استطلاع : ياريس هاف اوبشن و لا سيمبول مانوال
يا جماعة مين افضل الياريس هاف اوبشن و ثمنها 86 الف جنيه و لا السيمبول مانوال فول اوبشن و ثمنها 80 الف جنيه
الياريس طبعا معروفة تويوتا ..... اداء و نعومة و توفير فى البنزين و ماركة جامدة و اعادة بيع ممتازة ...4 ازاز منافلة ....2 ايرباج ....صاج اخف شوية
السيمبول مانوال فول اوبشن : صناعة فرنسى تقفيل تركى ....4 ازاز كهربا .. ايرباج ....ايمبوليزر.... كاسيت سى دى
سنتر و انذار بالريموت و مرايات كهربا و شنطة واسعة جدا...صاج اقوى و العربية مصفحة من تحت بالكامل..توكيل رينو هو وتويوتا الناس بيشكروا فيهم ...
علما بأنى طبيب و استعمالى خفيف و معايا اسرة من طفلين ... فى الصعيد ....و سفر قليل .... وبرضه الوجاهة مطلوبة طبعا... و مش من النوع اللى بيغير العربية بسهولة .....مدام كويسة ..... و يهمنى قلة الاعطال .... و برضه التكييف مهم .....علما بانى هاشترى قسط مش كاش
انهو احسن يا جماعة ....... و على فكرة السيمبول ابتدت تنتشر اليومين دول
ياريت كل واحد يشارك ..... و يقول رأيه
وكل عام وانتم بخير
كله سيمبول ......مفيش ياريس خالص
كله سيمبول سيمبول ..... مفيش ياريس خالص
زى كله ضرب ضرب .....مفيش شتيمة :Y_hi_3[1]:
طب يا جماعة كل واحد يقول سيمبول ليه ؟؟؟؟؟ و ليه احسن من الياريس ؟؟؟؟؟
يعنى يقول اسباب ..... لو سمحتوا عشان كلنا نستفاد و نفهم الفرق و مميزات كل واحدة و عيوبها
و لا ايه رأيكوا يا جماعة ؟؟؟؟؟؟؟
و متشكر على الردود على كل حال و فى انتظاااااار المزيد