رابطه محبي ومالكي الريجاتا

**ahmadhussein** · 18-10-2011 03:52 PM

المشكله يا رجاله ان الغيار الاول مش بيزعق هو كانه بيحك فى حاجه وده كان نفس اعراض الديسك اللى قابله بس لما كان لسه فى اوله وبعدين بقى يزعق .
والحكه دى بتحصل لما ببقى واخد مشوار بالعربية وبتبقى سخنه وواقف مثلا فى اشارة واجى اجيب الاول
الغريبة بقى ان بعد لما بتحصل ممكن امور تانى واجيب الاول تانى مايحصلش حاجه !!!!!!!!!
وده كله مش بيحصل وهى بارده بيحصل لما بتسخن بس

**nicegypt** · 18-10-2011 03:57 PM

المشاركة الأصلية كتبت بواسطة ahmadhussein

المشكله يا رجاله ان الغيار الاول مش بيزعق هو كانه بيحك فى حاجه وده كان نفس اعراض الديسك اللى قابله بس لما كان لسه فى اوله وبعدين بقى يزعق .
والحكه دى بتحصل لما ببقى واخد مشوار بالعربية وبتبقى سخنه وواقف مثلا فى اشارة واجى اجيب الاول
الغريبة بقى ان بعد لما بتحصل ممكن امور تانى واجيب الاول تانى مايحصلش حاجه !!!!!!!!!
وده كله مش بيحصل وهى بارده بيحصل لما بتسخن بس

المشكلة اللى عندك مش مشكلة ديسك واسطوانة
اكشف ع الفتيس الاول
انت محتاج تروح لبتاع فتيسات محترم
يكشف لك على الغوايش بتاعة الفتيس والبلي بالمرة
يعمل كشف كامل
غالباَ هتغير غويشة الاول والتانى + برميل + بلي
واكشف ع الديسك والاسطوانة المفروض يكونوا زى الفل
ركبهم زي ما كانوا وان شاء الله تتحل المشكلة ..
لو تقدر تصور لي بموبايلك علبة الديسك والاسطوانة .. العلب او الاسطوانة والديسك نفسهم
عشان اقولك دة اصلي ولا مضروب
بالنسبة لموضوع ان الفتيس بيتغير بعد السخونة .. السبب ان الفتيس نفسة خشن جداَ
والزيت لما بيكون بارد بيزيت كويس وبالتالى مش بتحس بمشاكل .. بمجرد الزيت ما يسخن ويتحول لصورة سائلة
يبدء مشاكل الفتيس ف الظهور وبالتالى محتاج تغيير الزيت دة باردو .. حضرتك بتستخدم نوع اية ؟ ا