هل تقضل اصلاح فردة الكاوتش التيوبلس باستخدام الخابور بدون فكها من الجنط ( تكلفة اقل + وقت اقل )
ام تؤيد فكها و لحامها من الداخل ( تكلفة اعلى + وقت اعلى )
انا بصراحة مش عارف اذا كان الحل الاول يؤثر على كفاءة الكاوتش ام لا بس انا اؤيد الحل الثانى
عرض للطباعة
هل تقضل اصلاح فردة الكاوتش التيوبلس باستخدام الخابور بدون فكها من الجنط ( تكلفة اقل + وقت اقل )
ام تؤيد فكها و لحامها من الداخل ( تكلفة اعلى + وقت اعلى )
انا بصراحة مش عارف اذا كان الحل الاول يؤثر على كفاءة الكاوتش ام لا بس انا اؤيد الحل الثانى
سؤال منطقي جدا وانا كمان احب اعرف الرد
الخابور بيركب باله مدببة بتتدفس فى الكاوتش... طيب لو الالة المدببة دى قطعت سلك من سلوك الفردة يبقى ايه اللى حيحصل و انت ماشى 100 على مصر اسكندرية الساعة 2 الضهر؟
MMamdouh
الخابور سهل و سريع و مخش بياخد وقت بس عيبة انة اثناء تركيبة عرضة ان يكسر(يقطع) الداخلي اللي في طبخه الإطار
لا شك ان اللحام بالمكواة افضل بس عيبة العطلة في الوقت و التكلفة ازيد
و الله اعلم
مين قال التكلفة ازيد؟؟
اللى اعرفة ان الخابور ب 7 الى 10 جنيه فى حين ان الخرم اللى بيتعمل بالمكوة ب 5 جنية
MMamdouh
+1اقتباس:
تؤيد فكها و لحامها من الداخل ( تكلفة اعلى + وقت اعلى )
موضوع جميل و انا بعانى منه جدا عملت 10 خوابير و برده الكاوتش بينام ننه هوووووووو
طبعا فكها و لحامها من الداخل أفضل بكثييييييييير جدا و ده رأى فنى و لو لقيت المانيوال بتاع ميشلان عندى سوفت كوبى هاحاول أرفعهلكم على النت علشان الفايدة منه جامدة جدا. ;)
عفوا سقطت كلمة "السلك" من التعليقاقتباس:
المشاركة الأصلية كتبت بواسطة Adham
ارجو مراجعه الموضوع ده
http://www.nilemotors.net/Forum/view...606&highlight=
الخلاصة اللي وصلتلها بالاسعار في اسكندرية
1- اللحام من الداخل علي البارد (4ج)- الاعلي كفاء
2- اللحام من الداخل علي الساخن (3.5ج) اقل كفاءة لانه يسبب تشوه (اجهادات) في شبكة السلك الداخلية
3-الخابور (5ج) كفاءة ضعيفة جدا -يدمر الشبكة الداخلية و قد يسبب اعوجاجها
خابور ايه
انا حرمت
الحم من جوه حتي لو هعود نص ساعة جنب العربية
+1اقتباس:
مين قال التكلفة ازيد؟؟
اللى اعرفة ان الخابور ب 7 الى 10 جنيه فى حين ان الخرم اللى بيتعمل بالمكوة ب 5 جنية
طبعا اللحام من الداخل افضل بكتييييييييييييييير ....
+1اقتباس:
انا بعانى منه جدا عملت 10 خوابير و برده الكاوتش بينام ننه هوووووووو
يعنى الخلاصة تلحم من جوة ونشترى دماغنا - طب ولو كدة أنا عندى خوابير دلوقتى ينفع اروح أشيلها واحط مكانها لازقة ولا أعمل أية
ينفع طبعا بس روح لواحد عنده ضميراقتباس:
يعنى الخلاصة تلحم من جوة ونشترى دماغنا - طب ولو كدة أنا عندى خوابير دلوقتى ينفع اروح أشيلها واحط مكانها لازقة ولا أعمل أية
و تكون زبونة و عارفك و كمان جمب البيت علشان لو فى حاجة تعرف ترجع له تانى
لا ماينفعشاقتباس:
المشاركة الأصلية كتبت بواسطة eng_mkhalaf
ماتفرقش لأن التلف اللي بيسببة الخابور هو اثناء تركيبة
و طالما اتركب يبقى خلاص, لو كان سبب قطع في السلك بتاع الكاوتش مش حايتصلح
و او كاكانش سبب قطع او كسر في السلك بتاع الكاوتش اثناء تركيبة يبقى خلاص و مش حايسببة مع المشي
دي معلومات مهمة جدا
انا كنت فكر ان الخابور هو العلاج الافضل للتيوبلس
+1اقتباس:
خابور ايه
انا حرمت
الحم من جوه حتي لو هعود نص ساعة جنب العربية
انا اتعلمت ابعد عن الخابور و اغنيله بس بعد ما باظ مني فردتين كاوتش زمان.
