قدر الله وما شاء فعل والحمد لله على كل حال وأهلآ بك
عرض للطباعة
قدر الله وما شاء فعل والحمد لله على كل حال وأهلآ بك
انا زهقت من عربيتى بجد و مش لاقى لها حل العربية مش بتعدى 100 و يوم لما عدت جابت اخرها 120 ياريت اعرف سبب المشكلة
رأى المتواضع هو كالاتى
تغير فلتر البنزين وده ممكن تشوفه وتفكه وتنفخ فيه سالك يبقى تمام متغيروش
فلتر الهواء لو مكتوم يبقى محتاج تغيير
تنظيف الكربراتير وبكاته
ده رأى ومنتظر رأى الاخرين
وخصوصا رأى الاستاذ نايس ايجبت قلوبنا معاه فى الحادث الذى الم به
والاستاذ احمد زنجر والاخ ريجاتا
بالنسبة للسرعة القصوى فرأيي حتى لو اخر العربية 100 ك زى الفل .. بلاش السرعات العالية وانا مجرب
من ناحية الحل عليك بالتأكد مما قالة الاستاذ عمرو .. كلامة سليم 100 %
المفروض ان دة من الصيانات اللازمة او الدورية .. تأكد اولاَ من كل نقطة ذكرها استاذنا عمرو جزاة الله كل خير
لو متأكد ان كل الحاجات دى مظبوطة وزى الفل عليك بالاتى :
اولا : السرعة القصوى بتتحدد حسب حالة موتورك .. هل متأكد ان موتورك حالتة سليمة ؟؟ اخر عمرة لة كانت امتى ؟
هل بياكل زيت ؟ هل فية بخرة زيت ؟ هل فية اي لون من الوان الدخان من الشمكان ؟؟
ثانيا : التاكيهات لها عامل كبير جدا ومؤثر بالنسبة للسرعة .. امتى اخر مرة ظبط فيها تاكيهات ؟؟
بناءاّ على رد حضرتك هنبدء ناخد الخطوات التالية .. فى انتظار ردك على الاسئئة دى .. وتتأكد مما قالة استاذ عمرو اولاَ وتقولنا ..
هى العربية عندى طبعا بتابع معها الصبانات الدورية و كل الفلاتر و السيور جديدة و الكربراتير لسة منضفة من كام يوم و التاكيهات مظبوطة صوتها مش عالى و البوجيهات جديدة انا عندى الاسبراتير الكترونى هى المكنة خفيفة شوية بتاكل زيت بس كل فين و فين و مابطلعش اى دخان من الشكمانبص انا بحس كده ان العربية مخنوقة فى المشى حتى لما اجى احرق عليها صوتها بيعلى و مابتجريش انا كنت راكب قيليها 27 توب كانت بتجرى عنها سؤال تانى بقى الار بى ام عندى لو انا واقف و دوس بنزين جامد شوية و شيلت رجلى تحس انها رعشت جامد و عايزة تبطل و بعدين تظبط نفسها والار بى ام مش بيوصل للريد زون يعنى لو وصل 4 صوتها بيبقا عالى و طبعا مافيش سحب خالص و بحطلها 90 ممكن يكون الحوار ده من طقم الدبرياج ؟؟؟؟