يا ريت لو حد مشترك هناك يقولى رأية فى النادى وهل يستحق الاشتراك فية ولا لآ؟؟
عرض للطباعة
يا ريت لو حد مشترك هناك يقولى رأية فى النادى وهل يستحق الاشتراك فية ولا لآ؟؟
لو قصدك نادى المقاولين العرب ؟انا دخلته كام مرة .....معقول بس انت عايز رياضةولا فسح وكده ؟
أنا مشترك فيه ..
لما جددوه بقى حلو و الرياضة فيه بقت ممتازة و الإدارة الصراحة عاملة قوانين صارمة و مسكاه صح ... يا رب يفضل على كده ..
حضرتك ممكن تروح الفطار مع نايل موتورز و تشوف بنفسك .
بص هو بعد ما سحبوا التمويل بتاع فريق الكورة , ظبطوا الفلوس لتظبيط النادى ..
الصراحة النادى بقى نضيف جدا ... و بقى حلو ... ماتلقيش زبالة مرمية على الأرض ...
و علموا إشتراك مخصوص لحمام السباحة ... و لو مش مشترك فى حمام السباحة لو عايز تنزل تدفع تذكرة 25 جنيه .. و مافيش كوسة فيها ...
و محدش يقدر يكسر النظام من الأعضاء لأن الأمن مش هيوافق و دى شفتها بعينى ..
و الموضوع كله مظبوط و متراقب و بصراحة الإدارة ممتازة ما شاء الله و مظبتاه تمام و نظام محدش بيكسره ...
حضرتك روح إتفرج عليه الأول و شوف كويس بردوا عشان الننظرة تختلف ...
فى الرياضة أنا مش بتمرن هناك بس بشوف تمرين السباحة ممتاز ....
طب هو الاشتراك هناك كام؟ وهل ممكن تقسيط الاشتراك ؟ كام مدة التقسيط ؟
ملوحظة على فكره الآشتراك حا يبقى 40000 ألف ايوه الرقم صحيح أربعين ألف و أخدو قرار بكده بس مش عارف بالتحديد من أمتى يبدء
نسيت اٌقول إن فى فرع للنادى على النيل خاص برياضة التجديف ....
و هو نضيف و فيه مطعم و كافيتريا و و بجع و الطيور و قاعة أفراح حلوة بردوا ...
و تدخلوا بنفس الكارنيه عادى و ملوش إشتراك خاص ...
السلام عليكم ورحمة الله وبركاته
أنا عارف إن الموضوع قديم لكن أنا بفكر أشترك بأمر الله و إتصلت بيهم و عرفت التفاصيل الخاصة بآخر الأسعار و طريقة السداد :
الإشتراك 27900 جنية كاش
التقسيط : من بنك البركة الإسلامى ( بنك التمويل المصرى السعودى سابقا )
يتم دفع 7900 جنيه مقدم و الباقى بفايدة مركبة
فائدة مركبة 5.5 % على 3 سنوات
فائدة مركبة 6.5 % على 5 سنوات
لو هايتم إضافة الوالد و الوالدة يتم دفع مبلغ 310 جنيه لكل منهم
مصاريف التجديد السنوية 220 جنية + 10 جنيه لكل كارنيه
حمام السباحة مجانى أول سنة إشتراك و بعد كده ب 175 جنيه
صالة الجيم ب 100 جنيه شهريا للأعضاء
و بصراحة النادى شكلة نضيف جدا لكن شايف إنه غالى شوية
ياريت اللى يعرف نوادى كويسة و بسعر كويس يقولنا
و شكرا
مشترك من 4 سنين
من اكثر النوادي حزما
ويصنف احسن ناشئين في مصر في كل اللعبات تقريبا
عندهم مدارس رياضية قوية جدا في كل اللعبات
ومفيش تهريج هناك
وعائلي من الدرجة الاولي
عمرك ماتلاقي شباب واقفين يهرج ويعمل حركات مش كويسة
ولو واحد وواحدة ماشيين مع بعض وماسكين ايدين بعض لازم الامن يشوف كارنيهاتهم
وغير مسموح للاشتراك غير للمتزوجين
واعتقد لازم يكون مؤهل عالي او احد الازواج على الاقل
والطرف الاخر مؤهل متوسط حد ادني وبيدفع اشتراك اعلى
ومفيش اشتراكات لغير المؤهلات
كل يوم الاقي ملاعب جديدة بتتعمل
بالنسبة لموضوع ال 25 جنية لغير المشتريكن بحمام السباحة صحيح جدا وشداد جدا جدا
وممنوع الاكل او تغيير الملابس اعلى الحمام نهائيا
مليان كافتيريات بمناظر رائعة بسعر بسيط قوي
شاي ب 1.5 وحاجات كدة
فيه مطعم البروة اعلى مطعم ارضي في مصر وده اللي تم فيه افطار رمضان السنة الماضية ويمكن السنة الجاية ان شاء الله لانه حاز على اعجاب الاعضاء والحمد لله وتمنه معقول فعلا
موضوع ال 40 الف اشتراك فعلا تم الموافقة عليه
وفيه اشتراك موسمي ب 2500 في السنة تقريبا
واشتراكات الالعاب فيه بتكون مضاعفة
ولو عايز اي استفسار اتفضل
يعنى إنت شايف يا كريم إن النادى ده إستثمار كويس
