انا مقلتش ان الفيوز ضرب ولا حاجه . انا كنت بقول فصل بس . الفيوز مضربش بس هوا كان متشعر واتحرك من مكانه فراحت فاصله كهربا. بس
عرض للطباعة
انا مقلتش ان الفيوز ضرب ولا حاجه . انا كنت بقول فصل بس . الفيوز مضربش بس هوا كان متشعر واتحرك من مكانه فراحت فاصله كهربا. بس
معلش, الحمد لله انها كانت بسيطة و جت على قد كدة
حانشوفك بقى يوم الجمعه ياو حش في الربوة بس هات معاك علبة فيوزات احتياطي :D
طيب الحمد لله إنها جت علي أد كده ,
هو حضرتك وديتها التوكيل و للا إتصلحت فين ؟؟ أصل إنت بتقول إنها إتظبطت بالكمبيوتر , يعني في التوكيل و للا في حد تاني بره التوكيل بيظبط بالكمبيوتر ؟؟ معلش سؤال كمان , العربية بتتحسن لما تتظبط بالكمبيوتر ؟
لا انا بعتبر التوكيل ده زى اى حرامى غسيل فمش بتعامل معاه الا فى الشديد القوى . فيه مركز قرب المطار متخصص فيات بس وصاحبه كان مهندس فى التوكيل وعنده كل حاجه وكل اللى شغالين معاه كانوا فى التوكيل. عنده كل قطع الغيار والروافع وعنده الكمبيوتر بتاع العربيه وده طبعا كسر لاحتكار التوكيل للموضوع ده . الناس هناك طبعا كأنك فى التوكيل بالضبط من ناحيه الشغل والكفاءه لكن مع الفرق الرهيب فى الاسعار. كل اسعاره بسعر المحلات التجاريه بره واصليه طبعا . ساعات بتبقى اغلى حاجه بسيطه لكن انت ممكن تجيب حاجاتك بنفسك محدش هناك هيقولك لا.
الكمبيوتر مهمته يكتشف اعطال العربيه هوا بيقولك فيه مشكله فى كذا وكذا وكذا بحيث تقدر تظبط الحاجه اللى فيها مشكله وغير كده بيعمل ضبط لللاعددات بتاعه كنترول العربيه فبالتالى بتتضبط فى كل حاجه خصوصا استهلاك البنزين.
كفايه اقولك انى اول ما اشتريت العربيه كان فيها مشكله وكانت ساعات بتبطل لوحدها لما اجى افصل الغيار عشان اهدى بالعربيه.رحت التوكيل كشف عليها بالكمبيوتر وقالولى الthrotle body عاوز يتغير . كام يا عم 3700 غير المصنعيه.
رحت للمركز ده سألته عليه قاللى 2000 جنيه بس انت عايز تغيره ليه قلتله عشان كذا وكذا قاللى متستعجلش استنى نفكه وننضفه الاول وبعدين نشوف وقد كان . فكوه ونضفوه بالاسبراى وكان بينزل طين قدامى. وبعدها ركبناه والحمد لله المشكله اختفت تماما ربنا يديمها علينا وفى الاخر اخد كام ؟ 20 جنيه مصنعيه + 40 جنيه ضبط الكمبيوتر ودمتم
يا ادهم باشا معلش بقى اعفينى من المقابله الجايه . رايح ازور رجاله العيله اللى دخلوا كليه الشرطه . اصلهم يا عينى وحشونى وبيقولوا عليهم متبهدلين فهروح اشوفهم اللى عاوز شيكولاته اجيبله واللى عاوز لبان وكده فمعلش اعفينى بقى من المره دى المقابله الجايه باذن الله و ان شاء الله هبقى اجيبلك معايا دسته فيوزات ومن افخم الفولتات
أنا فاكر فعلا مشكلة ال throttle body اللي إنت كنت فيها , لكن معرفتش إيه اللي إنت وصلتله , المهم الحمد لله إنها ‘تحلت ,
بالنسبة للمركز بتاع المطار , مش ده اللي في بنزينة التعاون ؟؟
اه يا باشا هوا اللى فى بنزينه التعاون . هوا حد اشتكى منه ولا حاجه ؟؟؟
ممكن يا باشا تقولي عنوانه بالظبط لأن أنا لا أعرف منطقة المطار جيدا
و بعدين هل هم يصلحون البونتو ؟
و ممكن أرقام التليفونات كمان :?: :?:
شكرا
لأ خالص , دول ناس كويسين و زوق , أنا بسأل لو في حد تاني هناك ,اقتباس:
المشاركة الأصلية كتبت بواسطة Mostafa
حضرتك و إنت ماشي في صلاح سالم إتجاه المطار , في آخر كوبري , اللي هو كوبري المطار , تكمل فيه علطول ( ماتنزلش في النازلة الشمال لأن دي لطريق السماعيلية ) , ح تلاقي طريق المطار , تمشي فيه لقرب آخره , فيه شارع يمين ( اللي بيودّي علي قرية البضائع ) تدخل في الشارع ده , ح تلاقي أدامك علي اليمين بنزينة تعاون , مركز الصيانه ح تلاقيه في آخر البنزينه .اقتباس:
المشاركة الأصلية كتبت بواسطة tutankhamoun
المسئول هناك هو الباشمهندس عادل . رقم موبايله :0127842442 , ممكن حضرتك تتصل بيه تتأكد من تصليح البونتو عندهم , لكن أعتقد إنهم بيشتغلوا في البونتو عادي .
هما بيشتغلوا تقريباً من الساعة 11 .