دعوة للنقاش المفتوح حول ماتور اللوجان و السيمبول ؟؟؟

**tofy_urban** · 01-09-2009 12:06 AM

اولا سلام عليكم جميعا
ثانيا ياريت كل من لديه معلومة و خبرة يشارك علشان الاستفادة للناس اللي انا منهم و ياااااااااااااريت بلاش علشان احنا في رمضان و بلاش ادعي علي حد انا دعوتي ممكن تستجاب بس انا هادعي و اقوله ربنا يتقبل منك صيامك و يجعله في ميزان حسناتك ,,, علشان انا مش بدعي علي حد
ندحل بقي في الموضوع
دلوقتي ماتور اللوجان هو ماتور الميجان 92 تقريبا علي ماتذكر و ماتور السيمبول ماتور الكليو 98 طيب مش ده كده عيب رئيسي في مكون هام جدا من مكونات العربية لان لما الواحد يجيب عربية ماتورها قديم كده و يفتقد كل التكنولوجي الجديدة اللي نازلة في الماوتير التانية مش هاقارن بالهوندا لان ماتورها متطور اوي لكن مثلا ماتور الفيرنا و النيو اكسنت ماتور قوي جدا و موفر في البنزين طيب مش كده احنا ممكن نكون بنضحي بالماتور علشان نكسب حاجات تانية في العربية طيب التضحية دي مقبولة ولا الماتور حاجة مش ممكن نضحي بيها علي العموم مستني ارائكم و نتناقش في الموضوع مع بعض و ياريت اطلع غلط علشان عيني هاتطلع علي السيمبول و نفسي اجيبها بس مقلق من الموضوع ده و من قطع الغيار

**Ahmed Selim** · 01-09-2009 12:22 AM

على حسب معلوماتى أن موتور السيمبول هو هو موتور الكليو ال 2004 أو 2005 و دى حاجة طبيعية شوية

يعنى مثلاً عندك بى أم.....موديلات ال 84 و أنت طالع لحد 88 تقريباً كانت هى هى و بعد كده فى 89 لحد 91 أتغيرت المواتير مع أن العربية كان شكلها واحد
الموديل اللى بعده اللى هو 91 و 92 نزل بشكل جديد تماماً ( الدبانة ) و نفس المواتير السابقة و بعدها بفترة أتغيروا تانى و العربية كانت لسه فى نفس الشكل.

و الله أعلى و أعلم.

**Ahmed Selim** · 01-09-2009 12:42 AM

يا باشا ده من بعض ما عندكم

موتور اللوجان هو موتور الميجان ال 99 كمان مش 92
و ده طبعاً عشان تبقى بسعر منافس.....و فى نفس الوقت موتور كويس جداً و خصوصاً على حجمها الأصغر من الميجان 1

**gebreel** · 01-09-2009 01:00 AM

متابع باهتمام

**Ahmed Selim** · 01-09-2009 01:17 AM

المشاركة الأصلية كتبت بواسطة tofy_urban

كمان يعني معلومة 92 طلعت غلط ... طيب تقييم الماتور ده و ده مقارنتاً بمواتير جديدة زي الفيرنا اللي ماتورها شديد و زي النيو اكسنت مثلا او بالريو و ياريس بالنسبة للسيمبول

محمد عادل أمين هو اللى يقدر يفيدك عشان معاه ميجان 1

دى المعلومات اللى أعرفها عنه

موتور 1600
كامة واحدة و 8 صباب
القوة الحصانية 90 حصان على 5000 لفة
العزم 133 نيوتن على 4000 لفة