد من خبرتى البسيطة جدا
وشكرا لحضراتكم واتمنى انكم تقبلونى عضو جديد معاكمfun_36_3_4[1]:
السلام عليكم
محبى الريجاتا ........
ياريت تفيدونى ..
1- هل كل قطع الغيار الميكانيكية موجودة ام لا ؟؟؟؟؟ جديد ام استيراد ...والسعر
2- امامى ريجاتا 88 تعمل كام لو سليمة ؟؟؟
3- انا عرفت ان تقريبا مشكلة الريجاتا فى الاكسسوار فياريت اعرف سعر الكشافات الامامية و الخلفية ..( جديد / مستعمل )...... كذلك عرفت ان التبلوه بيعمل 2200 فى عزبة شلبى هل هذا صحيح ؟؟؟ هل يوجد اسعار خرافية اخرى فى السيارة غير ما ذكرت ؟؟؟؟
4- سمعت فى منتديات اخرى ان بك السلانسية الكهرباء غير موجود منه جديد ... ويمكن تلاقية بعد عناء لكن استيراد ؟؟؟ ولو موجود سعره كام جديد وعند مين ؟؟؟؟؟وشكرا لكم
ممكن اعرف طقم فيبر ابواب ريجاتا الخارجى سعره كام والاقيه عند اى محلات بالضبط
ازيكوا يا جماعة
انا عضو جديد فى المنتدى وبصراحة اعجبت بالمعلومات اللى فيه
وعندى استفسار: انا معايا 25000 الف وعايز اعرف ممكن اجيب بيهم ايه ؟
هل يجيبوا شاهين كويسه ولا اجيب رريجاتا ولا فيات اونو
مع العلم انا هعمل بالعربية 100 كم فى اليوم تقريبا وشكرا
اهلا ومرحبا انا عضو جديد زيك ومعايا ريجاتا 87 لسة جيبها من شهر وهى ممتازة وجامدة وانصحك بيها او الشاهين كلامك سليم ولو عايز اى مساعدة انا فى الخدمة فى حدود معلوماتى انا ملاحظ ان اعضاء الربطة هاجروها
على العموم انا من القاهرة لو حابب تشوف عربيتى انا فى الخدمة وشكرا
الاخ هاني السلام عليكم
باكيتة الريجاتا عاملة 210
ممكن تشتريها من محل كماليات او التوفيقية
اشكرك على ردك واهتمامك
انت بتقول معاك ريجاتا 87 طيب عاملة معاك ايه يعنى ثابتة ععالطرق بتستحمل شغل كتير يعنى 100 كم يوميا ومصاريفها الشهرية؟؟
اصل الصراحة الشاهين فيها شوية حاجات مش عجبانى وبقارن الريجاتا والاونو بس مش عارف مين اللى احسن خصوصا ان الانو هتكون موديا احدث على الاقل ب 8 سنين؟
السلام عليكم
حد يعرف يا جماعة الخير
الجرايد الاستانلس اللي على الابواب بتيجي منين
الاستاذ menaaa87 الريجاتا اقوى من الاونو بشرط الحالة والموديلات الاعلى مش مقياس على قوة العربية الاونو شبابية موتورها يبدْ من 1100 الى 1300 اما الريجاتا 1300 و1500 و1600 وبتاعت شغل بشرط الحالة كما ذكرت وشكرا
العربية عندك شغالة الكترونى
الى الاخ mzmr عربيتك شغالة الكترونى ولا لأ انا تلفونى 01225587167
العربية عندى بتأخلر فى الوارة لما اسيبها 8 ساعات مثلا
العربية عندى بتأخلر فى الدوارة لما اسيبها 8 ساعات مثلا مع أستهلاك عالى فى البنزين الصفيحة بتعمل 100 كيلو
نظف الكربراير واكشف على طرمبة البنزين وراجع على طقم الكهرباء
السلام عليكم انا عربيتي ريجاتا 84 ومحتاج فردتين كاوتش استعمال نظيف لان الحالة لاتسمح الان بشراء جديد:36_1_40[1]:
هي مقاس 13 وشكرا
ده موقع خاص بقطع غيار ريجاتا الاصلية موقع اسبانى او ارجنتينى تقريبا ياريت لو حد يعرف فى الاستيراد والكلام ده يحاول يراسلهم ويشوف ايه الموضوع
Repuestos Fiat Regatta - Repuestos en Accesorios para Autos - MercadoLibre Argentina
اشكرك جدا باش مهندس حسين بجد انت واحد من الناس اللى حببتنى فى الريجاتا واستفدت من حضرتك كتير جدا لان دى اول عربية ليا فى حياتى وبقيت واقف مع الميكانيكى بيظبط فيها شوية حاجات من كتر قرائتى للمواضيع بقيت فاهم كل حاجة . اشكر جميع الاعضاء
وشكر خاص للمهندس حسين
السلام عليكم زرحمة الله وبركاته
احب ان ارحب اولاً بجميع اعضاء الرابطة الكرام والذي قد تم الاستفادة كثيرا من خبراتهم العظيمة في تحليل مشاكل السيارة الحقيقة اقل ما يمكن ان يقال عنها انها سيارة محترمة...
