تحذير هام ....

**beihoo** · 01-09-2009 03:46 AM

لما تاخد عربية جديدة سيات ما تسمعش كلام البياع اللي بيقولك دي متلينة جاهزة .. حسب كتيب التعليمات التللين بيبقى على مرحلتين:
1- أول 1000 كم لابد ألا تضغط على موتور السيارة و سرعتك ما تزيدش عن ثلاثة أرباع السرعة القصوى للسيارة .. و يجب تجنب ال RPM العالي .. يعني لو هاتمشي حتى 150-160 كم في الساعة مفيش مشاكل لكن أهم حاجة إن عداد ال RPM ما يزدش عن 4200.
2- من 1000 حتى 1500 كم مسموح باستخدام السرعة القصوى أو أقصى RPM -قبل المنطقة الحمراء يعني تقريبا 5800- و دي مرحلة بنسميها هنا فتح الموتور.

أنا مش عارف الجهل اللي فيه بتوع المبيعات ده سببه إيه ؟؟ مش معنى إنك ممكن تمشي لسرعات عالية في المرحلة الأولي (نظريا 195كم/س) إن العربية متلينة .. طب اللي عمل زيي مثلا و جرب النقلة S أو حتى التيبترونك و حرق على الغيار لغاية قرب 6000 RPM يعمل فيهم إيه!!

حسبي الله و نعم الوكيل.

**عبد الرحمن اسامه** · 01-09-2009 04:18 AM

انا عربيتي ليون ١٦٠٠ سي سي مانيوال، مكتوب في المانيوال ممكن تمشي علي ١٨٠ كم/ساعة اقصي سرعة، للسرعة الثابتة ، هي تجيب اكتر لكن مضر ليها، و ممكن تشد عليها شوية لو عايز تعدي من عربية مثلا كده بس، لكن ١٨٠ اقصي سرعة ممكن تمشي عليها مسافة، انا جيت من المدينة للرياض علي ١٨٠ و مثبت السرعة مبيسمحلكش تثبتو علي اكهر من ١٨٠ انا مجربتش اجيب بيها اكثر من كده لأنها قربت اوي من الريد زون ، و انا بصراحة عمري ما دخلت الريد زون ديه.

**mr_shims_49** · 01-09-2009 04:40 AM

انا الحمد لله فعلا اول 1000 كيلو ماعدتش ال ار بي ام 3000 و عند 1800 كيلو قرصت شوية و جربت ال s و دخل الريد زوون بس دلوقت عامله 2034 و مابقتش بجري بمشي في العادي بس كل فين و فين كده اجريلي شوية

**masterzmind** · 01-09-2009 05:45 AM

يا باشا متقلقش التلين فى 1000 بس بعد كدة ممكن تقرص عليها عادى ودة vw مش هيونداى مع احترامى لهيونداى طبعاا

**beihoo** · 01-09-2009 12:13 PM

المشاركة الأصلية كتبت بواسطة masterzmind

يا باشا متقلقش التلين فى 1000 بس بعد كدة ممكن تقرص عليها عادى ودة vw مش هيونداى مع احترامى لهيونداى طبعاا

انا مش قلقان و الحمد لله .. المشكلة إن اللي بيبع ده المفروض واحد في التوكيل و لما يفتي فتوة زي دي يبقى بيستهبل ..

تصحيح واجب: في المرحلة الأولى يجب ألا تزيد السرعة عن 165 كم و ليس 195 كم.

**mr_shims_49** · 01-09-2009 12:20 PM

المشاركة الأصلية كتبت بواسطة beihoo

انا مش قلقان و الحمد لله .. المشكلة إن اللي بيبع ده المفروض واحد في التوكيل و لما يفتي فتوة زي دي يبقى بيستهبل ..

تصحيح واجب: في المرحلة الأولى يجب ألا تزيد السرعة عن 165 كم و ليس 195 كم.

يا محمد باشا ابتسم انت في مصر لو الراجل ما افتاش مايبقاش مصري فا لازم يثبت وطنيته

و متقلقش و ان شاء الله خيير انت كنت واخد العربية العداد عامل كام كيلو انا كنت واخد الابيزا كان العداد 71 كيلو
اعتقد ده كانوا بينقلوها من معرض لمعرض مثلا او حاجة ولا ايه رايكوا