اقتباس:
المشاركة الأصلية كتبت بواسطة micro4e
استاذى الفاضل انت متحامل اوى مع ذلك انا سعيد جدا ان فى نقاش والرأى والرأى الاخر كل دا جميل
انا مش متحامل ولا حاجة... احنا بنتكلم بالمنطق فقط لاغير و يا تقنعنى يا اقنعك
اقتباس:
بالنسبة لعمل الجهاز كموفر بنزين مفيش فيه نقاش
التعميم دة غير مقبول خصوصا ان مفيش اى دليل علية غير الاعلانات و كلام منتجى الجهاز.... كل واحد قابلتة و كان له تجربة مع الجهاز قال انة معملش اى حاجة
اقتباس:
والمنتج واخد ايزو ودا اكبر شهادة محايدة فى العالم بين المصنع والمستهلك
شهادة الايزو ملهاش علاقة بكفائة المنتج... دى شهادة خاصة بالstandards بتاعت التصنيع فى الشركة... يعنى انا لو فتحت شركة بتنتج ظلط ممكن اخد ايزو زيكم بالضبط... لاكن دة لا يعنى ان الزلط بيوفر بنزين
اقتباس:
وبكدا يبقى اى كلام فى التقنية غير مجدى
مرة تانية التعميم غير مقبول لان مفيش دليل على كفائة المنتج غير اعلانات الناس اللى بتبيعة
اقتباس:
لان مفيش مصرى واحد فى ال 80 مليون قادر انه يصنع حاجة زى دى ولا عمل عليها دراسة ولا ابحاث عشان يثبت انها فعالة او غير فعالة
فين المنطق هنا؟؟؟ هل معنى ان مفيش مصرى صنع جهاز بيوفر بنزين اننا نبيع اى حاجة نقول عليها انها بتوفر؟؟ الموضوع مش بمين اللى يلحق يبيع... المهم المنتج بيعمل اللى بيتقال ولا لا
اقتباس:
والمغناطيس اللى هو ابسط من البساطة هى الفكر مش معقدة بس مش بسيطة ولو هى بالدرجة دى ايديى على كتفك انا مهندس ومعايا مهندسين كتير نفتح مصنع حاجات بسيطة ونعمل منتجات بسيطة ونبيعها بسعر منافس ... انا اتمنى والله احسن ما نستورد من برة .
كلام جميل و زى الفل... بس ننتج حاجات بتحقق فعلا اللى المفروض تحققة و تفيد المستهلك
اقتباس:
وللعلم موقع ebay مستحيل تلاقى عليه حاجة مش فعالة او منتج وهمى لان دا افضل موقع فى العالم وبيتحرو الدقة فى كل شئ
للعلم ebay من اكتر السايتات اللى عليها مزابل... انا شوفت عينات من الturbonator و الperformance chip و الكلام الفارغ دة كلة و باسعار عجيبة لا تتناسب مع طبيعة المنتج ولا ليها اى لزمة فى الاصل و الاعتماد كلة على الكلام الحلو المتزوق اللى بشد الزبون و بعد ما يشترى... كل سنة و انت طيب
و ايه رائيك انى شوفت اعلان على ebay لواحد بيبيع كرتونه MP3 player؟؟؟ ... و الله العظيم بيبيع الكرتونة بس و ال bidding وصل 50 دولار على الرغم من ان الراجل كاتب فى تفاصيل المنتج ان دى علبة كرتون فقط و مفيش جواها حاجة.... ebay مليان هجس بالعبيط
اقتباس:
وبالنسبة للتجربة على المحرك الصغير دا الصح عشان انا مش هجيب محرك عربية واجربه قدام العميل عشان يصدق المنطق بيقول اللى يمشى على النموذج يمشى على اللى اكبر منه ولكن فى scale فى التوفير طبعا
طيب و لية متوريش العميل تجربة عملية؟؟؟ و هل موتور اللعبة زى موتور العربية الكبيرة من ناحية التصميم و ظروف التشغيل و نوعية الوقود؟؟؟؟
اقتباس:
بالنسبة للسعر العجيب فهو ارخص 50 ج من ناس تانية بتبيع نفس المنتج ومبتديش الضمانات دى
القصة مش انك ارخص من حد تانى... المهم انت بتبيع ايه بكام... هل من المنطقى ان واحد يشترى مغناطيس ب 250 جنية؟؟
انا شوفت choco chip بتتباع فى مول الفرسان ايام ما كان فاتح ب 750 جنية فى حين ان الchip دى عبارة عن مقاومة بعشرة صاغ عند النخيلى
اقتباس:
... لو تعرف تجيب بسعر اقل اهلا وسهلا وياريت تقولنا سعرك كام .
