العربيه قلت بأصلها معايا - المره الاولى

**Mostafa** · 30-10-2007 02:02 AM

صباح الفل يا رجاله. من نص ساعه، لاحظوا انها دلوقتى 2 بالليل. قلت انزل احط بنزين فى العربيه وارجع على طول عشان ما اتعطلش الصبح وانا رايح الشغل.
اولا العربيه فيات سيينا HL 1600 عشان تعليمات الساده المشرفين
العربيه عندى المفروض انى بفتح اول تكه فى الكونتاكت،لمبه الانجكشن بتنور،بسمع صوت طلمبه البنزين،لمبه الانجكشن بتطفى،بعدها بدور العربيه.
طلعت بالعربيه مفيش 200 متر وبعدين هوب لمبه الانجكشن نورت وبعدين طفت وراحت العربيه مبطله.
جيت افتح الكونتاكت تانى،ولا لمبه الانجكشن نورت ولا سمعت صوت الطلمبه ولا العربيه عاوزه تدور.
لاحظوا ان لمبه البنزين كانت منوره.
حاولت ادورها كتير بس العربيه مغمى عليها بعيد عنكوا.
انا بقول يا اما طلمبه البنزين قطعت يا اما الانجكشن اتسد. ايه رأيكوا فى الموضوع ده.افيدونا افادكم الله.

**CryptonX** · 30-10-2007 02:19 AM

حصل معايا نفس الشيء , سيارتي فيات باليو 1300 ( اخت السيينا الصغيرة )

وللأسف كانت الطلمبة ! و السبب كان بنزين مغشوش و بنزين 90 ! و ترك التانك يفضى على الآخر ( على كلام المهندس بتاع الصيانة )

طلمبة البنزين بتاعتي ب 1250 جنيه من التوكيل , بتاعت حضرتك ب 900 من التوكيل ..

معرفش موجودة برة ولا لأ .

**Mostafa** · 30-10-2007 03:13 AM

على فكره يا أ كريم انا قريت الموضوع بتاعك اللى كتبته لما الطلمبه عندك باظت . هوا مختلف شويه عن عندى . لان عندى لمبه الانجكشن مش بتنور والعربيه قاطعه خالص مش راضيه تدور. اعتقد عندك كانت بتدور وتبطل

**modux** · 30-10-2007 05:42 AM

حصل معايا الموضوع قبل كده و كانت فعلا طلمبة بنزين
جبتها مش بوش اللي في شارع دمشق ب 950
بضمان سنة

:neutral: :neutral:

**Abdallah** · 30-10-2007 01:46 PM

اعتقد ان دى طلمبة البنزين عطلت او سلك من اسلاكها فصل او العربية شطبت بنزين خالص.

**badblood** · 30-10-2007 04:09 PM

يمكن طلمبة الله اعلم
بس لوكده ولو حتجيب واحده جديدة اصنصحك بطلمبه بوش الماني عفيه وزي الفل

**Mostafa** · 30-10-2007 04:40 PM

خلاص يا رجاله الموضوع خلص. وطلع اقرب ما يكون للى توقعه الباشمعندس عبد الله. (اللى شكلى معاه وحش قوى اليومين دول بس ان شاء الله هاقابله هاقبله) . الموضوع وما فيه ان فيوز فصل. اه والله الفيلم ده كله طلع فيوز. العربيه فيها علبه فيوزات جنب البطاريه فيها فيوز للانجكشن وفيوز لطلمبه البنزين. الفيوز بتاع الانجكشن كان متشعر وفصل.يلا اهى تعويره والسلام ، دفعت 130 للونش اللى شال العربيه. و70 ثمن فيوزات جديده و ضبط العربيه على الكمبيوتر ومصنعيه واكراميه والذى منه. (يعنى شيل العربيه اغلى من الموضوع كله)
المشكله انى عمرى ما توقعت انها تكون مشكله كهرباء على اعتبار ان كل كهرباء العربيه كانت شغاله زى الفل والفرق الوحيد انه لا لمبه الانجكشن كانت بتنور ولا الطلمبه كانت بتشتغل.
الحمد لله كله فدا الوطن

**Santino** · 31-10-2007 06:44 AM

طيب و عرفت السبب اللي خلي الفيوز يضرب ؟ لازم تعرف إيه اللي حرقه علشان الموضوع ما يتكررش , لأن كده إنت حليت المشكلة اللي باينه ادامك لكن ماحليتش أصلها .

**eng_mkhalaf** · 31-10-2007 10:02 AM

المشاركة الأصلية كتبت بواسطة SONNY

طيب و عرفت السبب اللي خلي الفيوز يضرب ؟ لازم تعرف إيه اللي حرقه علشان الموضوع ما يتكررش , لأن كده إنت حليت المشكلة اللي باينه ادامك لكن ماحليتش أصلها .

+1

-

الموضوع: العربيه قلت بأصلها معايا - المره الاولى

LinkBack

أدوات الموضوع

عرض

العربيه قلت بأصلها معايا - المره الاولى - انشر الموضوع فى :

-

-

-

-

-

المواضيع المتشابهه

العربيه عملت معايا السليمه

أعتقد ان البيرسونا عملت بأصلها معايا و الحمد لله

المشاركه الاولى لي ... تحسين سحب العربيه وتقليل استهلاك البنزين

هوه المفروض العربيه بتستهلك بنزين كتير اثناء ال1000 الاولى

العربيه بتتاخر معايا فى الدواره

الكلمات الدلالية لهذا الموضوع

المفضلات

المفضلات

ضوابط المشاركة