مشكلتين عاوز حلهم لوو سمحت

**sweetheart_** · 01-09-2009 01:16 PM

انا عندى سوبر فيوراالمشكلة الاولى ان لمبة الزيت بتنور ولما بدوس بنزين بتروحالتانية ان الاشارة بتعلق ومش بتشتغل ولما ادوس بنزين تشتغل مع العلم غيرت فلشر ولسه برده وساعات لما بدوس فرامل متشتغلش؟؟؟؟؟؟؟؟؟؟؟؟

**medo980** · 01-09-2009 01:23 PM

السلام عليكم ورحمة الله وبركاته بص يا باشا بالنسبة لمشكلة لمبة الزيت انا معرفش فيها حاجة اما بالنسبة للإشارات انا كان عندى نفس المشكلة لما ادوس فرامل وانا مشغل الإشارات تروح واقفة ماتشتغلش واكتشفت فى الأخر ان سلك الأرضى كان مفكوك عشان كدة كانت بتقطع الأشارات ودى تشوفها من الفانوس الى ورا شمال من داخل الشنطة تتأكد ان كل السلوك راكبة ومش سايبة او مهزوزة ارجو ان اكون ساعدتك فى شىء

**tareksakr** · 01-09-2009 01:45 PM

بالنسبة لمشكلة لمبة الزيت غالبا هيكون الفلتر بتاع الزيت نوعيته مش كويسة لأنها حصلت معايا نفس المشكلة وغيرت فلتر الزيت بس هات نوعية فلتر نضيفة

**sweetheart_** · 01-09-2009 05:04 PM

شكرا ليكوا على الرد وكل سنه وانتوا طيبين وربنا يطمنكوا

**aYaBooY** · 01-09-2009 05:23 PM

المشكلة الاولي محتاجة كهربائي يراجع على التوصيلات مش اكتر
التانية ممكن فلتر الزيت نوع وحش او بقالة كتير متغيرش و مبيحركش الزيت كويس يعني فيه قصور في الدورة
او سلك الساعة بيلمس و ده احتمال بعيد

**sweetheart_** · 01-09-2009 06:35 PM

انا مغيرتوش المرة الاخيرة واعتقد انه بقاله كتير فعلا ربنا يسهل هغيره بس هل فى نوع معين انتوا عارفين انه كويس اجيبه ولا ايه ؟ وانا هحط المرادى زيت التعاون هجربه عشان الموتور خفيف شويه لو عندكوا نصائح يا ريت

**amrbakly** · 01-09-2009 08:19 PM

اكيد لمبة الزيت منورة بسبب الفلتر

انا حصل معايا نفس الموضوع تقريبا في الأونو و كانت تفضل منورة لحد ما العربية تسخن حتي بعد ما غيرت الزيت و الفلتر بيومين تلاتة و بعدها اتظبطت

اعتقد الفاك فلتر العادي كويس و رخيص و ممكن تغيرة كل مرة بتغير زيت مش حيتعبك يعني

كمان نصيحة بما ان الماتور خفيف مفيش داعي تقعد فية زيت مدتة طويلة

و كمان انصحك تجرب شل الأحمر تقريبا بيعمل 50 جنية او 60 جنية بيقعد حوالي 3000 كيلو و زيوت شل علي العموم احسن كتير من التعاون

**sweetheart_** · 01-09-2009 08:24 PM

شكرا على الرد واتمنى تكون على قد كده

**aYaBooY** · 02-09-2009 09:50 AM

غير زيت و فلتر الاول و متخافش ساعة الزيت في ال 127 مش غالية
ممكن تجرب زيت شل كويس و فيه زيت فيسكو و ده بيتباع في محطات الغاز الطبيعي السايب كويس و لو الموتور خفيف و مفيش نية للعمرة اليومين دول ممكن تشتري من اي بنزينة تعاون او غيرها عبوة زيت شنبر و ديه نص كيلو تقريبا و بتتخلط مع غيار الزيت و بتساعد الموتور يمشي و هو خفيف فترة طويلة

**sweetheart_** · 02-09-2009 10:37 AM

انا فعلا بحط زيت شمبر بس بحط نص العلبه بس لسه اول مره اجربها كانت المره اللى فاتت انا واحد قالى برده على فيسكو دا برده
هى ايه ساعة الزيت دى ووظيفتها ايه ومكانها فين وبكام؟