لأنى متردد جدا و المبلغ مش قليل
بس كل تفكيرى فى أسرتى الصغيرة و عمر إبنى يلعب و يتفاعل فى مكان نضيف و محترم
و هل هاستفيد من الإشتراك كويس ولا مجرد هادفع فلوس عشان أقعد فى مكان كويس و بس ؟
و إيه رأيك فى نادى النصر اللى فى مصر الجديدة ؟
ربنا يجازيك خير
اولا مساحات رهيبة
ثانيا ادارة حازمة
ثالثا تدريبات بجد
انا بروح مرتين في الاسبوع وانا متكدر عشان تدريب السباحة بتاع كنزي بس بصراحة مدربين هايلين
ومستني شوية واشتركلها لعبة دفاعية
للاطفال اكثر من رائع
ده كفاية مدارس كرة القدم ولا كمية الملاعب فيه
لو ماشوفتوش تقدر تقابلني اي احد واربع الساعة 6 على باب النادي ادخلك واسيبك تاخد جولة حرة في كل مكان وتعرف كل حاجة على الطبيعة
ربنا يكرمك فيها يا كريم و تفرح بيها
طب الألعاب دى و التدريب بيدفعلة إشتراكات تانية ؟
و لو أنا حبيت أتعلم السباحة ممكن ولا ؟ لأنى باغطس بس ههههههههههههههههه
و هل التدريب بيكون بإشتراكات إضافية ؟
أنا شفت بعض أجزاء من النادى لما منت فى فطار رمضان اللى فات بتاع المنتدى و بصراحة ممتاز
اه بيتدفعلة
يعني مثلا انا مشترك حمام سباحة
لكن تدريب البنت بيكون مثلا ب 100 جنية في الشهر
مش فاكر بكام بالظبط
السنة اللي فاتت كان 120 تقريبا السنة دي 80
كرة القدم بين 100 و 150
لان بيكون تدريبات حقيقية
وبالنسبة للكبار في تدريب طبعا
وفي كل الالعاب
حتى الفروسية
ده اللي انا اعرفه وتقدر تتاكد لما تتصل بادارة النادي
بفضل الله إشتركت النهاردة فى نادى المقولون
إستخرت الله و توكلت على الله و إشتركت
و المفاجأة إنه فيه مدرسة مجانية لتحفيظ القرآن الكريم للكبار و الصغار
كريم ... مش معقوله نكون فى النادى مع بعض و تمرين ولادنا الحد و الاربع فى حمام السباحه و لسه متقابلناش لحد دلوقتى
انا بكون موجود من 4 45 علشان معادهم من 5-6 كلمنى لو موجود بكره 0117733077
Ahit مبروك و نورتنا فى النادى
انابكون موجود زى ما شرحت لكريم و نمرتى فوق ... كلمنى و نتقابل
ازاي نظام القسط اقل من الكاش حد يوضحلي وكمان مفيش فائدة علي القسط وعايز اعرف الاشتراكات السنوية زوج وزوجة وابناءاقتباس:
نظام القسط 8000 والباقى على 3 سنين حوالى 500 شهريا
معرفش موضوع القسط بس الاشتراك السنوى يعمل حوالى 400 جنيه (225 اشتراك + 175 حمام سباحه) و 10 جنيه لكل كارنيه
باشا فى عضويه دايمه و دى بتدفع 28000 فى الاول و سنوى 400 و دى بتورث و ممتده فى العيله
و فى حاجه اسمها موسميه بتدفع 2500 فى السنه لاشتراك السنه دى بس و بعد كده كل سنه تدفع نفس المبلغ بس هتبقى تحت رحمة ان مثلا يقولو من السنه الجايه مفيش موسمى او ان فى حاجات رسومها للدايم غير للموسمى
مشكور على التوضيح يا باشا :)
الله يبارك فى حضرتكاقتباس:
مبروك و نورتنا فى النادى
انابكون موجود زى ما شرحت لكريم و نمرتى فوق ... كلمنى و نتقابل
و أنا يذدنى شرف إنى أقابلك و نتعرف و كفاية إنك زميل من نايل موتورز
نظام القسط ايه ارجو الافادة بنادي المقاولون العرب
اقتباس:
نظام القسط ايه ارجو الافادة بنادي المقاولون العرب
الإشتراك 27900 جنية كاش
التقسيط : من بنك البركة الإسلامى ( بنك التمويل المصرى السعودى سابقا )
يتم دفع 7900 جنيه مقدم و الباقى بفايدة مركبة
فائدة مركبة 5.5 % على 3 سنوات
فائدة مركبة 6.5 % على 5 سنوات
لو هايتم إضافة الوالد و الوالدة يتم دفع مبلغ 310 جنيه لكل منهم
مصاريف التجديد السنوية 220 جنية + 10 جنيه لكل كارنيه
حمام السباحة مجانى أول سنة إشتراك و بعد كده ب 175 جنيه
صالة الجيم ب 100 جنيه شهريا للأعضاء
ههههههههههههههههههاقتباس:
بس انا عندى ليك سؤال , انت بتغطس فعلا و لا ده كان بمناسبة السباحه؟
أنا للأسف بعوم عوم غريب
بعوم كتير و الآخر بلاقى نفسى فى نفس المكان مش عارف ليه ؟؟؟؟؟؟؟!!!!!!!!!!!!!!!!