ثانيا : لي استفسار عن فتيس السيارة لما بارجع مرشدير بالسيارة بحس زي ما يكون في تكسير للتروس و الغيار بينطر ( 2 ) الاول عندي كويس لما العربية بتمشي وتسخن بلاقي الغيار الثاني والثالث بيجوا بصعوبه ويعملوا صوت و كأني مش دايس دبرياج ( 3 ) السيارة علي الثاني والثالث بيبقي فيها صوت ونه ولما بدوس دبرياج الونه بتروح ....
اعتذر عظيم الاعتذار علي الاطالة وشكرا :tumb:
اشكر حضرتك استاذ هاني ريجاتا علي سرعة الرد بالنسبة للدبرياج هو تقيل شوية علشان انا لما لقيت صوت الغيارات بيزعق شديت سلك الدبرياج شوية
اين خبراء الريجاتا العباقرة في الرابطة لحل تلك المشكلة
مشكلة حضرتك ف غوايش الفتيس .. ممكن تجرب احد الحلول التالية :
1 - تشتري فتيس استيراد + تغيير طقم الدبرياج اللى جاي معاها لو مستهلك فقط
" مش عارف سعرة حاليا بصراحة بس ف حدود 500 ج لو نوفا "
2 - تغير غوايش التانى والتالت + المرشدير + تغيير البرميل + بلية
التكلفة ف حدود "350 ج " بالكتير بدون طقم الدبرياج
وبعد متخلص تركب ديسك واسطوانة جددد وهتنسي المشكلة دي تماما ان شاء الله
الف شكر يا باشمهندس حسين علي سرعة الاستجابة للرد علي المشكلة وده عشمي في اعضاء الرابطة المحترمين امثال حضرتك وتشرفت بالرد عليا الف شكر وان شاء الله هصلح المشكلة وارد علي حضرتك
الاستاذ hoda3010
انا لسة مغير طقم دبرياج قبل العيد علطول ديسك واسطوانة وبلية
الاسعار عند الكيلانى لريجاتا نوفا 1988
لوك المانى =650جنيه
نوع اسمه تقريبا مكير قالى ده ايطالى تجارى=350 جنيه
سلك دبرياج ايطالى محفور على الصامولة بالون النحاسىmade in italy
=30جنيه
الاستاذ hoda3010
انا لسة مغير طقم دبرياج قبل العيد علطول ديسك واسطوانة وبلية
الاسعار عند الكيلانى لريجاتا نوفا 1988
لوك المانى =650جنيه
نوع اسمه تقريبا مكير قالى ده ايطالى تجارى=350 جنيه
سلك دبرياج ايطالى محفور على الصامولة بالون النحاسىmade in italy
=30جنيه[/QUOTE]
الف شكر الاستاذ </B>hany regata بس انا الريجاتا اللي معايا عادة مش نوفا يا تري هتفرق في الاسعار ولا هم زي بعض:what:
الف شكر الاستاذ </B>hany regata بس انا الريجاتا اللي معايا عادة موديل 1984مش نوفا يا تري هتفرق في الاسعار كتير ولا هم زي بعض:what:
سبحانك اللهم وبحمدك ، أشهد أن لا إله إلا أنت أستغفرك وأتوب إليك
المهم في هذا الموضوع ان العربية دي محترمة تستاهل الاعتناء بها انا كان معايا بيتلز حاجة تفوق الخيال في التحمل والعمل الشاق بس بعتها للاسف علشان صغيرة علي اسرة واشتريت السيارة اللي قارفة الشعب المصري ( عفوا ) 128 بس بصراحة طلعت عيني وكنت خلاص قربت اكره العربيات كلها بسببها الي ان قمت بشراء الريجاتا ( معشوقتي من صغري ) بس خايف اكرها هي كمان اسف علي الاطالة
استاذ hoda3010
الكيلانى
فى 21ش شامبليون - معروف
25799069
25758439
ممكن تتصل بيه وتستفسر
السلام عليكم يا اهل الرابطة وخبراء الريجاتا
انا عندي ريجاتا 89 نوفا وعاوز استفسر على حاجة
امبارح وانا ماشي بالعربية البطارية فضيت وكان الطريق زحمة جدا فكنا واقفين كتير ودورتها زق وبعد كدة شحنت من المشوار
بس السؤال بقة انا ابتدايت الاحظ الالكتروني اللي في التابلوة عندي لاحظت ان لمبة البطارية وانا واقف بتنور وتقفل وانا ماشي سريع او مجرد ما ادوس سنة بنزين اللمبة تطفي فده معناه ايه ؟
انان سالت واحد قالي العربية عاوزة تعلى شوية علشان الدينمو يشحن
وياريت لو حد عارف في الالكتروني ده يقولي يعني ايه اللمبة تنور وتطفي ويعني ايه لما تكون مطفية على العلم اني مجرد ما افتح كونتاكت اللمض كلها بتكون منورة
واسف على الاطالة
وشكرا للجميع
حصلت معايا اول مشتريت العربية ودورتها زق لحد الدينمو ميشحن البطارية وهتشتغل معاك عادى طول اليوم وتصحى تانى يوم الصبح تدور العربية هتعملها تانى
بس الاول روح لحد بتاع بطاريات واتاكد من البطارية لانى فى الاخر اشتريت بطارية جافة
ودفعت فرق بطارية جديدة 380 جنيه كلورايد 70 امبير