المشاركة الأصلية كتبت بواسطة tofy_urban
بص ياسيدي انا واحد من الناس لسه بقارن زيك بين العريتين دول و عندك الفروق اللي وصلتلها
الكماليات : السيمبول فيها كماليات اكتر و سعر اقل
الماتور : السيمبول ماتور اقوي لكن بردو ماتور الياريس مش وحش
الشكل : اذواق طبعا
الثبات : سيبمول ثبات لحد 160 بناءاً علي كلام اصحابها وليس عن تجربة ,, الياريس الكل اجتمع علي انها خفيفة بعد ال 120
الصاج انا شفت الاتنين صاج السيمبول اقوي
السيمبول مصفحة من تحت بالكامل معرفش الياريس نظامها ايه
قطع الغيار : معمرة في الاتنين و قطع الغيار الاصلية قريبة جدا في السعر بين العربيتين و اللي بيقول ان الياريس ارخص بكتير يبقي غلطان لاني بتكلم علي القطع الاصلية لكن الياريس موجود في السوق قطع غيار ليها رخيصة بس مش الاصلي لكن الموضوع ده لسه مش منتشر في السيمبول
التوكيل : طبعا الاتنين لاغبار عليهم باستثناء شكاوي فردية في التوكيلين ولا تكاد تذكر
سعر إعادة البيع طبعا الياريس تتفوق بمراحل لان الرينو محدش بيعرف يبيعها بسهولة و عندك الميجان اكبر دليل
موضوع الميكانيكية ده مش مقنع ازاي اجيب عربية جديدة و ادور علي ميكانيكي يصلحها امال هي جديدة ليه اعتقد ان المفروض اي عربية جديدة لو بتتابع صيانتها مش هتحتاج تروح لميكانيكي فدي مش ميزة لعربية عن التانية و خصوصاً ان اسعار الصيانات متقاربة لكن رينو بيديلك فحص مجاني كل 5000 كيلو
عيب منتشر في الياريس اكصدام امامي ضعيييييييف جدا و الاكصدام مع الشبكة و الوش كله حته واحدة لازم تغيرها مع بعض و ياريت حد ياكد المعلومة او ينفيها قد اكون غلطان بس عموما اكصدام الياريس ضعيف و بيقع من اضعف خبطة
الياريس فيها 2 ايرباج مش واحدة
تقفيل الياريس ياباني تقفيل السيمبول تركي
كده انا قلت اللي عندي ممكن بقي بعد ماتختار تقول انت اخترت مين و ليه و ربنا يوفقك