أنا سألت على تدريب السباحة لقيته ب 77 جنية أول شهر و بعدين ب 67 جنية كل شهر
الظاهر إن تعليم العوم بياخد سنين ولا ايه مش عارف
إن شاء الله هاعرف التفاصيل لما أروح على يوم الخميس أو الجمعة بأمر الله
هههههههههههههههه حلوة ده بعوم في نفس المكان
سؤال صغير يا جماعه
لو انا عايز اشترك انا ومراتي وهدفع كاش هيكون المبلغ كام؟
المبلغ كاش بيكون 27900 شامل حضرتك و المدام و أى عدد من الأطفال و لو مفيش أطفال حاليا بتدفع نفس المبلغ و ممكن تضيفهم فى أى وقت مجانا لكن بتدفعلهم 10 جنية مصاريف كارنية العضوية لكل طفل سنويااقتباس:
لو انا عايز اشترك انا ومراتي وهدفع كاش هيكون المبلغ كام؟
هههههههههاقتباس:
هههههههههههههههه حلوة ده بعوم في نفس المكان
أيوة بعوم لكن فى نفس المكان !!!!!!!!!!!!!!!!!!!!
يمكن العيب فى الميه نفسها !!!!!!!!!!!!!!!!!!
هو العوم فى حمام السباحة غير العوم فى المية المالحة ؟؟؟؟
أصلى بحس إن المية المالحة أسهل فى العوم
يا باشا طالما مبتنزلش تبقى فى الsafe side :)
انا كنت مشترك فى موضوع مدرسة الكبار علشان اعرف اعوم بطول الحمام من غير مالاقى حد بيبلبط فى سكتى
بس كانت يومين فى وسط الاسبوع
لما خلوها ساعتين يوم الجمعه كسلت
الفرق بين الميه الحلوه و المالحه فى الكثافه فبالتالى الميه المالحه بتزقك لفوق اكتر من الميه الحلوه
للاسف مسافر الخميس و الجمعه بس موجود فى النادى يوم الحد ان شاء الله من 4 لحد 8-9
سؤال أخير ليه مينفعش عزاب يشتركو؟
مين قال مينفعش عضوية لعزاب مفيش قانون في الشباب والرياضة بيمنع ده اهم شي يكون 21 سنة ويقدم عادي عضوية ولما يتزوج يضيف الزوجة ولما يخلف يضيف الابناء والابناء لما يوصلوا 21 سنة يفصلوا عضويتهم والبنت عند الزواج او العمل بتامينات ايهما اقرب
طيب حد عنده فكره عن التقسيط شكله عامل ازاي يعني قرض من البنك ولا عقد مرابحه ولا ايه عشان المفروض البنك ده اسلامي بس انا متخوف من موضوع القرض خاصة اني سالت في النادي قالي البنك بيديك شيك بتديه للنادي ياريت لو حد يعرف يقولي ضروري
يا جماعه انا سألت في النادي قالولي التقسيط بيبقى عباره عن قرض البنك بيديك شيك تديه للنادي
كلمت البنك عشان افهم قالولي فعلا بنديك شيك تديه للنادي بس العقد اللي بيتكتب عقد مرابحة اسلامية طيب ازاي اسلامية والبنك لم يتملك السلعه وما ينفعش يتملكها اصلا انا بصراحة مش فاهم ياريت لو حد اشترك تقسيط يقولي العقد ده مكتوب في ايه بالظبط عشان انا قلقان من حتة القرض دي