هقول لحضرتك . الموضوع ببساطة ان الزيت التقيل خصوصا المخلوط بشحم لما بتكون العربية باردة
وبتحاول تدورها التروس جوة الفتيس كلها بتلف بفعل الزيت التقيل اللى تحول لشحم متجمد وهو الخطأ اللى بيخليها تتأخر
فى التدوير وهتلاحظ حتى بعد ما تدور هتبطل بسرعة ولما تسند لها بنزين هدور معاك .. لذلك للهروب من الموضوع دة :
يأما الضغط ع الدبرياج لفصل الفتيس عن الموتور وبالتالى المارش لما يلف مش هيتأثر بثقل تروس الفتيس
يأما تغير الزيت وهو الافضل بزيت فلفولاين خفيف .. لذلك هتلاحظ انك لما تدور العربية ف الصيف بدور بسرعة
ولو ركنتها 3 اربع ساعات وجيت تدورها هتدور .. انما لما تبات وتيجي تدور تاني يوم مش هدور

هضيف معلومة لاسباب تأخر الدوارة ف الصباح بعد تجارب ومصاريف ووصلت لحل المشكلة بشكل جذري
الحمد لله :
1 - عطل ف تشوك الكربراتير : الحل اصلاحة عند متخصص كربراتير
2 - ابرة رداخ البنزين : لو لاحظت ف الصباح ان فلتر البنزين فارغ .. بينما يكون ممتلئ بعد ادارة السيارة
يبقى المشكلة ان ابرة الرداخ ضعيفة وبالتالى البنزين بيرجع مرة اخري داخل خرطوم البنزين وهو ما يعطل ادارة السيارة ف الصباح
لو الكربراتير سليم ورداخ البنزين سليم والفلتر بيكون مليان بنزين الصبح قبل التدوير يبقى نروح لرقم 3
3 - زيت تقيل داخل الفتيس : الحل الضغط على الدبرياج اثناء التدوير لحد ما العربية تدور ويفضل فى حالة
لو الفتيس سليم تغييرة بزيت خفيف ف فصل الشتاء

حسب تجربتى الشخصية مفيش اسباب اخري لتأخر تدوير السيارة ف الصباح طالما كهربة العربية سليمة مفيش غير الثلاث نقاط دول .. جرب تضغط على الدبرياج قبل ما تدور وقولي النتيجة
ملحوظة : عربيتى بفضل من الله بتدور من المفتاح ف الصباح زي الفبريكة