بسم الله الرحمن الرحيم
بإذن الله يا اخواني انا نويت اجدد الريجاتا بتاعتي هيا موديل 87 عادة
طبعا اول حاجة البارومة كتير في العربية وخصوصا في الابواب الاربعة من تحت .. بالإضافة طبعا الدواسة فيها بارومة وفيه عتبة كويسة وفيه عتبة عاوزه فيها شغل كتير .. ودهان ورش كامل
روحت لواحد في الاول قالي السمكرة 1200 والدهان 1500 بس ما اتكلمتش معاه كتير وما فحصي العربية كويس ..
روحت لواحد معرفة بوهيجي .. وداني عند سمكري معرفة فحصها كويس وكان باين عليه انه فاهم قالي 1500 وصلتها معاه 1300 .. البوهيجي بقى اللي معرفة قالي لو حد غيرك انا هحسبها 2500 لان فيها حاجات دواخل لازم تترش نضافة وعلى كلامة هيظبطهالي من الالف للياء .. المهم حسبهالي 2000 (انا بقول كتير بصراحة) ..
روحت لاستورجي هيعملي فرش للكرسيين والكنبة وفرش الارضية وهيظبط فرش الشنطة كله جلد (مش درجة اولى بس شغال كويس) قالي 800 جنيه ..
سئلت الكهربائي على الضفيرة قالي بتيجي جاهزة وبتعمل من 500 لـ 600 ده غير التركيب (مش عارف ممكن ياخد تركيب كام) بس مهم اني اغير الضفيرة عشان الضفيرة عندي تعبانة .. هيا مش ضايفة بس تعبانة وطالما هفك واصرف يبقى بالمره ..
يا ريت اللي عندو نصيحة او اللي شايف اني ممكن اعمل حاجة او حاجة سعرها اعلى .. يديني رأيه ..
وجزاكم الله خيراً
التكلفة المبدئية كده انا بقول هتوصل لـ 5000 مش عارف كتير ولا ده العادي يا ريت رأيكم برضو ..