انا لا ببيع ولا بشترى ولا بصنع بالتالى مليش سعر
اقتباس:
بالنسبة لل money back guarantee اللي يقولك كدا فى مصر يبقى بيعمل ضجة بس عشان يبيع ... وليه بقى اجاوبك مع انها اسرار شغل
حضرتك لما بتدفع انا بديك فاتورة وبتدخل دفتر وبتتراجع مع الضرايب وبدفع عليها ضريبة ... ومش معقول ابيع منتج وادفع ضريبته وفى الاخر حضرتك تيجى ترجعه ... باختصار الضرايب لا تعترف بحاجة اسمها money back guarantee ..
اصل الفاتورة طالما معاك و دبستة فى دفتر فواتيرك من حقك تلغيها بكامل قيمتها و تسترد ضريبة المبيعات اللى انت دفعتها من اقرار ضريبة المبيعات بتاع الشهر التالى لشهر البيع... و لو بتتكلم على ضرائب الارباح التجارية فا دى بتتحسب على رقم المبيعات اللى اتحقق فى نهاية السنة المالية و بالتالى ال 60 يوم يغطوك و زيادة
انا خريج تجارة و اشتغلت محاسب قبل ما انقل لمجال الIT
اقتباس:
وبالنسبة لتركيب الجهاز فهو سهل جدا لما تشوفه هتعرف انه بينطبق على بعضة ومينفعش ابدا يكون معكوس او راكب غلط لانه مش بيركب غير متطابق
انا مش قصدى التطابق... انا قصدى الاتجاهات... يعنى القطب الموجب حيبقى ناحية الطلمبة و لا ناحية الرشاشات/الكربراتير؟؟؟؟
اقتباس:
_ ملحوظة : ان الجهاز بتركب قبل الكربراتير او الانجكشن مباشرة بعنى تأثيره بيفضل موجود
مباشرتا يعنى المسافة المطلوبة قد اية؟؟... يعنى على مسطرة رشاشات بتاعت اى عربية انجكشن حيبقى الجهاز بعيد عن الرشاشا اللى على الطرف بحوالى 40 سنتى... هل دة يعتبر "مباشرتا" ولا لا؟؟
اقتباس:
الاهم من كدا على رأى حضرتك .... احنا بنبيع من الجهاز دا كويس جدا لشركات ومؤسسات وافراد
منا طلبت قائمة باسماء الشركات دى عشان نسالهم و انت مقولتش ولا اسم... صح؟
اقتباس:
ولو عايز نقطع الشك باليقين ........... خد جهاز جربه ومتدفعش اى فلوس حتى يطمأن قلبك بس لو اشتغل وان شاء الله دا اكيد
حضرتك بالذات هتدفع 500 ج وهتعزمنا فى الشركة على الغدا
حلو قوى الكلام دة... انا يوم الخميس ان شاء الله حبقى فى مقابلة رجالة الدايو بالمقطم... قابلنا هناك و هات معاك الجهاز عشان اجربة... و لو طلع مبيشتغلش انت بقى اللى حتعزم قسم الدايو على الغدا
اقتباس:
تقبل فائق التقدير والاحترام استاذ MMamdouh
شكرا لذوقك
MMamdouh