المشكلة ان في صنايعية كتير بيشتغلوا بالخوابير بس :|
الغريب يا أخي انا عارف و عمال اقول ان الخابور ممكن يبوظ الكاوتش و يقطع السلك, بس باب النجار مخلع
باستسهل و بابقى مستعجل, اقولكم عربيتي الهوندا اللي بعتها من شهر تقريبا, كان فيها فرد كاوتش فيها بدل الخابور 5 :D
أول حاجة تنفع في الموضوع ده .. سائل لحام الإطارات ، وفي ناس بتسميه تبطين الكاوتش . دي مادة بتدخل جوه أي خرم وتسده .
تاني حاجة اللحام الألماني ، وده موجود في مراكز بريدجستون بيدخل حاجة زي الإبرة في الخرم ويحقن مادة لاصقة قوية جداً دون أن يقترب من السلك أو التيل الداخلي للفردة .
ثالث حاجة اللحام الداخلي المعروف لو على البارد اتأكد من تزفير مكان اللحام كويس ، وخلي الصنايعي يحط لاصقتين مش واحدة .. واحدة صغيرة على قد الخرم والتانية أكبر منها شوية ، وراعي دايماً إن اللحام يكون عند شخص محترف مش في بنزينة مثلاً .
رابع حاجة الخابور ، وأشهر نوع الأمريكي (البرتقالي) وده نوع زبالة لأنه ناشف جداً وبيحتاج عافية من الصنايعي علشان يحطه مضبوط علشان كدة احتمالات تقطيعه للسلك كبيرة جداً .. في نوع خوابير مكسيكي لونها أسود طرية جداً وممتازة ، وبرضه اعملها عند أخصائي كاوتش محترف حتى لا يؤثر على السلك الداخلي .
لو مشيت بهذا الترتيب ممكن تتنقل من الخطوة الأولى للتي بعدها ، لكن العكس مستحيل .
الخابور مينفعش بعده لحام .
واللحام الزفر مينفعش بعده لحام ألماني
واللحام الألماني مينفعش بعده تبطين .
تقبلوا خالص مودتي
المتألق دكتور أحمد سمير
كلام سعادتك طبعا رائع و فعلا السائل دة حل هايل و عملي جدا بس عيبة انة مكلف شوية على ماعرف ان العلبة منة ب 160 و تكفي 4 فرد كاوتش عادية, و على ما اعتقد انها مش حاتكفي الكاوتش بتاع العربية ال 4*4 لأنة اكبر بكتير و باخد كم اكبر من الهواء
يعني حايكلفني 320 جنية,
بس انا اعتقد ان المشكلة في الخابور مش في خامة الخابور نفسة, مش هية اللي بتقطع السلك جوة طبخه الكاوتش, و انما في الأداة اللي بيتسعملها الصنايعي ليضرب الخابور في الفردة, هي دي اللي بتقطع السلك اثناء ضربها للخابور سواء كان امريكي او مكسيكي او حتى شبراوي :D
خالص تحياتنا لك يا دكتور و نتمنى نشوف حضرتك يوم الجمعه ان شاء الله
السلام عليكم،اقتباس:
تاني حاجة اللحام الألماني ، وده موجود في مراكز بريدجستون بيدخل حاجة زي الإبرة في الخرم ويحقن مادة لاصقة قوية جداً دون أن يقترب من السلك أو التيل الداخلي للفردة
للعلم اللحام الألماني ده أسعاره 20 جنيه للصغير و 30 جنيه للكبير.
شكرا.